Исай 55:5 - Библи

⁵ Хариин зониие, хэзээдэшье мэдээ-таняагүй арадуудые таанадай дуудахада, тэдэ тан руу шамдан ерэхэ. Минии, таанадай Эзэн Бурханай, таанадые алдаршуулһан Израилиин арюун Бурханай түлөө эдэ бүгэдэ хэгдэхэ».

Исай 55:5 ပူးပေါင်းရင်းမြစ်များ

Эхин 49:10

Иудын үри һадаһад хододоо гартаа хаанай баяг бариха, уг удамынь хододоо зонхилогшод байха. Олон улас түрэнүүд шинии уг удамда албан татабари түлэжэ, урдаш һүгэдэн байха.

2 Хаан түрэнүүд 22:44

Арад түмэнэймни буһалгаанһаа намайе абараат, бусад арадуудые ударидахаар намайе үлөөгөөт. Урид минии мэдээгүй яһатан намда алба хэнэ.

Исай 45:14

Эзэн иигэжэ айладхана: Израиль, Египедэй болон Эфиопиин баялиг таанадай болохо, Сэбаагай үндэр бэетэй зон танай богоол болохо, хойноһоотнай гэнжэлүүлэгдэн ябаха. Тэдэ танда унан мүргэжэ, «Үнэхөөр Бурхан таанадтай хамта байна. Ондоо бэшэ Бурхан байхагүй» гэлдэхэ.

Исай 45:22

Дэлхэйн бүхы зон, Нам руу эрьежэ абарагдагты! Би болбол ори ганса Бурхан гээшэб!

Исай 45:23

Би Өөрөөрөө шахаа тангариг үргөөб! Минии аманһаа үнэн зүб үгэ гараа, тэрэниие һөөргэнь абажа, һэлгэжэ байхагүйб! Яһатан бүхэн урдамни мүргэхэ, ямаршье хэлэтэй хүн Намда этигэхэ тухайгаа тангариглаха.

Исай 49:12

Минии арад түмэн алас холоһоо, хойто, баруун зүгүүдһээ, урда зүгтэ байгша Египедэй Сиһээнэһээ ерэхэ.

Исай 49:6

Эзэн намда иигэжэ айладхаа: «Минии зараса байха гээшэ багашаг үүргэ шамда. Тиимэһээ ши үшөө Яковай угсаатаниие һэргээн бодхоохош, Израилиин амиды мэндэ үлэһэн арад зониие һөөргэнь бусаахаш. Газар түбиин заха хизаар хүрэтэр абаралгыемни дэлгэрүүлхыншни тула Би шамайе бусад арадуудай гэрэл туяа болгохоб!»

Исай 52:15

Харин мүнөө олон үндэһэ яһатад Тэрэниие харахадаа гайхаха, хаашуул абяа шэмээгүй гэлын-гайхан байха. Тэдэ хараагүй юумэеэ мүнөө хараха, мэдээгүй юумэеэ мэдэжэ абаха».

Исай 55:4

Би тэрэниие арадуудта гэршэ, арадуудай удамарша ба захирагшаар табяаб.

Исай 56:8

Таран бутарһан Израилиин арад зониие суглуулагша Эзэн Бурхан үшөө олон зониие асархаб гэжэ найдуулна.

Исай 60:5

Эдэ бүгэдые хараад, баярлахаш, зүрхэншни хүдэлэн баясаха. Үндэһэ яһатадай баялиг таанадай болохо, далайгаар дамжан тэрэ ерэхэ.

Исай 60:9

Олтирогууд Эзэндэ найдана, Таршиишэй онгосонууд түрүүлэн наашаа ерэжэ байна! Тэдэ болбол холын оронуудһаа танай арад зониие, алта, мүнгыень асаржа байна. Эзэн Бурханайтнай, Израилиин арюун Бурханай захиралта иигэжэ гүйсэдхэнэ, Тэрэ таанадые алдаршуулаа!

Ерэмияа 30:19

Тэндэ ажаһуугшад магтаал дуулаха, баясан-сэнгэн хашхаралдаха. Минии үршөөхэдэ, тэдэ олошорхо. Минии дээгүүр үргэхэдэ, тэдэ доромжолуулхаяа болихо.

Эзэкээл 39:7

Минии арад түмэн Израиль Намайе мэдэдэг болохо, тиигээд нангин нэрыем бэшэ бузарлахаа болихо. Дэлхэйн арадууд Намайе Израилиин нангин Эзэн Бурхан гээд ойлгохо.

Һошээ 1:10

Гэбэшье Израилиин арад зоной тоо далайн элһэн мэтэ хэмжэжэ тоолохын аргагүй болохо. Таанад Минии арад бэшэт гэжэ хэлэгдэһэн эгээл тэрэ һууринда тэдэнэр амиды Бурханай үхибүүд гэжэ нэрлүүлхэ.

Захарияа 2:11

Тэрэ үдэр Эзэн руу олон арадууд ерэхэ, тэдэ Эзэнэй арад болохо; дундатнай Эзэн ерэжэ ажаһууха, тиихэдэм Түмэн Сэрэгтэ Эзэн намайе эльгээгээ гэжэ мэдэхэт.

Лука 24:26

Алдаршахынгаа урда тээ Бурханай табисуурта иимэ зоболон үзэхэ ёһотой гэжэ мэдээгүй аалта? – гэжэ Иисүүс тэдээндэ хэлэбэ.

Иоанн 17:1

Эдэ үгэнүүдэйнгөө һүүлээр Иисүүс тэнгэри өөдэ хараад, иигэжэ хэлэбэ: – Эсэгэ аа! Сагни ерэбэ. Хүбүүнэйтнай Танай нэрэ алдаршуулхын тула, Хүбүүгээ алдаршуулыт.

Хэрэгүүд 3:13

Абраһаамай, Исаагай, Яковай Бурхан, манай үбгэ эсэгэнэрэй Бурхан Өөрын зараса Иисүүсые алдаршуулаа. Таанад Иисүүстэ урбаат, Тэрэниие Пиладай сүлөөлэн табиха гэхэдэнь, таанад арсаат.

Хэрэгүүд 5:31

Израилиин зоной нүгэл хэхэеэ болижо, нүгэлөө хүлисүүлхын тула Бурхан Тэрэниие Өөрын баруун талада Ударидагша болон Абарагша болгон һуулгаа.

Римэйхиндэ 15:20

Тиихэдээ би ондоо хүнэй татаһан һуури дээрэ барихагүйн тула Христоос тухай хүнүүдэй огто дуулаагүй нютагуудаар номнохо гэжэ оролдооб.

Эфесэйхиндэ 2:11

Таанад түрэхын еврей-бэшэнүүд байгаат, өөһэдыгөө отолуулһан (бэеын эрхэтэниие гараараа отолхо гэһэн удхатай) гэжэ нэрлэдэг еврейнүүд таанадые «отолуулаагүй» гэжэ нэрлэдэг байгаа, урдань хэд байһанаа бү мартагты,

Эфесэйхиндэ 3:5

Энэ нюусые урданай хүнүүдтэ нээдэггүй байгаа, харин мүнөө Бурхан Арюун Һүлдөөрөө дамжуулан гэгээн элшэнэртээ ба лүндэншэдтэ тэрэ нюусаа нээгээ.

Еврейнүүдтэ 5:5

Тон тиигэжэл ахамад санаартын нэрэ хүндые Христоос Өөрөө Өөртөө зүүгээгүй, харин «Ши Минии Хүбүүмниш. Мүнөөдэр Би Шинии Эсэгэшни болооб» гэһэн Бурхан Тэрээндэ ахамад санаартын нэрэ түрые үгөө.

Пётрой 1-дэхи хандалга 1:11

Ямар сагта, яажа тэрэ буян хэшэгэй үгтэхые лүндэншэд досоогоо байһан Христоосой Һүлдын зааһан сагаар тодоруулха гэжэ оролдоо. Тиихэдээл Христоос зоболонгуудые дабажа гараад, һүүлдэнь алдаршаха гэжэ Һүлдэ уридшалан хэлээ.