Исай 56:7 - Библи

⁷ «Би таанадые Өөрын нангин уула руу асархаб, Намда зальбардаг үргөө соо тэдээндэ баяр үршөөхэб, үргэлэй шэрээ дээрэ дурадхаһан түгэс шатаалта үргэл болон бусад үргэлнүүдыетнай дуратайгаар абахаб. Минии гэр бүхы үндэһэ яһатадай зальбарха мүргэл зальбаралай гэр гэжэ нэрлэгдэхэ».

Исай 56:7 ပူးပေါင်းရင်းမြစ်များ

3 Хаан түрэнүүд 8:41

Танай арад түмэн Израилиин бэшэшье байһан хариин хүнэй Танай агууехэ нэрэ хүндэ, хүсэ шадал, туһалхада бэлэн байһан һарбайһан гар тухайтнай мэдээд, холын газар дайдаһаа ерэжэ, Һүмын урда зальбаран гуйбалынь,

Псалманууд 2:6

«Өөрын нангин хада Сион дээр Өөрын хааниие табяаб», – гэхэ.

Египедһээ гаралга 28:38

Аһарооной духа дээрэ уягдаха. Израиль угсаатанай оруулдаг үргэлэй зүйлнүүдтэ бүхы дутуу дундыень Аһароон өөр дээрээ абаха уялгатай. Аһарооной духа дээрэ тэрэ хабтаһаниинь ходо байха ёһотой – тиихэдээ үргэлынь Эзэнэй һанаанда таараха жэшээтэй.

Исай 11:9

Бурханай нангин хада дээрэ ямаршье муу юумэн болохогүй. Уһан далайе дүүргэдэгтэл, газар дэлхэй хадаа Эзэн тухай мэдэсээр дүүрэнхэй байха.

Исай 19:19

Тэрэ сагай тохёолдоходо, Египедэй орон нютагта Эзэндэ үргэлэй шэрээ баригдаха, Египедэй хилэнүүдээр Эзэндэ шулуун бахананууд бодхоогдохо.

Исай 19:21

Эзэн Өөрыгөө Египедтэ мэдүүлэн харуулжа, тэдэ Бурханиие мэдэдэг боложо, зальбаржа, малаар үргэл, мүн талха таряанай үргэл үргэжэ, шахаа тангаригуудые үгэжэ, саашадаа бэелүүлдэг байха.

Исай 25:6

Түмэн Сэрэгтэ Эзэн энэ уула дээрэ бүхы арадуудта найр наада бэлдэхэ – баян дэлгэр шэрээтэй, эрхим үзэмэй дараһан архитай. Тэндэ хурса һайн хоол, шанар һайтай үзэмэй дараһан архи байха.

Исай 56:5

таанадай нэрэнүүдые Минии нангин үргөө соо удаан сагта дурдан байха, үхи хүүгэдтэй байжа, нэрэеэ нэрлүүлһэнһээ үлүүгээр таанадые хэтэ мүнхэдөө зон дурдахал».

Исай 57:13

Орилжо байхадатнай шүтөөнүүд таанадта туһалаг лэ! Һалхин тэдэниие бултыень хиидхүүлхэ. Харин Намда этигэгшэд газар дэлхэйе эзэмдэхэ, Минии нангин уулые эзэлэн байха юм».

Исай 60:11

Үдэр, һүнигүй бартаануудтнай нээлтэтэй байха, иигэжэ үндэһэ яһатадай хаашуул эд баялигаа шам руу асаржа байхал.

Исай 60:7

Кэдаарай болон Нэбайһоодой бүхы хонин һүрэг үргэл болон, Эзэнэй шэрээ дээрэ шатаагдаха. Эзэн Өөрын алдарай нангин үргөөе алдаршуулха!

Исай 61:10

Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Исай 65:11

Харин Намайе тоонгүй, Нангин уулыем мартан, Гаад болон Мени гэдэг бурхадта зальбарагша таанадта

Исай 65:25

Шоно хурьгадтай хамта бэлшэхэ, арсалан үхэр мэтэ һолоомо эдихэ, шорой могойн хоол болохо. Минии нангин уула дээрэ ямаршье муу, хорото хэрэг ябуулагдахагүй».

Ерэмияа 7:11

Минии нэрээр нэрлэгдэдэг энэ үргөө, танай һанамжаар, дээрмэшэдэй үүр болоо юм гү? Үзөөрэйгты, Би бүхы юумэ хаража байнаб!

Эзэкээл 20:40

Израилиин үндэр нангин Сион хада дээрэ Израилиин бүхы арад түмэн Намда мүргэдэг байха. Би таанадые Өөрын арад гэжэ абажа, асарһан бэлэгүүдыетнай, эдеэнэй дээжые, нангин үргэлнүүдыетнай абан хүлеэн байхаб.

Эзэкээл 47:22

Жээрэб татан хубаарилаарайгты. Энэ газар таанадай уг залгамжалгын зөөри болохо. Танай дунда ажаһуугша, үхи хүүгэдээ тэндэ түрэн үндылгэгшэ ерүүл зон Израилиин арад зонтой адли өөрын хуби газарта хүртэхэ.

Ёһээл 3:17

«Тиихэдэ таанад Намайе Өөрын нангин уулада оршодог таанадай Бурхан, Эзэн мүн гэжэ мэдэхэ болохот. Иерусалим арюун боложо, хойто үедэ хари хүнүүд тэрэниие дайран үнгэрхэеэ болихо.

Захарияа 8:3

Түмэн Сэрэгтэ Эзэн иигэжэ айладана: «Би Сион руу эрьежэ, Иерусалимай дунда оршохом. Тиигээд Иерусалимые Үнэнэй Хото гээд нэрлэхэ, Түмэн Сэрэгтэ Эзэнэй хадые Нангин хада уула гэжэ дуудадаг болохо».

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Матвей 21:13

Тиигээд тэдэндэ: – Минии гэр мүргэлэй гэр гээд нэрлэгдэхэ гэжэ Нангин Бэшэг соо хэлээтэй байдаг. Харин таанад энэ гэр дээрмэшэдэй шэбээлдэг үүр болгожорхёот, – гэбэ.

Марк 11:17

– «Минии гэр бүхы арадуудай мүргэл зальбаралай гэр гэжэ нэрлэгдэхэ», – гэжэ Нангин Бэшэг соо бэшээтэй байдаг. Харин таанад энэ гэр дээрмэшэдэй шэбээлдэг үүр болгожорхёот, – гэжэ Иисүүс хэлэбэ.

Лука 19:46

– Нангин Бэшэг соо Бурхан: «Минии гэр мүргэлэй гэр байха ёһотой», – гэжэ хэлэнэ. Харин таанад энэ гэрые дээрмэшэдэй шэбээлдэг үүр болгожорхёот! – гэжэ зэмэлбэ.

Римэйхиндэ 12:1

Зай, аха дүүнэрни, Бурханай үршөөл хайраар өөһэдыгөө арюун сэбэр, таатай, амиды үргэл болгон Бурханда асарагты гэжэ гуйнаб. Тиигэбэл, тэрэтнай танай бодото алба болохо.

Тимофейдэ 1-дэхи 2:8

Бурханда өөрыгөө зорюулһан хүн бүхэнэй ямаршье газарта уур сухалгүйгөөр, хэрүүлгүйгөөр гараа өөдэнь һарбайгаад, зальбаржа байхыень хүсэнэб.

Еврейнүүдтэ 12:22

Таанад Сион хадада, амиды Бурханай хотодо, тэнгэриин Иерусалимда, үй түмэн Эльгээмэлнүүдэй баярай суглаанда ерээт.

Еврейнүүдтэ 13:15

Тиимэһээ Иисүүсээр дамжуулан магтаалай үргэл Бурханда хододоо асаржа байял, Тэрэниие Эзэн гэжэ зүбшөөн үреэлөөрөө үргэл асаржа байял.

Пётрой 1-дэхи хандалга 2:5

Таанад амиды шулуунуудта адли Бурханда ерэгты, тиигээд Бурхан таанадһаа һүмэ бодхоохо, тиигээд тэрэ һүмэдөө таанад гэгээн санаартан болоод, Иисүүс Христоосоор дамжуулан, Арюун Һүлдэһөө Бурханда һайшаагдаха оюун ухаанай үргэл асаржа байгты.