Исай 59:19 - Библи

¹⁹ Зүүн зүгһөө баруун зүг хүрэтэр бүхы зон Тэрээнһээ, асари ехэ һүр һүлдэһөөнь айха. Голой урасхал, шанга һалхин мэтэ Тэрэ буухал.

Исай 59:19 ပူးပေါင်းရင်းမြစ်များ

Псалманууд 113:3

Далай тэдэниие хараад тэрьелбэ, Иордан һөөргөө урдаба.

Псалманууд 61:5

Таанар тэрэниие үндэр һууриһаань унагааха гэжэ хэлсэбэт, худалаар хэлэнэт. Амаараа юрөөһэн аад, дотороо хараажа байналта! [Хүгжэм]

Исай 30:27

Аяар холоһоо Эзэнэй нэрэ дүтэлжэ байна. Уур хилэнгынь галаар бадаржа, дүлэнгынь угаа шанга. Аманиинь хилэнгээр дүүрэнхэй, хэлэниинь үрэбхидэг галдал мэтэ!

Исай 30:28

Амисхалынь ама хаажа байһан үертэл адли, арадуудые үхэлэй һагшуураар Тэрэ һагшаха. Тэрэ арадуудай үрүүндэ замһаань хадууруулха хазаар байна.

Исай 45:6

Тиихэдэм Намһаа ондоо ямаршье Бурхан байхагүй, Намайе Эзэн гэжэ наранай мандаха зүгһөө эхилээд, наранай орохо зүг хүрэтэр зоной мэдэхэнь болтогой!

Исай 49:12

Минии арад түмэн алас холоһоо, хойто, баруун зүгүүдһээ, урда зүгтэ байгша Египедэй Сиһээнэһээ ерэхэ.

Исай 66:12

Эзэн иигэжэ айладхана: «Би таанадта гол мэтээр амгалан тайбан байдал, үндэһэ яһатанай эд баялигуудые урдахуулхаб. Тэжээлгэжэ, эхынгээ гар дээрэ үргэгдэн, үбдэг дээрэнь энхэрүүлэн байгааша үхибүүндэл адли таанад болохот.

Исай 8:7

Би, Эзэн Бурхан, тэдээндэ бүхы сэрэгээрээ добтолхыень Ассириин хааниие асархаб. Эрьеһээ халин үерлэгшэ Евфрат мүрэнэй ехэ урасхал уһандал адли тэрэнэй сэрэг нэбтэрэн-халин ерэхэл.

Даниил 7:27

Дээдэ Бурханай гэгээшүүлэй арад түмэндэ хан түрэ, засаг түлөөлгэ, огторгой доро байгша бүхы хан түрэнүүдэй һүр жабхалан үгтэхэ. Тэрэнэй хааншалалга хэтэ мүнхэдөө оршохо, ямаршье засагтан тэрэнэй засаг мэдэржэ, хэлэһэн юумыень хэжэ байха.

Михей 7:17

Тэдэ шорой тооһондо могой, нүхэ һүбэһөө газарай хорхой мэтэ мүлхин гараха, Эзэн Бурханһаамнай айн шэшэрэлдэхэ.

Захарияа 4:6

Тэнгэриин Эльгээмэл намда иигэжэ ойлгуулба: – Түмэн Сэрэгтэ Эзэнэй Зэрубабээлдэ хандаһан иимэ үгэнүүд гээшэ: Шинии туһа болбол эрхэ мэдэлээр бэшэ, хүсэ шадалаар бэшэ, Минии Һүлдөөр ерэхэ.

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Матвей 8:11

– Тэрээнһээ гадна зүүн, баруун зүгһөө олон зон ерэжэ, Огторгойн хаан орондо Абраһаамтай, Исаагтай, Яковтай зэргэлээд, найрай шэрээдэ һууха.

Фессалоникиинхидтэ 2-дохи 2:8

Тиигээд Бурханай дайсан элирхэ, харин Эзэн Иисүүс ерэхэдээ, тэрэниие аманайнгаа амисхалаар алаха, Өөрынгөө һаргама ялагар байдалаар тэрэниие һүнөөхэ.

Гэршэлгэ 11:15

Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.

Гэршэлгэ 12:10

Тэнгэри дээрэһээ шангаар хэлэһэн иимэ үгэнүүдые би дуулаа һэм: – Одоошье Бурханай хүнүүдэй абарагдаха саг ерэбэ. Одоошье манай Бурхан засаг түрые абаад, хаан болохо. Тиин Бурханай Табисуурта бүхы дэлхэйе ударидан зонхилжо байха. Юуб гэбэл, бидэнэй аха дүүнэрые Бурханаймнай урда үдэр һүнигүй гэмнэгшэ газар руу шэдүүлэн унаба.