Исай 56:6 - Библи

⁶ Эзэнэй арад түмэнтэй хамтаржа, Эзэндэ алба хэжэ, дурлажа, амаралтын үдэр нангинаар сахин, хэлсээгээ дүүргэгшэ хариин зон тушаа Эзэн иигэжэ айладхана:

Исай 56:6 ပူးပေါင်းရင်းမြစ်များ

3 Хаан түрэнүүд 8:41

Танай арад түмэн Израилиин бэшэшье байһан хариин хүнэй Танай агууехэ нэрэ хүндэ, хүсэ шадал, туһалхада бэлэн байһан һарбайһан гар тухайтнай мэдээд, холын газар дайдаһаа ерэжэ, Һүмын урда зальбаран гуйбалынь,

Исай 14:1

Эзэн Яковые хайрлаха, Израилиие дахин шэлэхэ – израильшуудые орон нютагтань бусааха! Хариин зоншье тэдэнтэй ниилэжэ, Яковай үринэртэй хамта ажаһуудаг болохо.

Исай 44:5

Нэгэнь «Би Эзэнэйб» гэжэ хэлэхэ, нүгөөдэнь Яков нэрэтэй болохо. Зарим хүн гар дээрээ «Эзэнэй» гэжэ бэшэхэ, Израиль гэжэ нэрэ абаха.

Исай 58:13

Эзэн иигэжэ айладхана: «Хэрбээ таанад амаралтын үдэрые нангин гэжэ сахин, өөрынгөө дураар юушье тэрэ үдэр хэхэһээ татагалзабал, амаралтын үдэрые хүндэлжэ, ажал хэнгүй, аян замда гарангүй, миин хии дуугаржа байнгүй байбал,

Исай 60:10

Эзэн Иерусалимда иигэжэ хандана: Хариин зон хана хэрэмыеш бодхоохо, хаашуулынь шамда алба хэхэ. Уур дундаа Би шамайе хэһээгээ һэм, харин мүнөө шамда үршөөл хайраяа элирхэйлхэб.

Исай 61:5

Минии угсаатан, шагнагты! Хариин зон ерэжэ, мал һүрэгүүдыетнай адуулжа, таряалан, үзэмэй модоной сэсэрлигүүдтэтнай ажаллан байха.

Исай 61:6

Харин таанад Эзэнэй санаартад, манай Бурханай зарасанар гэжэ нэрлэгдэн, бусад арадуудай баялиг эдлэн, тэдэнэй алдар соло таанадта хүртэхэ.

Ерэмияа 50:5

Тэдэ Сион руу харгы зам һурагшалаад, тэрэ зүг шэгээр ошохо. Намтай тэдэ хэтэ мүнхын хэлсээ баталха, хэзээдэшье тэрэниие эбдэхэгүй.

Эзэкээл 20:13

Харин Израилиин улад зон элһэн сүл губида Намда һөөргэдэбэ. Хуули ёһонуудыем, зарлигуудыем тэдэ сахибагүй. Субботын үдэрыем ехээр бузарлаба. Тиихэдэнь Би байһан газартань, элһэн губида, тэрэ дары Израилиин арад түмэниие үгы хэхэеэ һанабаб.

Эзэкээл 47:22

Жээрэб татан хубаарилаарайгты. Энэ газар таанадай уг залгамжалгын зөөри болохо. Танай дунда ажаһуугша, үхи хүүгэдээ тэндэ түрэн үндылгэгшэ ерүүл зон Израилиин арад зонтой адли өөрын хуби газарта хүртэхэ.

Захарияа 6:15

Хаана холоһоо хамаг зон ерэжэ, Эзэнэй Һүмэ бодхоолгодо хабаадалсаха. Тиигэжэ Түмэн Сэрэгтэ Эзэн намайе танда эльгээгээ гэжэ мэдэхэт. Хэрбээ өөрын Эзэнэй үгэ түгэс дуулан дагабалтнай, эдэ бүгэдэ хүсэхэл даа.

Хэрэгүүд 11:23

Барнааба Антиох хүрэжэ ерэхэдээ, Бурханай үршөөһэн буян хэшэгые өөрөө хаража, ехээр баярлаба. Тиигээд бүхы зүрхэ сэдьхэлээрээ Эзэндэ үнэн сэхэ байхыень хүн зониие уряалаа.

Хэрэгүүд 2:41

Пётрой үгэдэ этигэһэн хүнүүд уһан арюудхалгада хүртэжэ, гурбан мянга тухай хүнөөр һүзэглэгшэдэй тоо нэмэгдэбэ.

Римэйхиндэ 8:28

Бурханда дуратай, Тэрэнэй эрхэ хүсэлөөр дуудуулагдаһан хүнүүдэй бүхы юумэнүүдтэнь Бурхан урагшатай байдаг.

Коринфынхидтэ 1-дэхи 16:22

Эзэндэ дурагүй байһан хүнэй толгой дээрэ хараал бууг. Манай Эзэн, ерыт даа!

Коринфынхидтэ 2-дохи 8:5

Тэдэнһээ хүлеэжэ найдажа байһанһаамнай үлүү юумэ тэдэнэр хээ. Тэдэнэр өөһэдыгөө түрүүн Эзэндэ үргэбэ, һүүлдэнь Бурханай эрхэ хүсэлөөр маанадташье үргэбэ.

Галадуудта 5:6

Иисүүс Христоосой ашаар абарагдаха һанаатай байбал, бэлгээ отолуулаа гүбди, али отолуулаагүй гүбди – ямаршье илгаагүй юм, гансал хайра дура үгэдэг этигэл шухала юм.

Эфесэйхиндэ 6:24

Манай Эзэн Иисүүс Христоосто һүнэшэгүй хайра дураар дуратай хүн бүхэн үршөөл хайратай байһай!

Яковай хандалга 1:12

Туршалгануудые дабажа гараһан хүн жаргалтай, юуб гэбэл, туршалгануудые дабахадаа, тэрэ хүн Бурханай Өөртэнь дуратай зондо найдуулһан мүнхын амидаралда хүртэнэ.

Яковай хандалга 2:5

Хайрата аха дүүнэрни, шагнагты даа: Бурхан үгытэйшүүлые һүзэгөөрөө баян бардам байхыень, Өөртэнь дуратай хүнүүдтэ үгэхэб гэжэ найдуулһан хаан оронойнгоо залгамжалагшад болохыень шэлэжэ абаа бэшэ һэн гү?

Гэршэлгэ 1:10

Эзэнэй үдэр би Арюун Һүлдын нүлөөдэ абтабаб – ара тээмни бүдүүн дуутай бүреэ шэнги юумэнэй хүнхинэтэр дуугархые дуулабаб.