Исай 60:15 - Библи

¹⁵ Хаясаанай, үзэн ядадагай, хооһон хото байһаншье һааш, Би шамайе хэтэ мүнхын бахархал, үеһөө үедэ баярай газар болгохоб.

Исай 60:15 ပူးပေါင်းရင်းမြစ်များ

Исай 25:8

Эзэн Бурхан үхэл хаталые хэтын хэтэдэ усадхаха. Бүхы зоной нюурһаа Тэрэ нулимса аршажа, Өөрын арад түмэнэй нэрээ гутааһан ушарые бүхы дэлхэйгээр зайлуулха. Энээн тушаа Өөрөө Эзэн айладхаа бэлэйл.

Исай 35:10

Тэдэ Иерусалим руу баяртайгаар хашхаралдан ерэхэ. Уй гашуудал, һанаа алдалга оро һэегүй үгы боложо, баяртай, аза жаргалтай тэдэ хэтэ мүнхэдөө болохо.

Исай 4:2

Тэрэ үдэр Эзэнэй мүшэр гоё һайханаар, алдар солоор толоронхой бии болохо, газарай хэшэг Израилиин амиды мэндэ үлэгшэдтэ бахархал, гоо һайханиинь болохол.

Исай 6:11

Би асуубаб: – Эзэмни, хэр удаан энэ үргэлжэлхэб? Тэрэ иигэжэ харюусаба: – Хотонуудай һандаран сүйдтэ орожо, хүн зонгүй болотор, оршон тойроной эзэгүйржэ, газар нютагай юушьегүй болотор.

Исай 6:12

Би зониие үлдэхэб, энэ орон нютаг ехэ хооһорхо.

Исай 61:7

Доромжолуулдаг сагтнай дүүрээ. Таанад өөһэдынгөө газар дайда дээрэ ажаһуужа, хоёр дахин ехээр эд баялигтнай нэмэхэ, хэтэ мүнхэдөө баясан баярлан байхат.

Исай 62:4

Энээнһээ хойшо шамайе «орхигдоһон», газарыешни «Хооһон, һубай» гэжэ нэрлэхэгүй. Харин шамайе «Бурханай баяр» гэжэ, газарыешни «гэрлэһэн» гэжэ нэрлэхэ. Юуб гэхэдэ, Эзэн шамда баясана, газарыешни һамга абаһан хүндэл адли болохо.

Исай 65:18

Таанад Минии бүтээжэ байгаа юумэндэ хүхилдэн, хэтэ мүнхэдөө баясан байхат. Минии бүтээжэ байгааша Иерусалим хүхюун зугаагаар билтаржа, арад зониинь баяраар халин байха.

Исай 66:5

Эзэнһээ айдаг, үгыень дууладаг зон, Тэрэнэй иимэ үгэ шагнагты: «Намда этигэдэг байһандатнай танай арад зоной заримашуул таанадые үзэн ядажа, харшална. Эзэн Өөрынгөө хүсэ шадал харуулаг лэ, таанадые манай хараһаар байтар абараг лэ, баярлахыетнай харахабди гэжэ тэдэ хэлэнэ. Тэдэ эшхэбтэр байдалда орохо!

Ерэмияа 30:17

Дайсадтнай таниие «Сион – хэндэшье хэрэггүй, хэншье тэрэниие анхархагүй» гээд хэлээ. Теэд Би танда тэнхээ үгэхэб, шархыетнай эдэгээхэб. Энэ болбол Би, Эзэн, айладхана мүн!

Ерэмияа 33:11

баяр, хүхилдөөнэй, түрэ хуримай абяануудые соносохот. Зоной дуу дуулахые шагнахат. Тэдэ хадаа баяр баясхалан хүргэн, Минии Һүмэ соо үргэл хэхэ. Тэдэ иигэжэ хэлэн байхал: «Түмэн Сэрэгтэ Эзэндэ баясхалан хүргыт. Тэрэ хадаа угаа һайн. Тэрэнэй үршөөл хайра мүнхэ». Би энэ орон нютагые урданайхидань адли амжалта түгэс болгохоб. Энэ болбол Би, Эзэн, айладхана мүн!

Наум 2:2

Яков болон Израиль дайсадтаа хухалуулһан үзэмэй модоной модондол адли. Харин Эзэн тэдэнэй алдар солые бусааха.

Захарияа 7:14

Тэдэниие һалхи шуургантай хамта хари зоной дунда тараан сасаахаб, харин өөһэдэйнь газар нютаг эзэгүй болон хооһоржо, хойшо урагшаа нэгэшье хүн ябахагүй. Тэдэ өөһэдөө һайхан орон нютагаа хооһон губи болгобо», – гэжэ Түмэн Сэрэгтэ Эзэн айладхаа.

Гэршэлгэ 11:2

Теэд Һүмын гадаада хорёое бү тоололсо, бү хэмжэ, юуб гэбэл, тэрэ хорёонь бусад арадуудай мэдэлдэ үгтэнхэй. Тэдэ хүнүүд нангин хотые дүшэн хоёр һарын туршада хүлөөрөө гэшхэжэ дэбһэжэ ябаха.