Исай 54:4 - Библи

⁴ Бү айгты, эшхэбтэр байдалда дахин орохогүйт. Бү эшэ, нэрээ бэшэ гутаахагүйш. Залуу наһандаа нүгэл хэһэнээ мартахаш, бэлбэһэн эхэнэр боложо, доромжолгодо ороһоноо бэшэ дурсахагүйш.

Исай 54:4 ပူးပေါင်းရင်းမြစ်များ

Иоов 11:16

Зоболоншни бүримүһэн мартагдажа, голой уһанай урдан үнгэрһэн мэтэ һанагдахал.

Исай 25:8

Эзэн Бурхан үхэл хаталые хэтын хэтэдэ усадхаха. Бүхы зоной нюурһаа Тэрэ нулимса аршажа, Өөрын арад түмэнэй нэрээ гутааһан ушарые бүхы дэлхэйгээр зайлуулха. Энээн тушаа Өөрөө Эзэн айладхаа бэлэйл.

Исай 29:22

Абраһаамые гай гасаланһаа абарагша Яковай уг удамай Эзэн Бурхан иигэжэ айладхана: «Минии арад түмэн, таанад саашадаа нэрээ хухалхагүйт, эшхэбтэр муу байдалда ороһонһоо боложо, таанадай нюур шарай бэшэ сухигар болохогүй.

Исай 4:1

Долоон эхэнэрэй нэгэ эрэ хүндэ аһалдан, «бидэ өөһэдөө өөһэдыгөө тэдхэдэг, хубсалуулдаг байхабди, гансал таниие манай үбгэн гээд нэрлэдэг болохымнай зүбшөөгыт, үбгэгүй байхадаа, нэрээ гутанхай, доромжолуулжа байнабди» гэжэ хэлэхэ саг дүтэлжэ байна.

Исай 41:10

Бү айгты, Би таанадтаяа хамтаб! Би таанадай Бурхамби, тиимэһээ бү һанаагаа зобогты! Би таанадые хүсэтэй болгожо, туһалхаб! Таанадые хамгаалжа, абархаб!

Исай 41:14

Жаахан, хүсэгүй Израиль, бү ай, Би шамда туһалхаб. Би болбол Израилиин арюун Бурхан, таанадай Абарагша мүн.

Исай 50:7

Теэд тэдэнэй баһаһан ушар намайе хүлгөөхэгүй, юуб гэхэдэ, Эзэн Бурхан намда туһална. Би өөрыгөө шанга барин, тэдэниие тэсэнэб. Нэрээ гутаахагүйб гэжэ лаб мэдэнэб.

Исай 51:7

Үнэн шударгые мэдэдэг, ой ухаандаа Минии хуули ёһо хадууһан арад түмэн, Намайе шагнагты! Зоной наада энедэ барихаһаа, доромжолхоһоо бү айгты.

Исай 54:14

Зүб шударга, эрхэ сүлөө мандажа, шамайе хүсэтэй болгохо. Дарлалта харшалалгаһаа айхагүйш, Аюултай һүртэй юумэн шамда ойртохогүй.

Исай 61:7

Доромжолуулдаг сагтнай дүүрээ. Таанад өөһэдынгөө газар дайда дээрэ ажаһуужа, хоёр дахин ехээр эд баялигтнай нэмэхэ, хэтэ мүнхэдөө баясан баярлан байхат.

Исай 65:16

Дэлхэй дээрэ байгшадай хэн нэгэн юрөөл тушаа гуйбал, бодото Бурханһаа юрөөл гуйха. Шахаа тангариг үргэхэеэ һанаһан хэн нэгэн үнэнхэ Бурханай урда тангариглаха. Урданай зоболонгууд мартагдаха.

Ерэмияа 31:19

Бидэ Танһаа буруу хараабди, теэд һүүлдэнь гэмшэжэ, бусахаяа һанаа бэлэйбди. Һургаал абахадаа, хэһэн үйлэ хэрэгүүд тухайгаа ехэ гэмшээ һэмди. Залуудажа, нүгэл хэжэ, һүүлдэнь ехэ эшээ, доромжолуулагдаабди».

Гашуудал 1:1

Оо, гай даа! Улад зоноор хүүен-хүнхинэн байгааша энэ хото мүнөө яагаа гансаарданги гээшэб! Үндэһэтэдые зонхилон байһан аад, мүнөө тэрэ бэлбэһэн эхэнэртэ адли болоол! Хото можонуудай хатан байһан тэрэ мүнөө богоол болоо!

Эзэкээл 16:22

Иигэжэ нүгэл хэжэ, забхайран һальхайржа байха үедөө ши шараа нюсэгэн, шуһандаа зууралданхай газарта мухарижа байһан бага балшар наһаяа һанахаяашье арсааш.

Эзэкээл 16:43

Залуу байхадаш туһалдаг дэмжэдэг тушаам мартажа, муу муухай юумэ үйлэдэжэ, Намайе ехэ сухалдуулааш. Һальхай һамуу ябадал гарган, жэгшүүритэй юумэ хэжэ байгааш. Энээниие өөрыншни толгой дээрэ буулгажа, хэһээхэб! Энэ болбол Би, Эзэн Бурхан, айладхана мүн!

Эзэкээл 36:15

Ондоо арадууд таанадые шоо үзэхэеэ, наадалхаяа болихо. Арад зондоо баян ургаса үршөөн байхат.

Ёһээл 2:21

Газар, түбэгшөөлөө орхи, баярла, сэнгэ. Ушарынь хадаа Эзэн агуу үйлэ хэһэн бэлэй.

Цэпаанияа 3:11

Тэрэ үе сагай ерэхэдэ, таанар, Минии арад түмэн, урдаһаам буһалгаалан хэрэг ябуулхагүйт, эшхэбтэр юумэ хэхэгүйт. Үгы һаатнай, Би таанарай дундаһаа бардам, дээрэлхүү зантай зониие зайлуулхаб, Минии арюун нангин хада уула дээрэ таанар бардамлан ябахаа болихот.

Захарияа 10:6

«Би Иудын удамда тэнхээ оруулжа, Иосифой үри һадаһанда дайсанаа илаха шадалтай болгохоб. Би тэдэниие хайрлаһан ушарһаа гэртэнь бусаахаб. Би тэдэниие голон орхёогүй мэтэ байхаб. Юуб гэхэдэ би тэдэнэй Эзэн Бурхан болоноб».

Пётрой 1-дэхи хандалга 2:6

Нангин Бэшэг соо: «Бата найдамтай, шэлэгдэжэ абтаһан, эрдэни шулуу Сион дээрэ мүнөө Би табинаб; Тэрээндэ һүзэглэһэн хүн хэзээдэшье урмаа хухархагүй», – гэжэ хэлэгдэнэ.