Исай 58:14 - Библи

¹⁴ таанад Намда мүргэжэ, баярта хүртэхэт. Би таанадые хада ууланууд өөдэ гаргахаб, элинсэг эсэгэтнай болохо Яковта Минии үгэһэн орон нютагаар сэдьхэлээ ханан байхат. Энэ болбол Би, Эзэн, айладхана мүн!»

Исай 58:14 ပူးပေါင်းရင်းမြစ်များ

Иоов 22:26

Тиигэбэл ши Түгэс Хүсэтэдэ түшэг тулга оложо, сэдьхэлшни тэнигэр болохо, Бурхан тээшэ харахаш.

Иоов 27:10

Түгэс Хүсэтын ойро байхадаа ярихые түбэгшөөһэн аад, үхэхынгөө урда гуйхадаа өөдэтэй харюу абаха гү?

Иоов 34:9

«Бурханай замаар ябахань ямаршье ашаггүй» гэжэ тэрэ хэлээ.

Псалманууд 135:12

Хүсэтэй гараараа, һунгагша шандааһаараа. Юуб гэбэл, энэрэл хайрань хэтэ мүнхын.

Псалманууд 36:8

Уурлахаа боли, хилэнгээ марта, бү атаарха, муу тээшэ шамайе энэ хүтэлхэл.

Псалманууд 37:11

Зүрхэмни һалганана, хүсэгүй болооб, нюдэндэм гэрэлшье харагдахаа болёо.

Псалманууд 37:4

Танай хилэнһээ боложо, бэедэм элүүр газар үгы, нүгэлһөөм боложо, яһамни үбдэнэ.

Исай 33:16

Тиимэ зон амар амгалан ажаһууха. Хабсагайн саана байһандал, тэдэ аюул гээшые мэдэнгүй ажамидарха, эдихэ эдеэтэй, ууха ундатай хододоо байха.

Исай 34:16

Эзэн Бурханай ном олоод уншагты. Эдэ амитад хододоо суг байха гээд тэндэ бэшээтэй. Эзэн энээн тушаа захирһан гээшэ.

Исай 40:5

Тиихэдэ Эзэнэй алдар солонь эли болон тодорхо, бүхы зон тэрэниие хараха. Юуб гэхэдэ, Өөрөө Эзэн иимэ юумэн болохо гээд найдуулаа бшуу».

Исай 61:10

Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Ерэмияа 3:19

Эзэн иигэжэ айладхана: Би, Эзэн, Өөрынгөө үхибүүдтэ мэтээр таанадта хандахаяа һанаа һэм. Бусад арадуудта орходоо үлүү һайхан, үзэсхэлэн гоё газар нютаг таанадта үгэхэеэ һанаа һэм. Таанад Намайе Эсэгэ гэжэ нэрлэжэ, хододоо хойноһоомни дахажа ябахат гэжэ һанаа бэлэйб.

Эзэкээл 36:2

Дайсад таанадые баһажа, «тэрэ эртэ урдын хаданууд мүнөө манай болоо» гэжэ хүхилдэнэ.

Михей 4:4

Хүн бүхэн үзэмэй модоной гү, али инжирэй өөрын модон доро энхэ тайбан ажаһуужа, хэншье тэдэниие хүлгөөжэ байхагүй. Юуб гэбэл, Түмэн Сэрэгтэ Эзэн энээниие айладхаа мүн.

Матвей 24:35

Огторгой тэнгэри, газар дэлхэйшье һүнэн һалаха, харин Минии хэлэһэн үгэнүүд мүнхэ оршохо.

Хуули дабталга 32:13

Эмээл дээрээ һуулгаһандал, Тэрэ Яковай уг удамые гүбээ газарнуудые унуулан ябуулжа, таряалангай ургасаар хооллуулаа, хабсагайһаа – зүгын бала, сахюур шулуунһаа оливын тоһо гарган тэнжээгээ.

Хуули дабталга 33:29

Буянтайш, Израиль! Эзэнэй хамгаалдаг шамдал адли арад байхагүй! Эзэн – шамайе аршалдаг бамбай, алдар солыншни һэлмэ. Дайсадшни шинии урда дохин байха, нюргыень ши дэбһэхэш.

Филиппынхидтэ 4:4

Эзэнтэй нэгэдэһэндээ ходо баясажа байгты. Баясагты гэжэ би дахин хэлэнэб.

Пётрой 1-дэхи хандалга 1:8

Тэрэниие хараагүйшье һаа, таанад Тэрээндэ дуратайт; мүнөө Тэрэниие харангүйшье байхадаа, Тэрээндэ этигэнэт. Тиимэһээ таанад үгэнүүдээр дамжуулхын аргагүй, гайхалтай баяраар баясанат,