Исай 52:1 - Библи

¹ Сион, һэрииш, һэрииш, дахин хүсэ шадалаа нэмэрыш! Нангин хото Иерусалим, алдар солынгоо хубсаһа үмдыш! Буруу номнолтон ба бэеэ арюудхаагүй зон шинии бартаануудаар бэшэ орохогүй.

Исай 52:1 ပူးပေါင်းရင်းမြစ်များ

1 Угай бэшэг 16:29

Эзэндэ нэрынь шанараар алдар соло дуудагты! Үргэл асаржа, урдань ерэгты. Гэгээн солынь үзэсхэлэн соо Эзэндэ һүгэдэн мүргэгты! Бүхы дэлхэй, Тэрэнэй урда шэшэрэн байгты!

Нэхэмьяа 11:1

Хүтэлбэрилхы удамаршад Иерусалимда ажаһуудаг болобо, харин бэшэ зон жээрэбэй ёһоор иигэжэ тодоруулбад: арбанай нэгэ хуби нангин хото Иерусалимда, юһэн хубинь ондоо хотонуудта үлэбэд.

Псалманууд 110:3

Ажал хэрэгынь – һүр жабхалан ба гоё һайхан, ו Ваав зүб шударгань хэтэ мүнхэдөө оршоно. ז Заайин

Египедһээ гаралга 28:2

Һүр алдартай ба һайхан үзэмжэтэй байхынь тула һахилай хубсаһа Аһароон ахадаа оюула.

Египедһээ гаралга 28:40

Аһарооной хүбүүдтэ самса, бүһэ, толгойн боолтонуудые һүр алдартай, һайхан үзэмжэтэй байхынь тулада оюулха болонош.

Исай 1:21

Хэзээ нэгэтэ үнэн сэхэ байһан ниислэл хото янхан эхэнэртэл мэтэ яагаад болоо гээшэб?! Нэгэ үедэ тэндэ үнэн шударга хэрэгүүд ябуулагдадаг, үнэн зүб оршодог бэлэйл, теэд мүнөө гансал алууршад үлэнхэй.

Исай 1:26

Удамаршадые, зүбшэгшэдыетнай анханай удамаршадтал адли болгоходом, Иерусалим үнэн зүб, үнэн сэхэ хото гээд нэрлэгдэдэг болохо».

Исай 26:2

Хотын бартаануудые нээгыт! Бурхандаа үнэн сэхэ, зүб шударга үндэһэтэн орог лэ!

Исай 35:8

Тэндэ нэгэ ехэ харгы зам бии боложо, «Нангин арюун зам» гэжэ нэрлэгдэхэ. Тэрээгээр нүгэлтэй нэгэшье хүн ябахагүй, ямаршье тэнэг хүн энэ замаар ябагшадые төөрюулхэгүй.

Исай 4:3

Сиондо амиды мэндэ үлөөшэд, Иерусалим соо амиды үлэгшэд, юрэдөө, амиды зоной тоодо Иерусалимда бэшэгдэнхэй бүхы зон гэгээн гээд нэрлэгдэхэ.

Исай 48:2

Таанад өөһэдыгөө нангин хотын ажаһуугшад гээшэбди гэжэ нэрлэнэт, Түмэн Сэрэгтэ Эзэн гэжэ нэрэтэй Израилиин Бурханда түшэглэнэбди гэлдэнэт.

Исай 49:18

Тойроод эрьен харыш! Арад зоншни гэр руугаа, шамдаа ерэжэ байна. Хадамда үгтэжэ байһан басаганай шэмэглэлээрээ омогорходогтол адли, ши тэдэ зоноороо омогорхон байхаш. Энэ хадаа Минии, Эзэнэй, амиды мэндэ байһантайл адли баталгаатай!

Исай 51:17

Иерусалим, һэрииш, һэрииш! Бодо! Эзэнэй шамда үгэгшэ уур хилэнгэйнь аягаһаа гашуун хэһээлтын шүлэ уугааш! Шабхаруушье үлээнгүй дууһан уужа, найгалзан байнаш.

Исай 51:9

Эзэн, һэриит, маанадта туһалыт! Хүсэ шадалаа зангидан, бидэниие абарыт! Эртэ урда сагта, урданай сагта мэтэ һэриит! Тэнгис далайн Рааһаб гэжэ амитаниие сабшан хюдаа, далайн абарга могойе таһа татаа бэлэйт.

Исай 60:1

Иерусалим, һэргэжэ гэрэлтыш, Эзэнэй алдар соло шам дээрэ толотоно.

Исай 60:21

Удаань бүхы арад зоншни гансал зүб шударга хэрэг үйлэдэн байха, газарые хэтэ мүнхэдөө эзэмдэхэ. Намайе алдаршуулхын тула Би тэдэниие таряа, бүтээгээ бэлэйб.

Исай 61:10

Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Исай 61:3

Сион уула дээрэ гашуудан уйлалдагшадта үнэһэнэй орондо гоёолто, бархираанай орондо баяр баясхалан, гай гасаланта шэг шарайн орондо гоёлой хубсаһан үгтэхэ гэжэ минии хэлэхые Тэрэ эльгээгээ. Эзэн Бурханай алдар солынгоо тула Өөрөө һуулгаһан модод мэтэ тэдэ болохо, зүб шударга хэрэгүүдые үйлэдэхэ.

Исай 64:10

Танай нангин хотонууд хооһон сүл губи болоо. Сион сүл губи болоо. Иерусалим эзэгүйрөө.

Ерэмияа 31:23

Израилиин Бурхан, Түмэн Сэрэгтэ Эзэн иигэжэ айладхажа байна: – Минии тэдэниие нютагтань бусаан, һайн һайханаар һэргээхэ үедэ тэдэ Иудын хан түрын газар дайдада болон хотонуудтань дахин эдэ үгэнүүдые хэлэжэ эхилхэ: «Үнэн зүбэй гэр, Иерусалимай нангин хада, Эзэн шамайе юрөөхэнь болтогой!»

Эзэкээл 44:9

Би, Эзэн Бурхан, иигэжэ захирнаб: „Намда шүтэдэггүй, этигэдэггүй нэгэшье хариин хүн, Израилиин арад түмэнэй дунда ажаһуудаг байгаашье һаа, Минии нангин үргөө руу орохо эрхэгүй!

Даниил 10:9

Тэрэнэй абяа дууламсаараа би мэдээ табижа, нюураараа газар шаан унаа һэм.

Ёһээл 3:17

«Тиихэдэ таанад Намайе Өөрын нангин уулада оршодог таанадай Бурхан, Эзэн мүн гэжэ мэдэхэ болохот. Иерусалим арюун боложо, хойто үедэ хари хүнүүд тэрэниие дайран үнгэрхэеэ болихо.

Наум 1:15

Харыт, һайн мэдээ асардаг, амар амгаланиие соносхогшо хада уула дээрэ ерээд байнал! Оо, Иуда, найр наадануудаа тэмдэглэн, тангаригуудаа бэелүүлэ. Юуб гэбэл, зохисгүй нэгэн шамаар гаража ябахагүй – тэрэ бүримүһэн усадхагдаа.

Хаггай 2:4

Гэбэшье Зэрубабээл зоригтой бай, Ёцадаагай хүбүүн Иисүүс, ахамад санаартан, зоригтой бай! Энэ ороной улад зон, зоригтой байгты! Би, Түмэн Сэрэгтэ Эзэн, таанартай хамта байнаб. Ажал хэгты, туһалхаб.

Захарияа 3:4

Эльгээмэл урдань зогсогшодто хэлэбэ: – Иисүүсэй муухай хубсаһыень тайлагты. Өөртэнь хэлэбэ: – Харыт, иигэжэ Би гэмытнай сагааруулбаб, жабхалангай хубсаһаар хубсалуулхаб.

Матвей 4:5

Һүүлдэнь шолмос Иисүүсые нангин Иерусалим хото абаашажа, Һүмын орой дээрэ байлгаба.

Лука 15:22

Эсэгэнь барлагуудтаа: «Түргэхэн эгээ һайн хубсаһа асараад, хүбүүндэм үмдэхүүлэгты, хургандань үнэтэ шулуутай бэһэлиг зүүлгэгты, хүлдэнь гутал үмдэхүүлэгты.

Римэйхиндэ 13:14

Харин Эзэн Иисүүс Христоосые хуяг дуулгадал адли үмдэел, нүгэлтэ мүн шанар байдалаа анхархаяа, хүсэлэнгүүдыень хангахаяа болиёл.

Римэйхиндэ 3:22

Иисүүс Христоосто һүзэглэһэн этигэл һүзэгэйнь ашаар Бурхан хүн бүхэниие, ямаршье илгаагүйгөөр, үнэн сэдьхэлтэнэй тоондо оруулна.

Эфесэйхиндэ 4:24

Бурханай дүрые һажааһан үнэн сэдьхэлтэй, арюун гэгээн амидаралтай шэнэ хүн боложо хубилагты.

Эфесэйхиндэ 5:14

Гэрэл туяагай ашаар элирүүлэгдэһэн бүхы юумэн гэрэл туяа болоно. Тиимэһээ иигэжэ хэлэдэг байха: «Унтажа байһан хүн, һэри, амидыра, Христоос шамайе гэрэлтүүлхэ».

Эфесэйхиндэ 6:10

Эсэстэнь иигэжэ хэлэһүү: Эзэнэй һүр хүсөөр бэхижэгты.

Гэршэлгэ 11:2

Теэд Һүмын гадаада хорёое бү тоололсо, бү хэмжэ, юуб гэбэл, тэрэ хорёонь бусад арадуудай мэдэлдэ үгтэнхэй. Тэдэ хүнүүд нангин хотые дүшэн хоёр һарын туршада хүлөөрөө гэшхэжэ дэбһэжэ ябаха.

Гэршэлгэ 19:14

Тэнгэри дээрэхи сэрэгшэд сагаан моринуудые унаад, нарин сагаан улһаар оёһон сэбэрхэн хубсаһа үмдөөд, хойноһоонь дахажа ябанад.

Гэршэлгэ 19:8

Басагандань нарин улһаар оёһон ялагар, сэбэр хубсаһан үгтэнхэй. Нарин улһан гээшэнь Бурханай арад зоной үнэн зүб үйлэ хэрэг гэһэн удхатай.

Гэршэлгэ 21:2

Нангин Хотые – шэнэ Иерусалимые би харааб. Хадамда гарахаяа нүхэр хүбүүгээ хүлеэжэ байһан шэнэ Иерусалим гоёнхой юумэ тэнгэриһээ, Бурханһаа буужа ябаба.

Гэршэлгэ 21:27

Бузарлагдаһан ямаршье юумэн тэрэ хотодо орохогүй, гутамшаг муухай юумэ хэгшэд, мэхэ гохо гаргагшад тэрэ хотодо орохогүй. Үргэлэй Хурьганай амидаралай ном дэбтэртэ нэрээ бэшүүлһэн хүнүүд лэ тиишэ оруулагдаха.