Исай 57:15 - Библи

¹⁵ Би болбол хэтэ мүнхэдөө оршогшо үндэр болон арюун Бурхан гээшэб. Үндэр, нангин газарта оршодогшье һаа, Би даруу зантай, гэм зэмээ мэдэрдэг зонтой хамта байнаб. Иигэжэ Би тэдэнэй зориг, этигэл һэргээнэб.

Исай 57:15 ပူးပေါင်းရင်းမြစ်များ

Эхин 21:33

Абраһаам Бэһээр-Шээбэ нютагта томо мододые таряад, эгүүридэ мүнхэ Эзэн Бурханиие хүндэлжэ, тэндэ мүргэдэг, үргэл хэдэг болоо бэлэй.

3 Хаан түрэнүүд 8:27

Нээрээ, Бурхан газар дээрэ оршохо юм аал?! Огторгойн уудам Таниие багтаажа шаданагүй бшуу. Тиимэһээ газар түби дээрэ минии бариһан Һүмэ соо Танай багтахагүйнь эли!

2 Угай бэшэг 34:27

Гэмээ мэдэрһэнэйш түлөө, энэ газар болон ажаһуугшад тушаань Бурханай үгэнүүдые дуулахадаа, даруу номгон болоһонойш түлөө, гашуудан, хубсаһа хунараа удара татаһанайш, Минии урда бархирһанайш түлөө Би шамайе анхарааб гэжэ Эзэн айладхана.

Иоов 22:29

Хэсүү үедэ Тэрээнһээ туһаламжа эрибэлшни, даруу зантай шамда Тэрэ туһалхал ёһотой.

Иоов 6:10

Дууһашагүй зоболон минии эсэс болоно. Ямаршье хэсүү үедэ би арюун Эзэнэй үгэдэ зүрилдөөгүйб даа.

Псалманууд 111:9

Тэрэ үгытэй дуталдаһан зондо элбэг дэлбэгээр тараажа үгөө. צ Цадээ Зүб шударгань хэтын хэтэдэ оршохо, ק Кооп толгойгоо омогоор өөдэнь үргэхэ. ר Рээш

Псалманууд 115:3

Намда үзүүлһэн бүхы аша туһыень Эзэндэ юугээр харюулхабиб?

Псалманууд 123:1

[Үгсэлгын дуун. Давидай зохёоһон.] «Эзэн бидэнтэй байгаагүй һаань, – гэжэ Израиль хэлэг лэ, –

Псалманууд 138:6

Иимэ мэдэлгэ намда угаа гайхамшагтай, би тэрэнэй үндэртэ хүрэжэ шадахагүйб.

Псалманууд 138:7

Танай Һүлдэһөө би хайшаа ошожо шадахабиб? Танай нюурһаа хайшаа зугадажа шадахабиб?

Псалманууд 147:3

Тэрэ танай газар дайдада энхэ тайбаниие тогтооно, эгээл һайн шэниисээр таанарые хангана.

Псалманууд 34:18

Би үргэн олон зоной дунда Танда талархал үргэхэб, үй түмэн арад зоной дунда Танда магтаал дуулахаб.

Псалманууд 34:19

Ямаршье шалтагаангүй аад, намайе үзэн ядагша зониие бү баясуулыт, ямаршье шалтаггүй аад, намда дайсан бологшодые нюдөөрөө эмнилдүүлэн бү байлгыт!

Псалманууд 90:2

Эзэн тухай «Тэрэ болбол минии хорохо газар, минии цайза хэрэм, Бурхамни, найдални!» гэжэ хэлэгшэ,

Псалманууд 93:2

Дэлхэйн Шүүгшэ, бодыт, бардамлагшадта хэмээрнь бусаагыт.

Псалманууд 97:9

Эзэнэй урда! Юуб гэбэл, Тэрэ газар дэлхэйе шүүхэеэ заларжа байна. Тэрэ юртэмсые зүб шударгаар, арадуудые сэхэ тэгшээр шүүбэрилхэ!

Псалманууд 99:3

Эзэн хадаа Бурхан гэжэ мэдэгты, Тэрэ маанадые бүтээгээ, бидэ Тэрэнэй арад түмэн мүн. Бидэ Тэрэнэй бэлшээриин хонид гээшэбди.

Египедһээ гаралга 15:11

Эзэнтэй жэшэхээр бурхад үгыл! Хутагтанарай дунда Тан шэнги хүсэ шадалтай хэншье олдохогүй! Алдар солоороо һүр дарагша, эди шэдиин Эзэн!

Египедһээ гаралга 15:13

Абарагша угсаатанаа үршөөлдэ хүртөөн, арюун нангин газартаа абаашаха гэжэ дахуулбаш.

Египедһээ гаралга 15:18

Эзэнэй хаан түрэ хэтын хэтэдэ үргэмжэлэгдэхэ!

Египедһээ гаралга 40:34

Уулзалгын майхан һүмэ дээрэ үүлэн бууба, Эзэнэй һүр соло майхан һүмые сүм бүрхөөбэ.

Египедһээ гаралга 40:35

Моисей Уулзалгын майхан һүмэ руу орожо ядаба, юуб гэхэдэ, үүлэн тэрэниие далдалаа, Эзэнэй һүр соло майхан һүмые сүм эзэлээд байгаа.

Һургаал 16:19

Бардам зонтой олзо хубаанхаар даруу зантай үгытэй зоной дунда байхань дээрэ.

Һургаал 8:23

Би эхинэй эхинһээ, газар дэлхэйн һаяхан бии боложо байхада тогтоогдоо һэм.

Исай 18:4

Эзэн намда иигэжэ айладхаа: «Ургаса хуряалгын халуун үдэр зэрэлгээ хараһандал, үдэрэй ааяма халуунай үедэ наранай ялардагтал эли тодоор Би юу боложо байгаашые Өөрын байраһаа һанаа амар хаража байхаб».

Исай 33:5

Эзэн үндэртэ залардаг, дээрэ Тэрэ оршодог. Тэрэ Сион дээр шударга ёһо, үнэн зүбые баталан байгуулаа.

Исай 40:28

Мэдэхэгүй юм гүш? Дуулаагүй юм гүш? Эзэн – хэтэ мүнхэдөө оршодог Бурхан, Тэрэ бүхы дэлхэй байгуулаа. Тэрэ эсэдэггүй, тулидаггүй. Хэншье ухаан бодолыень мэдэхэгүй.

Исай 52:13

Эзэн иигэжэ айладхана: «Минии зараса урагшатай байха, ехэ хүндэтэй, нэрэ түрэтэй хүн тэрэ болохо.

Исай 6:1

Уззияа хаанай наһа бараһан жэл би Эзэн Бурханиие хараа һэм. Тэрэ үндэр дээгүүр заларһан хан шэрээ дээрэ һуужа байгаа. Нэмэргынь хормойнууд нангин үргөөе бүхыдэнь дүүргээд байгаа бэлэй.

Исай 6:3

Нэгэнь нүгөөдэдөө хашхаран: – Түмэн Сэрэгтэ Эзэн нангин, нангин, нангин! Тэрэнэй алдараар бүхы газар дэлхэй дүүрэнхэй! – гэжэ хэлэжэ байба.

Исай 63:15

Эзэн Бурхамнай, нангин, алдар солото Өөрын гэрһээ – тэнгэриһээ харыт! Маанад тушаа һанаа зобохотнай хаанаб? Хүсэ шадалтнай хаанаб? Маанадые энхэрнэгүйт, энэрэл хайраяа үзүүлнэгүйт.

Ерэмияа 10:10

Харин Та, Эзэн, ори ганса, үнэн бодото Бурхан болонот. Та – амиды Бурхан, хэтэ мүнхэдөө зонхилдог Хаан гээшэт. Танай уур сухалһаа газар дэлхэй доһолжо, үндэһэ яһатан Танай уур хилэн тэсэжэ шададаггүй.

Гашуудал 3:41

Тэнгэридэ оршодог Бурханда зүрхэ сэдьхэлээ, гараа һунгая!

Эзэкээл 16:63

Хэһэн юумыеш Би хүлисэхэб, гэбэшье ши тэдэниие мартахагүйш, үгэшье хэлэхэеэ эшэжэ байхаш. Энэ болбол Би, Эзэн Бурхан, айладхана мүн!

Эзэкээл 9:4

Тэрээндэ Эзэн иигэжэ айладхаба: – Иерусалим хотые бүхыдэнь ябажа, хото соо боложо байгааша жэгшүүритэй муухай хэрэгүүдые буруушаан, һанаагаа зобожо байгааша зониие шэлэн, магнай дээрэнь тэмдэг таби.

Даниил 2:11

Үндэр түрэлтэ хаанай асуужа байгаа зүйлдэ гансал бурхад харюу мэдэхэ. Харин тэдэ зоной дунда ажамидардаггүй шуу, – гэжэ харюусаба.

Даниил 4:17

Танай хараһан модон мантан, гаһар, огторгой тулама үндэр, дэлхэйдэ хаагууршье харагдамаар бэлэй.

Даниил 4:34

Мүнөө хадаа би, Навуходоносор хаан, Хаан Тэнгэридэ алдар соло түүрээнэб, нэрэ хүндынь дээрэ үргэнэб, магтан дууланаб: Хэһэн хэрэгынь үнэн, ябадалынь үнэн шударгы. Бардам зониие Тэрэл номгоруулха шадалтай.

Ёһээл 2:13

Таанад хубсаһаяа бэшэ, зүрхэ сэдьхэлээ удар татагты!» Одоол өөһэдын Эзэн Бурхан тээшэ эрьегты. Тэрэ хадаа нигүүлэсхы хайра үршөөлтэй, уурлахадаа удаан, тэсэбэритэй, муудашье зөөлэн хандадаг.

Михей 5:2

«Эпраата гэдэг Бэтлэһээм, Иудын мянгаад һууринуудай эгээл бага һууринь ши гээшэш», – гэжэ Эзэн айладхана. Гэбэшье шинии улад зонһоо Эзэн нэгые шэлэжэ, бүхы Израилиин удамаршаар табиха. Тэрэ хүнэй угынь урдын урда сагһаа эшэ үндэһэтэй.

Михей 6:8

Үгы. Һайн хэрэг гээшэ юун бэ гэжэ Эзэн бидэндэ, зондо, иигэжэ айладхана: «Үнэн шударга байха, саг үргэлжэ дура хайраяа элирхэйлжэ байха, Бурханайнгаа үгэ дуулажал ябаха».

Захарияа 2:13

Эзэнэй урда хамаг амитан анираа хатаг! Өөрын нангин үргөөһөө тэрэ гаража байна.

Захарияа 9:9

Сионой басаган, баярлыш! Иерусалим үхин, илалтын баяр тэмдэглыш! Харыш, номгон даруу шинии хаан эмэ элжэгэ зайдаланхай, тэрэнэй унага – даагыень зайдаланхай, шамда заларжа ерэнэ.

Матвей 6:9

Иигээд зальбаржа байгаарай: Тэнгэридэ оршодог Эсэгэмнай! Нангин нэрэтнай алдаршахань болтогой.

Лука 1:49

Түгэс Хүсэтэ Бурхан туйлай ехэ хэрэг намда бүтээгээл, Тэрэнэй алдар нэрэнь арюун нангин лэ!

Лука 4:18

«Эзэнэй Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхыемни, Хаалтада, баряанда байгшадта эрхэ сүлөө айладхахыемни, һохор зониие хараатай болгохыемни, хашуулан дарлуулһан зониие сүлөөдэ табихыемни Эзэн эльгээгээ юм.

Хэрэгүүд 3:14

Бурханай хүнһөө, үнэн сэдьхэлтэнһээ арсажа, харин алууршые табиит гэжэ таанад гуйгаат.

Римэйхиндэ 1:20

Бурханай харагдадаггүй мүнхэ һүр хүсэн болон Бурханай мүн шанарынь газар дэлхэйн бүтээгдэхэһээ эхилэн Тэрэнэй бүхы бүтээһэн юумэнүүдые хаража үзэһэнэй ашаар эли ойлгогдоно. Тиимэһээл үнөөхи зондо өөһэдыгөө хамгаалха юумэн байхагүй.

Коринфынхидтэ 2-дохи 1:4

Элдэб янзын бэрхэшээлнүүдэй тудабал, Тэрэ манай һанаа заһадаг, тиимэһээ ондоо зоной элдэб янзын бэрхэшээлнүүдтэ ороходонь, Бурханай маанадай һанаа заһадагтал адляар бидэшье тэдэ зоной һанаа заһаха аргатай байдагбди.

Коринфынхидтэ 2-дохи 2:7

Зүгөөр тэрэ нүхэрөө аргагүй ехээр уйдажа, сэдьхэлээрээ унахагүйнь тула хүлисөөд, һанааень заһабалтнай, таанадта дээрэ байха.

Коринфынхидтэ 2-дохи 7:6

Харин сэдьхэлээрээ унаһан зониие урмашуулдаг Бурхан маанадта Титые эльгээжэ урмашуулаа.

Хуули дабталга 33:27

Эртэ урдын Бурхан – амарха газар, Тэрэнэй хэтэ мүнхэ гарнууд таниие дэмжэдэг, Тэрэ хажууһаатнай дайсадыетнай үлдөө, тэдэниие «хюда!» гээд танда айладаа.

Тимофейдэ 1-дэхи 1:17

Хэтэдээ амиды, нюдэндэ харагдадаггүй мүнхын Хаан, ори ганса Бурхан хэтын хэтэдэ хүндэтэй, алдар солотой байг лэ. Болтогой!

Тимофейдэ 1-дэхи 6:16

Бурхан гансаараал мүнхэ юм, Тэрэ хэнээшье хүрэхэгүй гэрэл туяада байдаг. Нэгэшье хүн Тэрэниие хаража үзөөгүй, хаража шадахашьегүй. Тэрээндэ нэрэ хүндэ ба мүнхын һүр хүсэ байг лэ. Болтогой!

Еврейнүүдтэ 9:14

Христоосой шуһан бузарнуудыень бүрин түгэс арилгадаг. Тэрэ мүнхын Һүлдөөр дамжуулан Өөрыгөө Бурханда үргөө. Тэрэнэй шуһань сэдьхэлыемнай үхэлдэ хүргэдэг хэрэгүүдһээ арилгаад, амиды Бурханда алба хэхэ аргатай болгохо.

Яковай хандалга 4:6

Тиихэдэ Бурхан маанадые бүришье элбэг дэлбэгээр үршөөл хайрадаа хүртөөнэ. «Омог бардам зониие Бурхан буруушаана, харин номгон даруу зониие үршөөл хайрадаа хүртөөнэ», – гэжэ Нангин Бэшэг соо хэлээтэй.

Пётрой 1-дэхи хандалга 5:5

Залуушуул, таанад баһал бүлгэмэй хүтэлэгшэдэй үгөөр байгты. Бэе бэедээ булта номгон даруугаар хандагты. «Бурхан омог зантай зониие буруушаадаг, харин даруу номгон зондо үршөөлтэйгөөр хандадаг», – гэжэ Нангин Бэшэг соо хэлэгдэнэ.

Гэршэлгэ 15:4

Хэн Танһаа айхагүйб даа, Эзэн Бурхан, Танай нэрэ солые хэн алдаршуулан магтахагүйб даа?! Гансал Та нангин гэгээнта! Бүхы арадууд Танай урда һүгэдэн унажа мүргэхэл. Юундэб гэбэл, Танай үнэн зүб хэрэгые бултадаа үзөө хараа.

Гэршэлгэ 3:7

Филадельфиин һүзэглэгшэдэй бүлгэмэй түлөөлэгшэдэ бэшээрэй: «Нээгээ һаа, хэнэйшье хаажа шадахагүй, хаагаа һаа, хэнэйшье нээжэ шадахагүй Давидай оньһон түлхюуртэй Нангин Үнэн сэдьхэлтэн иигэжэ хэлэнэ:

Гэршэлгэ 4:8

Эдэ дүрбэн амитад тус бүридөө зургаа зургаан далитай һэн. Далинуудайнь дээгүүршье, доогууршье олон нюдэд байгаа. Тэдэ дүрбэн амитад эсэн сусангүй, үдэр һүнигүй иигэжэ ходо дабтагша һэн: – Хамагые зонхилогшо арюун нангин, арюун нангин, арюун нангин Эзэн Бурхан түрүүншье байгаа, мүнөөшье байна, саашадаашье байхал!

1 Хаан түрэнүүд 2:2

Эзэндэл адли арюун хэншье байхагүй. Тэрэл ори ганса Бурхан гээшэ, манай Бурхандал адли хамгаалагша байхагүй.