Исай 54:14 - Библи

¹⁴ Зүб шударга, эрхэ сүлөө мандажа, шамайе хүсэтэй болгохо. Дарлалта харшалалгаһаа айхагүйш, Аюултай һүртэй юумэн шамда ойртохогүй.

Исай 54:14 ပူးပေါင်းရင်းမြစ်များ

Һургаал 3:24

Ши унтаха-хэбтэхэ үедөө айхагүйш, үргэһэ нойршни амгалан байха.

Исай 1:26

Удамаршадые, зүбшэгшэдыетнай анханай удамаршадтал адли болгоходом, Иерусалим үнэн зүб, үнэн сэхэ хото гээд нэрлэгдэдэг болохо».

Исай 1:27

Үнэн шударга хэрэгүүдээрээ Иерусалим абарагдаха, гэмшэжэ, гэмээ мэдэрһэн зон үнэн зүб хэрэгүүдээрээ өөһэдтөө абарал буулгаха.

Исай 14:4

Тэрэнэй эдэ бүгэдые гүйсэдхэхэдэнь, зон Вавилооной хааниие наадалжа, иигэжэ дууладаг болохо: «Дарлагшын эсэс ерээ! Уур хилэнгынь түгэсөө!

Исай 16:4

Моһаабай дүрбэгшэ зониие байлгыт, дээрмэшэдһээ халхалыт! Дарлагшад үгы болохо, сүйд һандарал болихо, энэ орон нютагта дайсад үгы болохо.

Исай 2:4

Үндэһэтэдэй хоорондохи арсалдаае Тэрэ болюулха, олон арад түмэниие шүүхэ. Тэдэ һэлмэнүүдээ анзаһанай шүдэн болгон, жадануудаа хадуур болгон дабтаха. Үндэһэтэн нүгөө үндэһэтэнэй урдаһаа һэлмэ бэшэ далайхагүй, дайнай эрдэм шудалхаяа болихо.

Исай 26:2

Хотын бартаануудые нээгыт! Бурхандаа үнэн сэхэ, зүб шударга үндэһэтэн орог лэ!

Исай 32:17

Үнэн зүб хадаа энхэ тайбаниие асарха, үнэн шударга хадаа амгалан, аюулгүй байдал хэтэдээ үршөөхэ.

Исай 33:18

Татабари суглуулагшадһаа, хариин тагнуулшадһаа айха-һүрдэхэтнай һэегүй арилжа, гансал һанаандатнай үлэхэ.

Исай 45:24

Намда, Эзэндэ, үнэн шударга, хүсэн бии гэжэ тэдэ хэлсэхэ. Намайе үзэн ядагшад эшэжэ, Нам руу ерэхэ.

Исай 49:26

Шамайе дарлагшадые бэе бэеэ хороохыень баадхахаб, тэдэ өөһэдынгөө шуһа үзэмэй дараһан архи мэтээр уужа һогтохо. Тиихэдэ хүн бүхэн Намайе шинии Абарагша, эрхэ сүлөө олгуулагша Эзэн, Яковай Хүсэтэ Бурхан гэжэ мэдэдэг болохо!

Исай 51:13

Таанадые Бүтээгшэ, огторгой татажа, газарай һуури табигша Намайе, Эзэнээ, таанад юундэ мартаабта? Таанадые дарлажа байгшадай, усадхахаар бэлэн байһан дайсанай уур хилэнһээ ходо айжа таанад юундэ байнабта? Харин тэрэ ууртай дарлагша хаанаб?

Исай 52:1

Сион, һэрииш, һэрииш, дахин хүсэ шадалаа нэмэрыш! Нангин хото Иерусалим, алдар солынгоо хубсаһа үмдыш! Буруу номнолтон ба бэеэ арюудхаагүй зон шинии бартаануудаар бэшэ орохогүй.

Исай 54:4

Бү айгты, эшхэбтэр байдалда дахин орохогүйт. Бү эшэ, нэрээ бэшэ гутаахагүйш. Залуу наһандаа нүгэл хэһэнээ мартахаш, бэлбэһэн эхэнэр боложо, доромжолгодо ороһоноо бэшэ дурсахагүйш.

Исай 60:18

Орон нютагташни хүсэрхэл, һандарал бэшэ үзэгдэхэгүй, хана хэрэмүүдтэш адли Би шамайе аршалхаб, тиихэдэм ши Намайе магтан байхаш.

Исай 60:21

Удаань бүхы арад зоншни гансал зүб шударга хэрэг үйлэдэн байха, газарые хэтэ мүнхэдөө эзэмдэхэ. Намайе алдаршуулхын тула Би тэдэниие таряа, бүтээгээ бэлэйб.

Исай 61:10

Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Исай 62:1

Иерусалимай абарагдатар, харанхыда носожо байгша зула мэтэ илалтынь мандатар би дуугаржал, хашхаржал байхаб.

Исай 9:4

Тэдэниие даража байһан хөөмэгшэ, сохижо байһан ташуурые Та эбдээт. Хэзээ нэгэтэ Мидианай сэрэг һамна бута сохиһондол, Өөрынтнай зониие дарлажа-мүлжэжэ байһан арадые Та бута сохёот.

Исай 9:7

Тэрэнэй засаглалга, түлөөлгэ бүри ехэ боложол байха. Хан түрэнь хододоо амгалан тайбан байха. Тэрэ Давид хаанай үри һадаһан. Энэ сагһаа эхилжэ хэтэ мүнхэдөө Тэрэ үнэн шударга, үнэн зүбые баримталан хүтэлбэрилхэ. Түмэн Сэрэгтэ Эзэн энээниие бэелүүлхэ ехэ һанаатай.

Ерэмияа 30:10

Минии зараса Яков, бү ай, Израилиин зон, бү һүрдэ. Баряанда байһан холын нютагһаатнай Би таанадые абархаб. Таанад гэртээ бусажа, амар амгалан ажаһуухат. Таанадые хэншье айлгахагүй.

Ерэмияа 30:20

Тэдэнэй урданай хүсэ шадал һэргэхэ, тэдэ Минии урда дахин шанга болохо. Дарлагшадыень хэһээхэб!

Ерэмияа 31:23

Израилиин Бурхан, Түмэн Сэрэгтэ Эзэн иигэжэ айладхажа байна: – Минии тэдэниие нютагтань бусаан, һайн һайханаар һэргээхэ үедэ тэдэ Иудын хан түрын газар дайдада болон хотонуудтань дахин эдэ үгэнүүдые хэлэжэ эхилхэ: «Үнэн зүбэй гэр, Иерусалимай нангин хада, Эзэн шамайе юрөөхэнь болтогой!»

Һошээ 10:12

Шэнэ газар хахалжа, үнэн сэхын ургамал тарибал, энэрэл хайра хуряан абахат. Эзэндэ эрьежэ, Тэрэниие бэдэрээ һаатнай, залархадаа, Тэрэ бороо мэтээр үнэн сэхые таанад дээрэ адхахал.

Захарияа 8:3

Түмэн Сэрэгтэ Эзэн иигэжэ айладана: «Би Сион руу эрьежэ, Иерусалимай дунда оршохом. Тиигээд Иерусалимые Үнэнэй Хото гээд нэрлэхэ, Түмэн Сэрэгтэ Эзэнэй хадые Нангин хада уула гэжэ дуудадаг болохо».

Захарияа 9:8

Орон соогуур сэрэг зон һүндэлхэеэ болихо, ямаршье дарлагшад дээгүүрнь ябахагүй. Би энээниие алдангүй хаража байхаб, үргөөгөө Өөрөө хамгаалхаб.

Пётрой 2-дохи хандалга 3:13

Тиихэдэ бидэ Бурханай найдуулһан ёһоор ажамидарха шэнэ огторгой ба шэнэ газар дэлхэй хүлеэжэ байнабди.