Исай 52:9 - Библи

⁹ Иерусалимай һандарһан шулуунууд, хамта дуулажа, баясан хашхаралдагты! Эзэн Өөрынгөө хото абаржа, улад зонойнгоо сэдьхэл амаруулаа.

Исай 52:9 ပူးပေါင်းရင်းမြစ်များ

Псалманууд 102:22

Захирдаг бүхы газартань байгааша бүтээлнүүдынь болохо таанар бултадаа Эзэндэ магтаал үргэгты! Сэдьхэлни, Эзэниие магтан дуула!

Псалманууд 98:4

Тэрэ хүсэ шадалтай Хаан, зүб шударгада дуратай. Та сэхэ тэгшэ ёһо батажуулаат, Яковай зондо шударга ёһо, зүб шударгые хээт.

Исай 12:6

Сионой ажаһуугшад, баясагты, шангаар дуулагты! Израилиин арюун Бурхан танай дунда агууехэ!»

Исай 14:7

Мүнөө бүхы газар дэлхэй амарна, хүн бүхэн баяртайгаар дуу дуулана.

Исай 40:1

«Минии арад түмэниие һаатуулагты, – гэжэ манай Бурхан айладхана. – Һаатуулан байгты!

Исай 43:1

Яков, шамайе байгуулагша, Израиль, шамайе бүтээгшэ Эзэн иигэжэ айладхана: «Бү ай, Би шамайе абархаб. Би шамайе нэрээршни нэрлээб, ши Минии болоош.

Исай 44:22

Би шинии хилэнсэгые манан мэтээр, нүгэлыешни үүлэн мэтээр тунаан һалгаагааб. Би болбол танай Абарагшаб, Нам руу эрьегты!»

Исай 44:23

Эзэнэй хэрэгүүдые бүтээһэндэ огторгой, баярлан хашхарыш! Газарай гүн газарнууд, хашхаралдагты! Уула хаданууд, ой модон, ойн бүхы модод, баясан хашхарагты! Эзэн Яковые абараа, Израилиие абаран алдаршаа!

Исай 44:26

Харин Минии богоолой уридшалан таахада, түсэбүүдээ мэдүүлхэеэ элшэнэрые эльгээхэдээ, Би тэдэ түсэбөө дүүргэдэгби, уридшалан хэлээшыень бэелүүлдэгби. Иерусалимда зон дахин ажаһуудаг болохо, Иудын хан түрын хотонууд дахин һэргэн бодохо гэжэ Би мэдүүлнэб.

Исай 48:20

Вавилоонһоо гарагты, Халдейһээ зугадагты! Баяртайгаар хашхаран, тунхаглагты, дэлхэйн хизаар хүрэтэр иимэ мэдээ тараагты: «Эзэн Өөрынгөө богоол Яковта эрхэ сүлөө үршөөгөө!»

Исай 49:13

Огторгой, баярлан дуула! Газар, баясан хашхара! Ууланууд, бахархан дуулагты! Юуб гэхэдэ, Эзэн Өөрын арад түмэниие номгоруулжа, зобоһон арад түмэнөө хайрлаа.

Исай 51:12

Эзэн иигэжэ айладхана: Таанадай түшэг тулгуубари Би, гансал Би мүн! Юундэ таанад үхэхэ табисууртай, хагдардаг үбһэндэл адли хүнһөө айха болообта?

Исай 51:3

Би Сиониие, һандарһан гэрнүүд соонь байгша бүхы зониие хайрлажа, элһэн сүл губииень Эдээмэй сэсэрлиг мэтэ, Эзэнэй сэсэрлиг мэтэ болгохоб. Тэндэ баяр баясхалан, зугаа наадан, Намайе магтан дуулаһан дуунууд зэдэлхэл.

Исай 55:12

Таанад баяртайгаар гаран ошохот, амар амгалан үдэшүүлхэт. Уула гүбээнүүд баярлан дуулалдаха, талын бүхы модод альгаа ташаха.

Исай 61:4

Тэдэ зон эртэ урда сагта һандарһан хотонуудые һэргээн бодхоохо.

Исай 63:9

Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.

Михей 4:10

Иерусалимай арад зон, үхибүү түрэжэ байгаа эхэнэртэл үбдэжэ, зобожо байгты! Юуб гэхэдэ, мүнөө таанар хотоһоо гаргагдан, Вавилоон руу сүлэлгэдэ туугдахат. Теэд тэндэ абарагдахат, дайсадһаатнай Эзэн таанадые абарха.

Галадуудта 4:27

Тэрээн тухай Нангин Бэшэг соо иигэжэ хэлэгдэнэ: «Үхибүү түрөөгүй, үри хүүгэдгүй эхэнэр, хүхин баясыш! Үхибүү түрэхын зоболон мэдэрээгүй эхэнэр, хүхииш, баярлыш! Юуб гэхэдэ, хадамда гараагүй эхэнэр хадамтай эхэнэртэ орходоо тоогүй олон үхибүүтэй байха».