Исай 58:12 - Библи

¹² Танай зон эртэ урдын сагта һандарһан хотонуудые һэргээхэ, урданай сагай һандарһан гэрнүүдые дахин бодхоохо. Сүмэрһэн хана заһабарилагша, ажаһуудалай гудамжануудые һэргээгшэ гээд тэдэниие нэрлэдэг болохо».

Исай 58:12 ပူးပေါင်းရင်းမြစ်များ

Нэхэмьяа 2:17

Харин мүнөө би тэдэнэртэ иигэжэ хэлэбэб: – Ямар гай тодхорто байһанаа таанад хаража байнат. Иерусалим һандаргагдаа, хаалга үүдэнүүдынь галда шатаагданхай. Иерусалимай хэрэм ханануудые бодхооёл, өөһэдһөө эшхэбтэр муухайе зайлуулаял!

Нэхэмьяа 2:5

хаанда иигэжэ хэлэбэб: – Хэрбэеэ хаан хайраа үршөөжэ, богоолойтнай танда хэрэгтэй байбалнь, элинсэгүүдэйм хүдөөлүүлэгдэһэн Иудын хото эльгээгыт, би энэ хотые шэнээр бодхоохолби.

Нэхэмьяа 6:1

Санбаллаат, Тобияа, арааб Гээшэм ба манай бусадшье дайсад үүдэнүүдэйнь, хаабаринуудайнь үшөө үлгэгдөөгүй байхада, намайе ханануудые бодхообо, нүхэнүүдые бүтүүлбэ гэжэ дуулаба,

Иоов 3:14

Дэлхэйн хаашуул болон туһалагшадтайнь, губида һандарһан барилгануудтайнь,

Исай 30:13

Энэ нүгэл хадаа үндэр ханада бии болоһон хэмхэрэл, гэнтэ, хараа байса хамхаран унаха ханын нүхэн мэтэ таанадта болохо.

Исай 44:28

Кииртэ иигэжэ айладхал буулганаб: «Ши Минии эльгээһэн ударидагша мүн, Минии үгэ соо хэрэг ябуулхаш. Иерусалимда һэргэн бодохыень, нангин үргөөгэйм һууриин дахин табигдахыень ши захирхаш!»

Исай 49:8

Эзэн Өөрын арад түмэндэ иигэжэ айладхана: Таарамжатай сагай ерэхэдэ, Би шамда харюу үгэхэб, абарха үдэрэй ерэхэдэ, Би шамда туһалхаб. Таанадые хамгаалхаб, таанадаар дамжан, бүхы арадуудтай хэлсээ баталхаб. Хооһорһон газар дайдаяа һэргээхые Би таанадта зүбшөөхэб.

Исай 51:3

Би Сиониие, һандарһан гэрнүүд соонь байгша бүхы зониие хайрлажа, элһэн сүл губииень Эдээмэй сэсэрлиг мэтэ, Эзэнэй сэсэрлиг мэтэ болгохоб. Тэндэ баяр баясхалан, зугаа наадан, Намайе магтан дуулаһан дуунууд зэдэлхэл.

Исай 52:9

Иерусалимай һандарһан шулуунууд, хамта дуулажа, баясан хашхаралдагты! Эзэн Өөрынгөө хото абаржа, улад зонойнгоо сэдьхэл амаруулаа.

Исай 61:4

Тэдэ зон эртэ урда сагта һандарһан хотонуудые һэргээн бодхоохо.

Ерэмияа 31:38

«Үзөөрэйгты, Намда зорюулжа, Хананээлэй самхагһаа Булангай Бартаанууд хүрэтэр хотын дахин баригдаха саг дүтэлжэ байна.

Эзэкээл 13:5

Сүмэрһэн ханануудые тэдэ хамгаалнагүй, ханануудые бодхооношьегүй, юрэдөө, Эзэнэй хилэнсэгтэ үдэрэй дайн дажарһаа Израилиие хамгаалнагүй.

Эзэкээл 36:33

Таанадые нүгэлһөөтнай арюудхаһанай удаа хотонуудаа һэргээн бодхоожо, тэндээ байрлахыетнай таанадта зүбшөөхэб.

Эзэкээл 36:4

Тойроод байгааша арадуудай олзо, наадалха зүйлынь бологшо хада ууланууд, гүбээнүүд, урасхалнууд, гол нюруунууд, һандарһан газарнууд, хооһорһон хотонууд, Минии, Эзэн Бурханай, айладхал шагнагты.

Даниил 9:25

Иерусалим хотые дахин бариха тухай зарлигай гараһаар оливын тоһоор арюудхан шэлэгдэһэн удамаршын тодортор долоо дахин долоон хоног, удаань үшөө жаран хоёр долоон хоног үнгэрхэ гээд мэдэжэ, ойлгожо бай. Тиигээд хотын талмай, хотые тойроод малтадаг бүһэлүүр нүхэн дахин һэргээгдэхэ, гэбэшье эдэ бүгэдэ гай гасалантай жэлдэ хэгдэхэ.

Амоос 9:11

Тиихэдэнь Би Давидай унаһан майханиие дахин бодхоохоб, ханын соорхойнуудые бүглэхэб, һандарһые дахин бүрин бүтэн болгохоб, урдандань адляар заһабарилхаб.

Амоос 9:14

Өөрын арад түмэн Израильда урданайнь һалбарал бусаахаб: хооһорһон хотонуудые тэдэ дахин шэнээр барижа, зониие байрлуулха; уһан үзэмэй модо һуулгажа, үзэмэй дараһан архи ууха; сэсэрлиг ургуулжа, жэмэс эдихэл!

Михей 7:11

Иерусалимай улад зон, хотын ханануудые заһабарилха үдэр ерэхэнь. Энэ сагта танай хилэнүүд үргэдхэгдэхэ.