Исай 59:18 - Библи

¹⁸ Тэрэ дайсадаа хэһэн хэмээрнь хэһээхэ, аяар холын орон нютагуудаар ажаһуугшадыешье мартангүй хэһээхэл.

Исай 59:18 ပူးပေါင်းရင်းမြစ်များ

Иоов 34:11

Хүн хэһэн бүхы хэрэгтээ тэнсүү харюу Тэрээнһээ абадаг.

Псалманууд 62:12

Бурхан хааниие баярлуулха. Бурханаар тангариглагша хүн бүхэн баяртай байха, юуб гэбэл, худал хэлэдэг зоной аман таглагдаха.

Исай 1:24

Тиимэһээ Түмэн Сэрэгтэ Эзэн, Израилиин Хүсэтэ Бурхан, иигэжэ айладхана: «Одоо даа, эсэргүүшэдээ диилэхэб даа, дайсадһаа үһөөгөө абахаб даа.

Исай 35:4

Аймхай зондо иигэжэ хэлэгты: «Зоригтой байгты, бү айгты! Таанадые абархаяа, дайсадыетнай хэһээхэеэ Бурхан хүрэжэ ерэхэнь».

Исай 40:10

Харагты, Эзэн Бурхан хүсэ шадалаа, засаг эрхэеэ зангидан залархань. Зондо шагнал Тэрэ асарна.

Исай 49:4

Иигэжэ бодожо байгааб: «Би дэмы ажал хээб! Өөрын хүсые хооһон юумэндэ гаргашалан һалгааб». Харин үнэн, зүб байһыем гансал Эзэн тодоруулха, ажал хэрэгүүдэйм түлөө Бурхамни намайе шагнаха.

Исай 63:3

Эзэн иигэжэ харюусана: «Би шахуурга соо гансаараа хүдэлөөб, арадуудһаа хэншье Намда туһалаагүй. Би уур сухал дундаа тэдэниие гэшхэхэдээ, шуһаарнь бүхы хубсаһаа муухайдааб.

Исай 63:6

Уур сухал дундаа Би үндэһэ яһатадые дэбһэжэ хюдааб. Тэдэнэй шуһа газар руу адхаа бэлэйб».

Исай 65:6

Би тэдэниие яажа хэһээхэеэ бэшэжэ абанхайб. Дуугай байхагүйб, хэһэн хэрэгэйнь түлөө үһөөгөө абахаб.

Исай 65:7

Өөһэдэйнь болон үбгэ эсэгэнэрэйнь нүгэлэй түлөө үһөөгөө абахаб. Тэдэ хада ууланууд дээрэ уталга ууюулжа, Нам тушаа муугаар хэлээ һэн. Хэһэн хэмээрнь тэдээндэ хэһээлтэ амасуулхаб.

Исай 66:14

Энээниие харахадаа, сэдьхэлтнай баясаха, бэе тамиртнай зүлгэ ногоондол һалбаран, элүүр энхэ болохот. Минии, Эзэнэй, үгэ дуулагша зондо туһалдагыем, дайсадтаа уур хилэнгээ харуулдагыем ойлгохот».

Исай 66:15

Үзөөрэйгты, Эзэн гал дүлэн мэтэ бууха. Уурлаһан зоноо хэһээхэеэ Тэрэ шуурган һалхин мэтэ шуумайха.

Исай 66:6

Шагныт! Хотоһоо гаража байгаа ехэ шууяан, нангин үргөөһөө гаража байһан дуу шэмээ болбол дайсадаа хэһээжэ байһан Минии, Эзэнэй, дуу шуун гээшэл».

Ерэмияа 17:10

Бил, Эзэн, зоной һанаа бодол нэбтэ хаража, зүрхэ сэдьхэлыень туршадагби! Ажаһуудаг заяг заршамайнь ёһоор, үйлэ хэрэгүүдэйнь лэ ёһоор тэдээндэ хандадагби!

Ерэмияа 32:19

Та ухаатай мэргэн түсэбүүдые зохёонот, гайхамшагта хэрэгүүдые эрхилнэт. Зоной юу хэһые бултыень харанат, хэһэн хэмээрнь лэ юумыень харюулнат.

Ерэмияа 50:15

Хотые тойрон дайнай оог хашхараа суряатуулагты! Вавилоон абтаа, тэрэнэй хананууд хамхаран унаа, бута сохигдоо. Би тэрээнһээ үһөөгөө абахам, таанадшье өөһэдтэтнай тэрэнэй хандаһанай хэмээр үһөөгөө абыт.

Ерэмияа 50:29

Вавилооной урдаһаа харбагшадые дуудагты. Хотые тойрон, хэнииешье тэндэһээ амиды мэндэ табингүй тэдэ зогсог лэ! Үйлэдэһыень өөртэнь бусаагты! Ондоо арадуудта ямараар хандаа һэм, тон тиимээр өөртэнь хандагты! Юуб гэбэл, Вавилоон Минии, Израилиин Нангинай, урдаһаа бардамлан үндыгөөл.

Гашуудал 4:11

Эзэн уур сухалаар дүүрэжэ, уур сухалаа адхаба, Сиондо гал түймэр носообо, дууһан шатааба!

Эзэкээл 23:49

Һальхай ябадал гаргаһанайнгаа, онгонуудта мүргэһэнэйнгээ түлөө эгэшэнэр хэһээгдэхэ, тиихэдээ Намайе Эзэн Бурхан гэжэ мэдэдэг болохо.

Эзэкээл 38:18

Израиль руу добтолон ороходош, Минии уур сухал бушаганаха.

Эзэкээл 5:13

Иигэжэ уурайнгаа таратар тэдэниие хэһээхэб. Тиихэдэм Минии, Эзэн Бурханай, таанадтай хөөрэлдэһые ойлгохот.

Эзэкээл 6:12

Холо байгаашань халдабарита үбшэнһөө боложо наһа бараха, дүтэ байгаашань дайнда алуулха, амиды мэндэ үлөөшэнь туража үхэхэ. Иигэжэ Минии уур хилэнгэй хүсэн бушаганахал.

Ёһээл 3:4

Тиир, Сидоон ба Пилиштын тойрог Минии хубида юун бэ даа! Таанад үһөө абаха гэжэ байна гүт? Тэрэ үһөөетнай һөөргэнь тархи дээрэтнай буулгахаб.

Левит 26:28

Би сухал дундаа танда эсэргүүсэн орохоб, нүгэлэйтнай түлөө таанадые долоо дахин хэһээхэб.

Наум 1:2

Эзэн хадаа жүтөөрхэгшэ, үһөөгөө абадаг Бурхан юм. Эзэн хадаа үһөөрхэгшэ, уур хилэнгэй Эзэн мүн. Эзэн дайсадһаа үһөөгөө абадаг, тэдэнэйл урдаһаа хилгэнэдэг юм.

Матвей 16:27

Хүн түрэлхитэнэй Хүбүүн Эсэгынгээ алдар соо Эльгээмэлнүүдтэйгээ хамта һаяар ерэхэл, тиигээд хэһэн хэрэгэйнь хэмээр хүн бүхэниие шиидхэхэл.

Лука 19:27

Намайе хаан болгохо дурагүй байһан дайсадыемни асаржа, хараһаар байтарни хюдажа алагты», – гэжэ эзэн хэлэбэ.

Лука 21:22

Юундэб гэхэдэ, Нангин Бэшэг соо хэлэгдэһэн ёһоор тэрэ «Хэһээлтын үдэрнүүд» байха юм.

Римэйхиндэ 2:6

Бурхан хүн бүхэнииемнай хэһэн хэрэгүүдээрнь шиидхэхэ юм.

Хуули дабталга 32:41

Өөрынгөө сахилгаан һэлмэ хурсадажа, шүүбэрилжэ эхилхэдээ, дайсадһаа үһөөгөө абахаб, Намайе үзэн ядагшадта зэмыень амасуулхаб;

Хуули дабталга 7:10

Өөрыень үзэн ядагшадые Тэрэ хэһээдэг, үгы хэдэг. Хэһээлтэеэ удааруулжа байхагүй.

Гэршэлгэ 16:19

Аргагүй томо хото гурбан хуби боложо бутаран һандаршаба, бусад арадуудай хотонууд хяа бута һүрэн унашаба. Агуу ниислэл Вавилоон тухай Бурхан һанажа, аргагүй ехэ уур сухалайнгаа аягатай үзэмэй дараһан архиие тэрэ ниислэлдэ уулгаба.

Гэршэлгэ 19:15

Арадуудые илан дарахын тула амандаа хурса һэлмэтэй; Тэрэнь бүхы арадуудые түмэр таягаараа ударидан зонхилжо байха. Тэрэ Хамагые зонхилогшо Бурханай ехэ уур сухалай томо тогоон соо үзэмэй жэмэсые низа тэһэ дэбһэнэ.