Исай 58:1 - Библи

¹ Эзэн иигэжэ айладхана: «Шадахысаа шангаар хашхарагты! Дуу хоолойтнай үхэр бүреэгэй дуундал шанга байг! Минии арад түмэн, Яковай зондо нүгэл тушаань дуулгагты!

Исай 58:1 ပူးပေါင်းရင်းမြစ်များ

Исай 2:5

Яковай үри һадаһад, ерэгты, Эзэнэй гэрэл туяа соо алхалан ябая!

Исай 27:13

Тэрэ үдэр ехэ бүреэгэй дуун дуулдажа, Ассири болон Египет руу сүлэгдэгшэ Израилиин зон бусан ерэхэ. Тиигээд тэдэ нангин уула дээрэ, Иерусалимда Эзэндэ мүргэхэ.

Исай 40:6

Хэншьеб хашхарба: «Мэдээсэл тунхаглагты!» Би асуубаб: «Ямар мэдээсэл тунхаглахабиб?» «Бүхы зон үбһэ ногоон мэтэ, гоё һайханиинь хээрын сэсэг мэтэ удахагүй.

Исай 43:27

Элинсэг эсэгэшни нүгэл хэжэ, удамаршадшни Намда һөөргэдэбэ.

Исай 50:1

Эзэн иигэжэ айладхана: «Һамгантаяа һалажа байһан хүндэл адли Өөрынгөө арад түмэниие Намайе үлдөө гэжэ һанаа гүт? Тиимэ юм һаа, һалаһанай гэршэлгэ саарһанууд хаанаб? Өөрынгөө үхи хүүгэдые богоол болгон худалдагша хүндэл адли таанадые үритэй хүндөө худалдаа гэжэ Нам тушаа һанаба гүт? Үгы, таанад өөрынгөө нүгэлэй түлөө баряанда туугдан ошоот, өөрынгөөл зэмэтэйдэ үлдүүлээт.

Исай 56:10

Тэрэ иигэжэ айладхана: Арад зониием һэргылхэ үүргэтэй ударидагшадынь һохор! Юушье мэдэнэгүй! Тэдэ бултадаа хусажа шададаггүй, гансал унтадаг, һанаандаа гоёор зураглан хэбтэдэг нохойнуудта адли!

Исай 57:12

Таанад зүб юумэ хэнэбди гэжэ һананат, харин Би бурууетнай харуулхаб, тиихэдэм шүтөөнүүдтнай танда туһа хүргэхэгүй.

Исай 59:12

Эзэн Бурхамнай, Танай урдаһаа маанадай хэһэн гэм зэмэ олон, манай нүгэлнүүд өөһэдыемнай муу болгон гэршэлнэ. Бидэ тэдэниие һайн мэдэнэбди.

Ерэмияа 2:2

Иерусалимай хүн бүхэндэ иимэ зар соносхол дуулгахыемни захирба: Таанадай эдир залуу байхадаа Намда үнэн сэхэ байһые, гүлмэр залуухан һамгандал, Намда дураяа бэлэглэдэгые, элһэн сүл губяар, талха таряанай ургадаггүй газар нютагаар Намайе дахан ябаһыетнай һанажа байнаб.

Ерэмияа 36:9

Ёшияагай хүбүүн Ёякиимэй Иудын хан түрые табадахи жэлээ, юһэдэхи һараа зонхилжо байха үедэ зон масаг баряа һэн. Энэ масагые Иерусалимай болон ондоо хотонуудһаа ерэһэн бүхы зон сахин-дүүргэн байгаа.

Ерэмияа 6:17

Би Эзэн бүреэгэйнь дохёо шагнахынтнай тула лүндэншэдые харуулшадаар таанад дээрэ табяаб. Гэбэшье таанад «Бидэ шагнахагүйбди» гээ һэнта.

Гашуудал 2:14

Лүндэншэдшни шамда дэмы юумэ, худал хэлэжэ байгаа, шинии нүгэлнүүдые буруушаагаагүй, баряанда туугдан ошохыешни болюулаагүй. Тэдэ шамда худал хуурмаг үгэнүүдые хэлэжэ, туугдан ошохо туйлдаш хүргөө.

Эзэкээл 11:4

Энээнэйнь түлөө ши, хүнэй үри Эзэкээл, тэдэниие гэмнэн, лүндэн таби!

Эзэкээл 16:2

– Хүнэй үри Эзэкээл! Иерусалимда жэгшүүрилтэ хэрэгүүдыень мэдүүлжэ хэлэ.

Эзэкээл 20:4

Тэдэниие һэргылхэеэ һанана гүш, хүнэй үри Эзэкээл? Үбгэ эсэгэнэрэйнь жэгшүүрилтэ муухай үйлэ хэрэгүүд тухай һануулаарай.

Эзэкээл 22:2

– Хүнэй үри Эзэкээл, алууршадаар дүүрэһэн хотые ши шүүхэеэ һанана гүш? Хэһэн бүхы жэгшүүрилтэ муухай хэрэгүүдынь тэрээндэ һануулаарай.

Эзэкээл 23:36

Эзэн намда айладхаба: – Хүнэй үри Эзэкээл! Оһолаа Оһолибаа хоёрые шүүхэ һанаатай гүш? Жэгшүүрилтэй муухай хэрэгүүдыень тэдээндэ һануулаарай.

Эзэкээл 33:3

Дайсанай ерэжэ байһые обёорходоо, тэрэ бүреэгээр үлеэжэ, улад зониие һэргылхэ ёһотой.

Һошээ 8:1

Аюулай дохёо үгэгты! Минии арад түмэн Намтай баталһан хэлсээгээ эбдээ, һургаалыем тообогүй. Тиимэһээ Минии газар буланда дайсад бүргэд мэтэ добтолон шуумайха.

Иона 1:2

– Агуу хото Нинэвээ руу зорин ошо, тэндэ номнол буулга, ушарынь гэхэдэ, тэдэ муу юумэ хэнэ гэжэ Би дуулааб.

Тидтэ 2:15

Эдэ юумэнүүдтэ һургажа, бүхы эрхэ засагаа хэрэглэн, шагнагшадаа зоригжуулжа, шүүмжэлэн элирүүлжэ байгаарай. Шамайе хэншье доогуур бү хараг.

Гэршэлгэ 1:10

Эзэнэй үдэр би Арюун Һүлдын нүлөөдэ абтабаб – ара тээмни бүдүүн дуутай бүреэ шэнги юумэнэй хүнхинэтэр дуугархые дуулабаб.

Гэршэлгэ 4:1

Тэрэнэй удаа би тэнгэри өөдэ шэртэхэдээ, тэнгэриин үүдэнэй онгорхой байхые обёорбоб. Тиин бүреэгэй дуугарһандал адли абяа дуулабаб. Түрүүн хандаһан абяан намда иигэжэ хэлэбэ: – Өөдөө гара. Тиигээд юунэй болохые шамда хөөрэхэб.