Исай 59:14 - Библи

¹⁴ Зүб шударга ёһо хойшоо хаягдан, үнэн зүб холодобо. Үнэн гудамжа дээрэ бүдэржэ, үнэн сэхэ ябадал нэбтэрэн эндэ орожо шадахагүй байна.

Исай 59:14 ပူးပေါင်းရင်းမြစ်များ

3 Хаан түрэнүүд 21:10

урдаһаань харуулан, хоёр этэгээдүүдые һуулгаад, «энэ хүн Бурханиие ба хааниие хараана» гэжэ худалаар гэршэлхыень заагты. Тиигээд тэрэниие гаргажа, үхэтэрынь шулуугаар сохигты.

3 Хаан түрэнүүд 21:11

Хотын удамаршад, түшэмэлнүүд Изээбэлэй бэшэг соогоо захирһан захиралтыень дүүргэбэ.

Экклезиаст 3:16

Хуули шүүн шиидхэдэг газарта хуули буса ябадал, үнэн шударгын орондо ёрото муухай ушардаг гэжэ би нарата юртэмсэдэ мүн харааб.

Исай 1:21

Хэзээ нэгэтэ үнэн сэхэ байһан ниислэл хото янхан эхэнэртэл мэтэ яагаад болоо гээшэб?! Нэгэ үедэ тэндэ үнэн шударга хэрэгүүд ябуулагдадаг, үнэн зүб оршодог бэлэйл, теэд мүнөө гансал алууршад үлэнхэй.

Исай 46:12

Таанад, үсэд зантай зон, Намайе шагнагты! Үнэн зүб, һайниие хэхэ гээшэ үшөө үды гээд һананат.

Исай 5:23

Эдилгэ абахадаа, гэмтэниие зүб гэһэн шиидхэбэри гаргана, зүб шударга зониие гэмтэй болгоно!

Исай 5:7

Израилиин арад – Түмэн Сэрэгтэ Эзэнэй үзэмэй жэмэсэй сэсэрлиг гээшэл; Иудын хан түрын улад зон – Тэрэнэй дуратай үзэмэй модоной эшэнүүд. Үнэн зүбөөр хэрэгүүд эрхилэгдэхэ гээд Тэрэнэй хүлеэһэниинь тэдэ алууршад болоо. Үнэн шударгые хүлеэһэниинь гомдол, оог бархираан гансал гарана.

Исай 59:11

Бидэ бултадаа баабгай шэнги бүрхирнэбди, тагтаа шэнги ёолонобди. Үнэн шударгые хүлеэгөөбди, харин тэрэ үгы, абарал хүлеэгөөбди, теэд тэрэ холо.

Исай 59:4

Хэншье зүб шударга юумэнэй түлөө тэмсэнэгүй, хооһон, худал юумэ хэлэнэ. Муу муухай хэрэгүүдые түсэблэжэ, тэрэнээ бэелүүлнэт!

Исай 59:9

Зон иигэжэ хэлэнэ: «Тиимэһээл үнэн шударга бидэнһээ холо байна, үнэн зүб бидэндэ хүрөөгүй. Бидэ гэрэл хүлеэгөөбди, теэд гансал харанхы хаа-хаанагүй байна. Толон хүлеэгөөбди, теэд бүрэн соо түгэншэлнэбди.

Ерэмияа 5:31

лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Ерэмияа 7:28

Тиихэдэнь тэдээндэ «Энэ үндэһэн арад Эзэнэй, өөрынгөө Бурханай, үгэ дууланагүй, һургаал абанагүй. Үнэн зүб юумэн хосороо, тэдэнэй аманһаа бэшэ гарахагүй!» гэжэ хэлээрэй.

Даниил 8:12

Үдэр бүриин үргэлтэй хамта сэрэг тэрээндэ доромжолуулба. Үнэн зүбые газар руу унагаахадаа тэрэ угаа бэрхэ болоо бэлэй.

Һошээ 7:1

Израилиин арад түмэниие аргалжа байхадаа, тэдэнэй гэмтэ ябадалнуудые хараа бэлэйб. Хулгайшан хулгайлхаяа орожо байна, дээрмэшэн үйлсэнүүдээр дээрмэшэлэн ябана.

Амоос 5:11

Үгытэй ядуу зониие татабаряар зобоожо хооһоруулнат, таряаень алба татабари гэжэ абанат. Энээнэй түлөө таанартай юун тохёолдохоб гэбэл: шулуу сабшан гэр барихат, гэбэшье тэндэ ажаһуухагүйт. Уһан үзэмэй сэсэрлиг һуулгахат, харин үзэмэй дараһан архи уухагүйт!

Амоос 5:7

Зүб хуулиие шаралза үбһэн болгогшо, үнэн шударгые газардуулагша таанар!

Амоос 6:12

Хабсагайгаар морин соёрхо гү?! Далайн уһа сар хүллэн хахалдаг юм гү?! Тэрээн мэтэ таанад зүб хуулиие хорон, зүб шударгые шаралза болгонот.

Аввакуум 1:4

Тиимэһээл хуули сахигданагүй, үнэн шударга зарга шүүбэри гэжэ үгы. Юуб гэбэл, муу муухай зон зүб үнэн зониие диилэн байна, иигэжэл үнэн шударга зарга шүүбэри гажана.