Исай 60:16 - Библи

¹⁶ Эхын нарай нялхаяа хүхөөрөө тэдхэдэгтэл, үндэһэ яһатад шамайе тэдхэн байха, хаашуулынь тэдхэгшэдшни болохо. Иигэжэ Минии, Эзэнэй, таанадай Абарагша, Яковай Хүсэтэ Бурхан байһые мэдэхэш.

Исай 60:16 ပူးပေါင်းရင်းမြစ်များ

Египедһээ гаралга 6:7

Таанадые Минии арад болгожо, Бурхантнай болохоб. Таанадые Египедэй дарлалтаһаа гаргаһан танай Эзэн Бурхан гэжэ һанажа ябахат.

Исай 1:24

Тиимэһээ Түмэн Сэрэгтэ Эзэн, Израилиин Хүсэтэ Бурхан, иигэжэ айладхана: «Одоо даа, эсэргүүшэдээ диилэхэб даа, дайсадһаа үһөөгөө абахаб даа.

Исай 12:6

Сионой ажаһуугшад, баясагты, шангаар дуулагты! Израилиин арюун Бурхан танай дунда агууехэ!»

Исай 19:20

Энэнь Египедэй орон нютагта Түмэн Сэрэгтэ Эзэнэй байһанай гэршэ тэмдэг болохо. Тэндэ зон дарлагдажа эхилхэдээ, абархыень Эзэн Бурханиие дуудаха. Тиихэдэнь Тэрэ абархыень хэн нэгэниие эльгээхэ.

Исай 25:9

Эдэ бүгэдын тохёолдоһон үдэр зон иигэжэ хэлэхэ: «Энэл даа, манай Бурхан! Тэрээндэ этигэн найдаа бэлэйбди, тиихэдэмнай Тэрэ маанадые абараа. Энэл даа, Эзэн! Бидэ Тэрээндэ этигэн найдаа һэмди, маанадые абарһандань баясан сэнгэел!»

Исай 29:24

Алдуу эндүү хэжэ байгаашад ойлгодог болохо, гэмэрэлдэн байгаашад заабари хүлеэн абаха».

Исай 33:22

Эзэн манай Удамарша, манай Шүүгшэ, манай Хаан! Тэрэ бидэниие абарха!

Исай 43:11

Би гансаараа Эзэн гээшэб! Намһаа ондоо абарагша танда байхагүй.

Исай 45:15

Өөрынгөө арад түмэниие абарагша Бурхан, Израилиин Бурхан, Өөрыгөө нюудаг Бурхан юм Тэрэ!

Исай 45:21

Зарга шүүлгэндэ ерэжэ, хэрэгээ хөөрэгты. Хамта зүбшэгты. Хэн эртэнһээ энээниие мэдүүлжэ, олондо соносхооб? Өөрын арад түмэниие абарагша Би, зүб шударга Эзэн бэшэ гүб?! Намһаа ондоо Бурхан байхагүй!

Исай 49:23

Тэдэнэй хаашуул эсэгэ мэтээр, хатануудынь эхэнүүд мэтээр шамда хандажа, урдашни доро дохин байха. Тиихэдэнь Намайе Эзэн гэжэ мэдэдэг болохош, Намһаа туһа эригшэд заабол туһадам хүртэхэ».

Исай 49:26

Шамайе дарлагшадые бэе бэеэ хороохыень баадхахаб, тэдэ өөһэдынгөө шуһа үзэмэй дараһан архи мэтээр уужа һогтохо. Тиихэдэ хүн бүхэн Намайе шинии Абарагша, эрхэ сүлөө олгуулагша Эзэн, Яковай Хүсэтэ Бурхан гэжэ мэдэдэг болохо!

Исай 52:6

Тиимэһээ арад түмэмни нэрыем мэдэдэг болохо, тэдээнтэй Минии хөөрэлдэһые, энэ Минии байһые тэдэ ойлгохо!»

Исай 59:20

Эзэн иигэжэ айладхана: «Сионой зондо болон муу муухайһаа зайлагша Яковай үринэртэ Абарагша заларха.

Исай 60:17

Би шамда гуулин түмэрэй орондо алта, түмэрэй орондо мүнгэ, модоной орондо гуулин, шулуунай орондо түмэр асархаб. Удамаршадшни бэшэ шамайе дарлахагүй, хэрэгүүдые тэдэ зүб шударга, амар амгаланаар шиидхэдэг болохо.

Исай 61:6

Харин таанад Эзэнэй санаартад, манай Бурханай зарасанар гэжэ нэрлэгдэн, бусад арадуудай баялиг эдлэн, тэдэнэй алдар соло таанадта хүртэхэ.

Исай 63:16

Теэд Та манай Эсэгэт. Манай элинсэг эсэгэнэр болохо Абраһаам, Израиль маанадые өөрын гэжэ бү тоог, харин Та, Эзэмнай, манай Эсэгэ болонот, хододоо «Абарагшамнай» гэжэ Таниие нэрлэдэг бэлэйлди.

Исай 63:8

Эзэн иигэжэ айладхаа: «Тэдэ Минии арад түмэн гээшэ, Намайе мэхэлхэгүй». Тиигээд Тэрэ тэдэниие абараа бэлэй.

Исай 66:14

Энээниие харахадаа, сэдьхэлтнай баясаха, бэе тамиртнай зүлгэ ногоондол һалбаран, элүүр энхэ болохот. Минии, Эзэнэй, үгэ дуулагша зондо туһалдагыем, дайсадтаа уур хилэнгээ харуулдагыем ойлгохот».

Ерэмияа 15:21

Хорото муу зоной һабарһаа шамайе абархаб, харшалагшадай һабарһаа сүлөөлхэб. Энэ болбол Би, Эзэн, айладхана мүн!

Эзэкээл 34:30

Минии, Эзэн Бурханай, Өөрын арад түмэн болохо Израилиие аршалан байһые хүн бүхэн ойлгохо. Энэ Би, Эзэн Бурхан, айладхана мүн!

Гэршэлгэ 21:24

Арадууд тэрэ хотын гэрэл туяа соо ябаха, газар дэлхэйн хаашуул өөһэдынгөө баялиг зөөриие тэрээндэ асаржа үгэхэ.

Гэршэлгэ 21:26

Арадуудай нэрэ солые, баялиг зөөриие тэрэ хотодо асарха.