Исай 59:13 - Библи

¹³ Бидэ Танай урдаһаа һөөргэдөөбди, Таниие орхёобди, Танһаа буруу хараабди. Һанаан бодолнай буруу, үгэнүүднай худал.

Исай 59:13 ပူးပေါင်းရင်းမြစ်များ

Иоов 31:28

Тиигэбэл гэмтэ ябадал хэһэн, Дээдэ Бурханиие доромжолһон болохо удхатай һэн хойнонь, хүн сээрлэхэ ёһотой.

Һургаал 30:9

Ушарынь тэрэ хубиһаа үлүүдэ хүртэжэ, гэдэһээ садаад, «Эзэн гэжэ хэн юм бэ?» гэжэ хэлэн Танһаа арсахагүйн тулада, үгышье һаа, ядуу болоод, хулгай хэжэ, Бурханай нэрые бузарлахагүйн тулада бэлэй.

Исай 10:1

Үнэн зүб бэшэ хуулинуудые зохёодог, буруу шиидхэбэринүүдые бэшэдэг таанадта гай гасалан тудаха!

Исай 30:12

Тиимэһээ Израилиин арюун Бурхан иигэжэ айладхана: «Минии айладхал дууланагүйт, дарлалтада найдажа, мэхэ гоходо түшэглэбэт.

Исай 31:6

Израилиин улад зон, таанад Эзэн Бурханаа орхижо, ехэ нүгэл хээт, гэбэшье һөөргөө Тэрээндээ бусыт!

Исай 32:6

Муу хүн удхагүй юумэ дуугардаг, муу юумэ хэхэеэ һанажа байдаг. Тэрэ үлэсхэлэн хооһон хүнһөө эдеэ хоол буляан абажа, ангаһан хүнһөө унда буляажа, Эзэниие доромжолон хэлэдэг, муу юумэ хэдэг.

Исай 48:8

Таанадта этигэхын аргагүй гэжэ Би мэдэжэ байгааб. Урбахаар зон гээд таанад тушаа хэлсэдэг һэн. Тиимэһээл энээн тушаа таанадта Би дуулуулаагүйб, шэхэндэтнай энээн тушаа ямаршье үгэ дуулдаагүй һэн.

Исай 5:7

Израилиин арад – Түмэн Сэрэгтэ Эзэнэй үзэмэй жэмэсэй сэсэрлиг гээшэл; Иудын хан түрын улад зон – Тэрэнэй дуратай үзэмэй модоной эшэнүүд. Үнэн зүбөөр хэрэгүүд эрхилэгдэхэ гээд Тэрэнэй хүлеэһэниинь тэдэ алууршад болоо. Үнэн шударгые хүлеэһэниинь гомдол, оог бархираан гансал гарана.

Исай 57:11

Эзэн иигэжэ айладхана: «Намайе сэдьхэлдээ хадагалжа байнгүй, худал хэлэжэ байхадаа таанад ямар бурхадһаа айдаг болообта? Удаан сагта абяа шэмээгүй байһандам Намһаа айхаяа болёо гүт?

Исай 58:13

Эзэн иигэжэ айладхана: «Хэрбээ таанад амаралтын үдэрые нангин гэжэ сахин, өөрынгөө дураар юушье тэрэ үдэр хэхэһээ татагалзабал, амаралтын үдэрые хүндэлжэ, ажал хэнгүй, аян замда гарангүй, миин хии дуугаржа байнгүй байбал,

Исай 58:2

Тэдэ үнэн зүбые үйлэдэдэг, Бурханайнгаа хуули мартаагүй үндэһэтэн мэтэ Намда үдэр бүри мүргэдэг. Тэдэ Минии хуули ёһо заабарилхыемни тодон абадаг мэтэ, Намда ехэ дуратайгаар мүргэдэг мэтээр хэлэдэг».

Исай 58:9

Намда зальбархадатнай, Би дуулахаб. Намда хандахадатнай, Би харюу үгэхэб. Дарлалтые болюулжа, бардам бүдүүрхүү зан гаргахаяа, муу үгэ хэлэхэеэ болиходотнай,

Ерэмияа 12:8

Шэлэһэн зомни урдаһаам эсэргүүсэбэ. Ой соохи арсалан мэтэ тэдэ нам руу архирба. Тиимэһээ Би тэдэниие үзэн яданаб!

Ерэмияа 17:13

Эзэн, Та – Израилиин найдабарит. Танһаа арсан ошогшод нэрээ гутааха, тооһон дээрэ бэшэһэн бэшэгтэл үгы болохо. Юуб гэбэл, тэдэ Таниие, Эзэниие, сэбэр уһанай булагые, орхибо ха юм.

Ерэмияа 2:13

Ушарынь гэхэдэ, Минии арад зон хоёр нүгэл үйлэдэһэн байна: сэбэр уһанай эхин болохо Намайе орхёо, ямаршье уһа тогтоодоггүй, нүхэ һүбэтэй хонхо яамые хабсагайда сабшан хээ.

Ерэмияа 2:16

Мүн Ноот болон Тахпанхээсэй зон нэрыень хухалжа дэбһээ.

Ерэмияа 2:17

Израиль, энээниие таанад өөһэдөө үүдхээт! Минии, Эзэн Бурханайтнай, таанадые дахуулан ябаха үедэ Намайе орхёот.

Ерэмияа 3:10

Эдэ бүгэдын удаа Иуда, Израилиин этигэл найдабаригүй эгэшэ, бүхы зүрхэ сэдьхэлээрээ Намда эрьен ерээ бэшэ, харин худал хуурмаг шэг шарай үзүүлнэ. Энэ болбол Би, Эзэн, айладхал буулгана мүн!

Ерэмияа 3:20

Теэд ши, Израиль, үбгэндөө үнэн сэхэ бэшэ һамган мэтэ, Намайе мэхэлэн байбаш. Энэ болбол Би, Эзэн, тунхаглана мүн!

Ерэмияа 32:40

Би тэдээнтэй хэтэ мүнхын хэлсээ байгуулхаб. Һайн юумэ тэдээндэ хододоо хэдэг байхаб, холодохогүйнь тула Намһаа угаа айдаг болгохоб.

Ерэмияа 42:20

Эзэн Бурханаа таанадай түлөө гуйха тухайм намайе гуйгаа бэлэйт, Тэрэнэй захиралтые бултыень сахин дүүргэхэбди гэжэ хэлээ һэнта.

Ерэмияа 5:23

Теэд таанад улад зонта! Таанад үсэд, үгэ дууладаггүйт, Намһаа буруу хаража, холодонот.

Эзэкээл 18:25

Таанад Намайе зүб бэшэ гэжэ зэмэлнэт. Теэд шагныт, Израилиин улад зон, өөһэдынтнай хэһэн хэрэгүүд буруу, харин Минии хэрэг үнэн зүб мүн!

Эзэкээл 6:9

Баряанда байхадаа тэдэ зон Нам тушаа һанаха, Намһаа холодоһондоо, онгонуудта мүргэжэ эхилһэндээ тэдэ өөһэдһөө жэрхэжэ эхилхэ.

Һошээ 1:2

Эзэн Һошээдэ анха түрүүн айладхажа эхилхэдээ, иигэжэ захирһан байна: – Энэ арад зон янхан эхэнэртэл адли угаа ехээр забхайран, Намһаа хадуураад байна. Яба, өөртөө забхай, үнэн шударга бэшэ эхэнэрые һамга болгон аба. Иимэрхүүл хүүгэдтэй болохош.

Һошээ 11:12

Эзэн иигэжэ айладхана: «Израилиин улад Намайе тойруулан худал хуурмаг үгэ, мэхэ гохо дэлгэнэ. Иуда Минии, арюун Бурханай, урдаһаа һөөргэдөө.

Һошээ 6:7

Адаамдал адли таанад хэлсээ эбдэжэ, Намда урбаат.

Һошээ 7:1

Израилиин арад түмэниие аргалжа байхадаа, тэдэнэй гэмтэ ябадалнуудые хараа бэлэйб. Хулгайшан хулгайлхаяа орожо байна, дээрмэшэн үйлсэнүүдээр дээрмэшэлэн ябана.

Һошээ 7:13

Намһаа холодоһондоо тэдэ гай зоболон амасаха, Намһаа буруу хараһандаа тэдэ хосорхо! Минии тэдэниие абаржа байхада тэдэ Нам тушаа худал хэлэжэ байгаа.

Амоос 6:12

Хабсагайгаар морин соёрхо гү?! Далайн уһа сар хүллэн хахалдаг юм гү?! Тэрээн мэтэ таанад зүб хуулиие хорон, зүб шударгые шаралза болгонот.

Матвей 10:33

Харин улад зоной урда Намһаа арсаһан хүн бүхэнһөө Бишье Огторгойдо оршодог Эсэгынгээ урда арсахалби.

Тидтэ 1:16

Тэдэнэр Бурханиие мэдэнэбди гэдэг, харин үйлэ хэрэгүүдынь Бурханиие мэдэхэгүй байһыень харуулна. Тэдэ хүнүүд Бурханда жэрхэдэһэтэй байна. Тэдэнэр мэдэлдэ оросогүй, ямаршье һайн юумэ хэжэ шадахагүй хүнүүд юм.

Еврейнүүдтэ 3:12

Аха дүүнэрни, амиды Бурханһаа холодохогүйн тула таанад булта нүгэлгүй, этигэлтэй байхые оролдожо байгты.

Яковай хандалга 1:15

Харата хүсэлэнгүүднай бүрилдэһөөр нүгэл түрүүлнэ, харин нүгэлнай ехэ боложо халихадаа, үхэл түрүүлнэ.

Яковай хандалга 3:6

Хэлэн гал дүлэнтэй адли, бэеын ондоо бүхы эрхэтэнүүдые бузарладаг нүгэлтэ хүсэн юм, тиигээд хүнэй бүхы амидаралые тамын оёорһоо дүүежэ байһан гал дүлөөр шатаадаг.

Нүүнэй Иисүүс 24:27

Тиигээд Иисүүс бүхы арад зондо хэлээ: – Энэ шулуун манда гэршэ болохо, юуб гэхэдэ, Эзэнэй манда хэлэһэн бүхы үгэнүүдые тэрэ дуулаа; Бурханайгаа урда танай худалаар хэлэбэлтнай, тэрэ таниие гэмнэһэн гэршэ болохо.