Исай 52:8 - Библи

⁸ Хотын харуулай дуу хоолой дуулдана! Тэдэ хамта баяртайгаар хашхарба. Тэдэ Эзэнэй Сион руу дахин бусажа ерэһые өөһэдынгөө нюдөөр хаража байна бшуу.

Исай 52:8 ပူးပေါင်းရင်းမြစ်များ

Псалманууд 102:22

Захирдаг бүхы газартань байгааша бүтээлнүүдынь болохо таанар бултадаа Эзэндэ магтаал үргэгты! Сэдьхэлни, Эзэниие магтан дуула!

Дуунай дуун 3:3

Һүниин харуултай уулзаад, би «Сэдьхэлэйм амарагые хараа гүт?» гээб.

Дуунай дуун 5:7

Хотын гудамжаар эрьен ябадаг һүниин харуулшад намтай дайралдаад, хүхэржэ нязартар намайе сохёод, хубсаһымни тоножо абаа.

Исай 24:14

Амиды мэндэ үлөөшэд баярлан хөөрэн байха. Баруун зүгтэ байгаашад Эзэнэй һүр жабхалангые магтан дуулаха.

Исай 26:1

Иудын хан түрын газар дайдада иимэ дуу дууладаг болохо саг дүтэлжэ байна: «Манай хото хүсэтэй! Бурхан Өөрөө хана хэрэмынь болон хамгаалжа байна!

Исай 27:2

Тэрэ үдэр Эзэн иигэжэ айладаха: «Үзэм жэмэсэй һайхан сэсэрлиг тухай дуу дуулагты!

Исай 30:26

Һара, нарандал адли ялагар шанга гэрэлтэй болохо, наран хэмһээ долоо дахин ялагар хурса болохол. Эзэнэй арад түмэндөө ушаруулһан гай гасалангай дүүрэжэ, шархануудайнь эдэгэжэ эхилхэдэ, эдэ бүгэдэ тохёолдохо.

Исай 35:10

Тэдэ Иерусалим руу баяртайгаар хашхаралдан ерэхэ. Уй гашуудал, һанаа алдалга оро һэегүй үгы боложо, баяртай, аза жаргалтай тэдэ хэтэ мүнхэдөө болохо.

Исай 40:9

Иерусалим, үндэр хада уула өөдэ гаража, һайн мэдээ соносхо! Сион, хоолойгоо шангадхан, һайн мэдээ дуулга! Соносхогты, бү айгты! Иудын хан түрын хотонуудта Бурханайнь заларан ерэжэ байһые дуулгагты!

Исай 48:20

Вавилоонһоо гарагты, Халдейһээ зугадагты! Баяртайгаар хашхаран, тунхаглагты, дэлхэйн хизаар хүрэтэр иимэ мэдээ тараагты: «Эзэн Өөрынгөө богоол Яковта эрхэ сүлөө үршөөгөө!»

Исай 56:10

Тэрэ иигэжэ айладхана: Арад зониием һэргылхэ үүргэтэй ударидагшадынь һохор! Юушье мэдэнэгүй! Тэдэ бултадаа хусажа шададаггүй, гансал унтадаг, һанаандаа гоёор зураглан хэбтэдэг нохойнуудта адли!

Исай 58:1

Эзэн иигэжэ айладхана: «Шадахысаа шангаар хашхарагты! Дуу хоолойтнай үхэр бүреэгэй дуундал шанга байг! Минии арад түмэн, Яковай зондо нүгэл тушаань дуулгагты!

Исай 62:6

Иерусалим, шинии хананууд дээрэ Би харуулшадые табибаб. Тэдэ үдэр, һүнигүй зальбарал уншажа, дуугаа хуряахагүй. Тэдэ Эзэндэ найдуулганууд тушаань һануулдаг байха, хэзээдэшье дуугаа таһалдуулхагүй.

Ерэмияа 31:12

Израилиин арад зон бусажа, Сионой хада ууланууд дээрэ баярлан шууялдаха, Минии үршөөһэн хэшэг болохо орооһо таряанда, шэнэ үзэмэй дараһан архида, оливын тоһондо, мал һүрэгэй түлдэ баярлаха. Сэсэглэжэ байгаа саадтал адли тэдэ боложо, дахин хэзээдэшье доройтохогүй.

Ерэмияа 32:39

Ажамидарха сагтань ори ганса зорилго тэдээндэ заажа үгэхэб: өөһэдын болон уг удамайнгаа аша туһада тэдэ Намайе хүндэлэн байг лэ.

Ерэмияа 33:11

баяр, хүхилдөөнэй, түрэ хуримай абяануудые соносохот. Зоной дуу дуулахые шагнахат. Тэдэ хадаа баяр баясхалан хүргэн, Минии Һүмэ соо үргэл хэхэ. Тэдэ иигэжэ хэлэн байхал: «Түмэн Сэрэгтэ Эзэндэ баясхалан хүргыт. Тэрэ хадаа угаа һайн. Тэрэнэй үршөөл хайра мүнхэ». Би энэ орон нютагые урданайхидань адли амжалта түгэс болгохоб. Энэ болбол Би, Эзэн, айладхана мүн!

Ерэмияа 33:7

Иудын болон Израилиин зониие баряанһаа бусаажа, хэрэгүүдыень амжалтатай болгохоб, хуушанайхидань адляар һуурижуулхаб.

Ерэмияа 6:17

Би Эзэн бүреэгэйнь дохёо шагнахынтнай тула лүндэншэдые харуулшадаар таанад дээрэ табяаб. Гэбэшье таанад «Бидэ шагнахагүйбди» гээ һэнта.

Эзэкээл 3:17

– Хүнэй үри Эзэкээл! Би шамайе Израилиин арад зониие харууһалха хүн болгон табибаб. Минии һэргылэлтэнүүдые ши тэдээндэ дамжуулжа байхаш.

Эзэкээл 33:7

Хүнэй үри Эзэкээл, Израилиин арад түмэнэй харуулшанаар Би шамайе томилноб! Минии айладхал шагнаад, ши тэдэниие һэргылэн бай.

Цэпаанияа 3:9

Удаань Би арадуудай үгэ хүүр хубилгахаб, тиихэдэм тэдэ гансал Намда мүргэн зальбаржа, бултадаа Намдал алба хэн байха.

Захарияа 12:8

Тэрэ үдэр Эзэн Иерусалимда оршон һуугшадые хамгаална. Тэдэнэй дорой нэгэниинь Давид мэтэ боложо, Давидай гэр Бурхан мэтэ, тэдэнэй үмэнэ Эзэнэй тэнгэриин Эльгээмэл мэтэ байха болоно.

Хэрэгүүд 2:1

Тэдэнэр булта нэгэ газарта Табидахи үдэрэй һайндэртэ сугларба.

Хэрэгүүд 4:32

Һүзэглэгшэд булта нэгэ һанал бодолтой һэн. Тэдэнэй хэнииньшье хубита зөөри зөөшэеэ минии гэдэггүй, байһан бүхы юумээрээ бэе бэетэйгээ хубаалдадаг һэн.

Коринфынхидтэ 1-дэхи 1:10

Аха дүүнэр, хоорондоо хубааралдажа байхагүйн тула һаналаа нэгэдүүлжэ байгты, нэгэ һанал бодолтой, нэгэ зорилготой байгты гэжэ Манай Эзэн Иисүүс Христоосой нэрэ түрөөр та бүхэндэ гуйн ханданаб.

Коринфынхидтэ 1-дэхи 13:12

Мүнөө бидэ Бурханиие бүүдэг гэрэлэй һүүдэртэ адли харанабди, харин һүүлдэнь Тэрээнтэй сэхэ харилсахабди. Мүнөө юумэ гүйсэд мэдэнэгүйб, харин һүүлдэ Бурханай намайе мэдэһэндэл адляар би юумые бүрин түгэс мэдэдэг болохоб.

Еврейнүүдтэ 13:17

Өөһэдынгөө хүтэлэгшэдэй мэдэлдэ байгты, захиралтануудыень дүүргэжэ байгты. Тэдэнэр һүүлдэнь алба хэһэн тухайгаа Бурханай урда тоосоо хэхэ ёһотой ушарһаа танай һүнэһэ һүлдэдэ үргэлжэ һанаагаа табидаг. Хэрбээ таанадай хүтэлэгшэдэйнгөө үгөөр байбалтнай, тэдэнэр баяртайгаар ажалаа хэхэ, үгы болбол, тэдэнэр гунигтайгаар үүргэеэ дүүргэжэ байха, тиимэ ажалынь таанадта ашаг туһагүйл.

Гэршэлгэ 18:20

Огторгой тэнгэри, Бурханай хүнүүд, элшэд, лүндэншэд, энээндэ хүхин баясыт! Таанарай түлөө тэрэ ниислэлые Бурхан хэһээгээл!»

Гэршэлгэ 19:4

Хорин дүрбэн ахамадууд, дүрбэн амитад ерэжэ, хаан шэрээдээ һууһан Бурханай урда һунан унаад, һүгэдэн мүргэхэ зуураа: «Болтогой! Бурханда магтаал соло!» – гэжэ хэлэбэд.