13 Улад зониишни һургажа, урагшатай бэрхэнүүд болгохоб.
Нэрэнь хэтэ мүнхэдөө оршохонь болтогой! Нарата дэлхэй дээрэ уг удамынь бү таһалдаг! Бүхы арадуудта тэрэ үршөөл болохо, жаргалтай гээд тэрэниие нэрлэхэл.
Бурханай нангин хада дээрэ ямаршье муу юумэн болохогүй. Уһан далайе дүүргэдэгтэл, газар дэлхэй хадаа Эзэн тухай мэдэсээр дүүрэнхэй байха.
Тиигээд олон арадууд ошожо, иигэжэ хэлэхэ: «Эзэнэй хада руу, Яковай Бурханай нангин үргөө тээшээ үгсэн ошоё. Юу хэхыемнай Бурхан һургаха, зааһан замаарнь ябахабди». Юуб гэбэл, Хуули Сионһоо гараха, Эзэнэй үгэ – Иерусалимһаа.
Бурхан, Тандаа этигэдэг, хатуу зоригтой зондо Та тэгшэ энхэ тайбан байдал үршөөнэт.
Иимэ хүн хэндэ эрдэм заажа шадахаб, хэндэ мэдээ ойлгуулхаб?! Хүхэнһөө һаял һалаһан багашуулда гү?!
Алдуу эндүү хэжэ байгаашад ойлгодог болохо, гэмэрэлдэн байгаашад заабари хүлеэн абаха».
Хэрбээ Минии захяа заабаринуудта анхаралаа хандуулдаг һаатнай, үршөөлнүүд гол мүрэн мэтэ таанад руу урдаха байгаа, далайн долгид мэтээр буян таанадта ерэхэ һэн.
Һүр һүлдэгүй болоһон зониие дүнгэжэ, үгөөрөө туһалхыем Эзэн Бурхан намда юун гээд хэлэхыем заажа үгөө. Үглөө бүри Тэрэ намайе һэреэн, шэхыем һэргээн, юу айладхахаа байһыень шагнаха гэжэ тэсэн ядан хүлеэдэг намайе болгоно.
Сонхонуудыеш улаан болороор, бартаануудыеш субад эрдэни шулуугаар, ханыешни үнэтэ шулуугаар бүхэлхэб.
Таанад баяртайгаар гаран ошохот, амар амгалан үдэшүүлхэт. Уула гүбээнүүд баярлан дуулалдаха, талын бүхы модод альгаа ташаха.
Эзэн иигэжэ айладхана: «Би таанадта гол мэтээр амгалан тайбан байдал, үндэһэ яһатанай эд баялигуудые урдахуулхаб. Тэжээлгэжэ, эхынгээ гар дээрэ үргэгдэн, үбдэг дээрэнь энхэрүүлэн байгааша үхибүүндэл адли таанад болохот.
Тэдэнэй хэнииньшье Эзэниие мэдэ гэжэ нүхэдөө гү, али аха дүүнэрээ һургахагүй, юундэб гэхэдэ, тэдэ багаһаа томо хүрэтэрөө бултадаа Намайе мэдэжэ байха. Би тэдэнэй гэм зэмые хүлисэжэ, нүгэл тухайнь дахин дурдахагүйб. Энэ хадаа Би, Эзэн, айладхана мүн!
Теэд Би энэ хотые болон ажаһуугшадыень аргалхаб, элүүр энхэ болгохоб. Амар амгалан байдал, аюулгүй байдал тэдээндэ үршөөхэб.
Амгалан тайбан байдал үршөөһэн тухай хэлсээ таанадтай баталхаб. Тиигэжэ ан арьяатаниие тала дайдаһаа, ой модонһоо үлдэхэб, тиихэдэм таанад аюулгүй амгалан ажамидархат.
Хариин зон таанадые бэшэ тонохогүй, ан арьяатан өөрын хүнэһэн болгохогүй. Амгалан тайбан, аюулгүй тэнюун ажаһуухат.
Амгалан тайбан байдалаар Израилиин улад зониие хэтэ мүнхэдөө үршөөн үреэн байхаб гэжэ найдуулан, хэлсээ баталнаб. Тэдэниие аршалжа, угаа олон зонтой яһатан болгохоб. Минии Һүмэ орон нютагтань хэтын хэтэдэ оршохо.
Тэрэ үедэ Би талын ан гүрөөлтэй, огторгойн жэгүүртэнтэй, мүлхидэг амитадтай холбоо харилсаа тогтоожо, тэдэ Минии арад түмэндэ һаад түбэг ушаруулхагүй. Номо һаадаг, эритэ һэлмэ, дайн дажар тэрэ газарта ушархагүй, иигэжэ тэдэ амгалан тайбан ажаһууха.
Тиигээд олон арадууд ошожо, иигэжэ хэлэхэ: «Эзэнэй хада руу, Яковай Бурханай Һүмэ тээшээ үгсэн ошоё. Юу хэхыемнай Бурхан һургаха, зааһан замаарнь ябахабди». Юуб гэбэл, Һургаал Сионһоо гараха, Эзэнэй үгэ – Иерусалимһаа.
Эпрааим хүсэрхэг эрэ боложо, үзэмэй дараһан архи ууһан мэтэ баясаха. Хүүгэдынь энээниие харахадаа хүхижэ, тэдэнэй зүрхэ сэдьхэлые Эзэн баярлан хөөрүүлхэ.
Тиихэдэнь Иисүүс: – Ионын хүбүүн Симон, ши золтойш! Энэ үнэн зүбые шамда хүнэй һанаан нээгээ бэшэ, харин тэнгэридэ оршодог Минии Эсэгэ тайлбарилаа.
Тиигээд Иисүүс Нангин Бэшэгэй удха ойлгожо абаха ухаа тэдэндээ үршөөгөө бэлэй.
Минии досоо амгалан тайбан олохынтнай тула эдэ бүгэдые Би таанарта хэлээб. Энэ дэлхэйдэ гашуудал зоболонтой ушархат, теэд сүхэршэгүй зоригтой байгты. Би энэ дэлхэйе илааб! – гэжэ Иисүүс харюусаба.
«Бүхы хүнүүдые Бурхан һургаха», – гэжэ лүндэншэд бэшэһэн байна. Эсэгын үгэ дуулажа, Тэрэнэй һургаал ойлгожо абаһан хүн Намда ерэхэ.
Танда, танай хүүгэдтэ болон Эзэнэй, манай Бурханай Өөртөө уряалһан, холууршье байһан хүн бүхэндэ Бурхан найдуулга үгөө, – гэжэ Пётр тэдээндэ харюусаба.
Ушарынь юуб гэбэл, Бурханай хаан орон эдихэ, ууха тухай бэшэ, харин Арюун Һүлдэһөө эхи абадаг үнэн сэдьхэл, энхэ тайбан, баяр жаргал тухай юм.
Найдал үршөөдэг Бурхан һүзэгэйтнай ашаар таанадые бүтэн баяр жаргалаар ба амгалан байдалаар дүүргэг лэ, тиигэжэ Арюун Һүлдын хүсөөр этигэл найдалтнай нэмэгдэжэ байг лэ.
Мүнөө бидэ һүзэгэйнгөө ашаар Бурханай урда үнэн сэдьхэлтэй болообди, тиин манай Эзэн Иисүүс Христоосоор дамжан Бурхантай эбээ нэгэдхээбди.
Тэрэ нюусаа Бурхан бидэндэ бүхы юумые харадаг, далда байһан Бурханайшье зорилгые харадаг Һүлдынгөө ашаар нээгээ.
Арюун Һүлдын үрэ дүн болбол иимэ: хайра дуран, баяр, энхэ тайбан, тэсэбэри, һайн һанаан, ниигүүлэсхы сэдьхэл, үнэн сэхэ ябадал,
Таанад Тэрээн тухай дуулаат, Тэрээнһээ һуража абаат. Тэрэ болбол үнэн зүб юм.
Тиигэбэл Бурхан таанадта хүнэй гүйсэд ойлгохын аргагүй амгалан тайбан байдал үршөөхэ, тиин тэрэ амгалан байдал зүрхэ сэдьхэлыетнай, һанал бодолыетнай Иисүүс Христоосой ашаар сахижа байха.
Бэе бэедээ дуратай байгты гэжэ бэшэхэ хэрэггүй байха. Бэе бэедээ дуратай байхые Бурхан таанадта заажа үгөө.
Тэдэ үдэрнүүдэй һүүлдэ Израилиин арадтай баталха хэлсээн иимэ: Өөрын хуулинуудые тэдэнэй һанал бодолдо хадуулгахаб, зүрхэ сэдьхэлдэнь бэшэхэб. Би тэдэнэй Бурхан, тэдэ Минии арад түмэн болохо гэжэ Эзэн хэлэнэ.
Тэдэнэй хэнииньшье Эзэниие мэдэ гэжэ нүхэдөө гү, али аха дүүнэрээ һургахагүй, юундэб гэхэдэ, тэдэ багаһаа томо хүрэтэрөө бултадаа Намайе мэдэжэ байха.
Таанарта Арюун Һүлдэ Бурханһаа үгтөө, тиимэһээ таанар бүхы юумэ мэдэнэт.
Бурханай таанадта үгэһэн Арюун Һүлдэ сэдьхэлдэтнай байна, тиимэһээ таанарые хэн нэгэнэй һургаһанай хэрэгынь үгы. Арюун Һүлдэ үнэн зүб юумэ хэлэнэ, худал юумэ хэлэнэгүй, тиигэжэ таанарые бүхы юумэндэ һургана. Арюун Һүлдын һургаһан ёһоор таанар Христоостой нэгэн хамта байгты.
