Исай 55:13 - Библи

¹³ Үргөөһэнэй орондо нарһан, халаахайн орондо мирт ургаха. Энэ болбол Минии, Эзэнэй, алдар солын хэрэг болохо, Минии үйлэ хэрэгүүд тушаа хэтэ мүнхын гэршэ тэмдэг болохо.

Исай 55:13 ပူးပေါင်းရင်းမြစ်များ

Псалманууд 96:12

Гэгээнтэн, Эзэн тушаа баясагты! Тэрэнэй нангин нэрые магтагты!

Исай 19:20

Энэнь Египедэй орон нютагта Түмэн Сэрэгтэ Эзэнэй байһанай гэршэ тэмдэг болохо. Тэндэ зон дарлагдажа эхилхэдээ, абархыень Эзэн Бурханиие дуудаха. Тиихэдэнь Тэрэ абархыень хэн нэгэниие эльгээхэ.

Исай 32:13

Минии арад түмэнэй газар нютагта үүргэнэ ба халаахай ургаха. Зугаа наадаар дүүрэн хото, баяр жаргалтай зонтой эдэ гэрнүүд һалан һандархал, тэдээн тушаа гашуудан уйлыта!

Исай 35:1

Зэлүүд хооһон газар, хуурай сүл губи баярлан, тэндэ сэсэгүүд һалбархал.

Исай 35:2

Зэлүүд хооһон газар сэнгэн баясажа, баяртайгаар хашхаран хуугайлан байха. Ливаанай хада ууладал энэ угаа һайхан, Кармээл болон Шарооной таряалангуудтал үрэжэлтэ баян болохо. Хүн бүхэн Эзэнэй ялас гэмэ оршол, һүр жабхалан адаглан хараха.

Исай 41:19

Элһэн сүл губи газарта хуша, акаци, мирт, чидун модо тарихаб. Зэлүүд хооһон, үрэжэлгүй газарта арса, жодоо, нарһан модо ургуулхаб.

Исай 43:21

Өөртөө гэжэ энэ арад түмэниие байгуулааб, тэдэ Намда магтаал татахал!»

Исай 5:6

Тэрэниие эзэгүйрүүлэн хаяхаб, мүшэр заһагдан отологдохогүй, газарынь һэндэгдэхэгүй. Тиихэдэм тэрэ хадхууртай үрмэдүүлдэ баригдаха. Тэрээн дээрэ бороо бү оруула гэжэ Би үүлэдтэ захирхаб.

Исай 54:10

Хада ууланууд хүдэлжэ, гүбээнүүд доһолжо болохо. Харин Минии энэрэл хайра шамһаа һалахагүй, энхэ тайбан тушаа хэлсээгээ хододоо сахин байхаб», – иигэжэ шамайе энэрэгшэ Эзэн айладажа байна.

Исай 56:5

таанадай нэрэнүүдые Минии нангин үргөө соо удаан сагта дурдан байха, үхи хүүгэдтэй байжа, нэрэеэ нэрлүүлһэнһээ үлүүгээр таанадые хэтэ мүнхэдөө зон дурдахал».

Исай 60:13

Минии нангин үргөөе, Иерусалим, шамайе үзэсхэлэн һайхан, һүр жабхалантай болгохын тула нарһан, арса, жодоо модод – Ливаанай ойн эгээл үнэтэй модод шам руу асарагдаха.

Исай 60:17

Би шамда гуулин түмэрэй орондо алта, түмэрэй орондо мүнгэ, модоной орондо гуулин, шулуунай орондо түмэр асархаб. Удамаршадшни бэшэ шамайе дарлахагүй, хэрэгүүдые тэдэ зүб шударга, амар амгаланаар шиидхэдэг болохо.

Исай 60:21

Удаань бүхы арад зоншни гансал зүб шударга хэрэг үйлэдэн байха, газарые хэтэ мүнхэдөө эзэмдэхэ. Намайе алдаршуулхын тула Би тэдэниие таряа, бүтээгээ бэлэйб.

Исай 61:3

Сион уула дээрэ гашуудан уйлалдагшадта үнэһэнэй орондо гоёолто, бархираанай орондо баяр баясхалан, гай гасаланта шэг шарайн орондо гоёлой хубсаһан үгтэхэ гэжэ минии хэлэхые Тэрэ эльгээгээ. Эзэн Бурханай алдар солынгоо тула Өөрөө һуулгаһан модод мэтэ тэдэ болохо, зүб шударга хэрэгүүдые үйлэдэхэ.

Исай 63:12

Моисей гэгшые хүтэлжэ, далайн уһа хубаагаад, Өөртөө мүнхэ нэрэ олгуулагша Эзэн хаанаб?»

Исай 63:14

Үхэр һүрэгэй нюруу газар руу буужа амардаг шэнгеэр Эзэнэй һүр һүлдэ Өөрын зондо амарха забда үгөө. Тэрэ Өөрын арад түмэниие иигэжэ хүтэлэн, нэрэеэ алдаршуулаа.

Исай 7:11

– Ямар нэгэ дүлгэ тэмдэг үгэхыемни Намайе, өөрынгөө Эзэн Бурханиие, гуйгты. Гүн доро гү, али үндэртэ нэгэ юумэнэй болохые гуйгты.

Исай 7:19

Дайсад ерэжэ, эзэгүй хооһон хүндыгөөр, хабсагайн хабшуу газараар, үүргэнын һөөгүүдөөр болон бүхы уһатай газарнуудаар буудаллан буужа эзэлхэ.

Исай 7:24

Энэ газар элдүүрилэгдэдэггүй, гансал агнууриин газар болохо.

Ерэмияа 13:11

Хүнэй бэлхүүһэндэ бүһын няалдадаг шэнгеэр, Би Израилиин болон Иудын хан түрын улад зониие Өөртөө дүтэ няалдуулан байлгахаа һанаа һэм. Минии нэрые хүндэлхэ, магтаал, алдар соло түхөөхэ арад болгохоо һанаа һэм. Теэд тэдэ Минии үгэ дуулаагүй.

Ерэмияа 33:9

Иерусалим хадаа баярай, нэрэ хүндын һүлдэ боложо, Би тэрэнээр омогорхон байхаб. Иерусалимай түлөө Минии хэһэн һайн һайхан хэрэгүүд тушаа, энэ хотодо үршөөһэн Минии хэрэгүүд тухай дэлхэйн үндэһэ яһатан бүхэн дуулажа, айха, шэшэрхэ.

Ерэмияа 50:5

Тэдэ Сион руу харгы зам һурагшалаад, тэрэ зүг шэгээр ошохо. Намтай тэдэ хэтэ мүнхын хэлсээ баталха, хэзээдэшье тэрэниие эбдэхэгүй.

Эзэкээл 28:24

Израильда дээрэлхүүгээр хандадаг байһан хажуугаархи үндэһэ яһатадынь саашадаа хадхуур, үүргэнэ мэтэ байхаяа болихо. Тиихэдэ Израилиин зон Намайе Эзэн Бурхан гээд мэдэдэг болохо.

Михей 7:4

Тэдэнэй эгээл эрхимынь болон зүб шударгань адаалхай һөөг мэтэ хэндэшье хэрэггүй. Лүндэншэдөөр дамжуулан һэргылһэн тэрэ үдэр – Эзэнэй заларан, арад зониие хэһээхэ үдэр болохонь. Тиимэһээ мүнөө тэдэ зон хүл алдан үймэжэ байна.

Захарияа 1:8

– Энэ һүни үзэгдэл харабаб: миртын һөөгүүдэй дунда хонхосог соо зээрдэ мори унаһан хүн зогсоно, ара тээнь зээрдэ, алаг, сагаан морид байна.

Иоанн 15:8

Минии Эсэгын алдаршахын тула таанар ехэ ургаса асархат, Минии шабинар болохот.

Римэйхиндэ 6:19

Таанадай үшөөл гүйсэд болбосороогүй хадатнай би юрын жэшээнүүдые хэрэглэнэб. Урдань таанад бузар муухай юумэнүүдые үйлэдэхэ зорилготойгоор бэеынгээ эрхэтэнүүдые нүгэлэй барлаг болгоһон байгаат. Харин мүнөө бэеынгээ бүхы эрхэтэнүүдые үлзытэй хэрэгүүдые бүтээжэ байхаарнь зүб юумэнэй барлагууд болгогты.

Коринфынхидтэ 2-дохи 5:17

Христоостой нэгэдэһэн хүн бүхэн шэнэ хүнүүд гээшэ: урданай юумэнүүд һүнэгдөөд, бүхы юумэн шэнэдхэгдэбэ.

Пётрой 1-дэхи хандалга 4:11

Номножо байһан хүн Бурханай Мэдээсэлые номножо байг лэ; алба хэжэ байһан хүн Бурханай үршөөһэн хүсэ шадалаар өөрыгөө бэхижүүлжэ байг лэ. Бүхы юумэнүүд Иисүүс Христоосоор дамжан, Бурханиие алдаршуулжа байг лэ! Бурхан хэтын хэтэдэ алдар солотой, хүсэ шадалтай байхань болтогой! Зобоходоо баясажа байгты.