Исай 51:20 - Библи

²⁰ Урьхада ороһон зээрэн мэтэ, гудамжын уулзуур бүхэндэ улад зоншни хүсөө баранхай хэбтэнэ. Эзэнэй уур хилэнгые тэдэ дүүрэн амасаа, Бурханайшни шангархань аймшагтай!

Исай 51:20 ပူးပေါင်းရင်းမြစ်များ

Исай 29:9

Зог татагты, газарта шаагдаһандал бологты, һохор бологты, нюдэгүй! Һогтогты, харин үзэмэй дараһан архиһаа боложо бэшэ! Найгалзагты, харин шара айрагһаа ушарлажа бэшэ!

Исай 40:30

Залуушье хүн ядаран һуларжа, эдир хүбүүдшье бүдэрэн унадаг.

Исай 49:26

Шамайе дарлагшадые бэе бэеэ хороохыень баадхахаб, тэдэ өөһэдынгөө шуһа үзэмэй дараһан архи мэтээр уужа һогтохо. Тиихэдэ хүн бүхэн Намайе шинии Абарагша, эрхэ сүлөө олгуулагша Эзэн, Яковай Хүсэтэ Бурхан гэжэ мэдэдэг болохо!

Исай 5:25

Эзэн Өөрын арад түмэндэ уур сухал боложо, гараа тэдээн руу һунгажа, сохихо! Хада ууланууд доһолжо, үхэһэн зоной хүүрнүүд бог шорой мэтэ үйлсэнүүдээр хэбтэхэ. Энээнэй удаашье Тэрэнэй уур хилэн унтархагүй, гарынь һунгаатай зандаа байха!

Исай 51:17

Иерусалим, һэрииш, һэрииш! Бодо! Эзэнэй шамда үгэгшэ уур хилэнгэйнь аягаһаа гашуун хэһээлтын шүлэ уугааш! Шабхаруушье үлээнгүй дууһан уужа, найгалзан байнаш.

Исай 51:21

Үзэмэй дараһан архиһаа бэшэ, ондоо юумэндэ һогтоһон, зобоһон Иерусалимай улад зон, шагнагты!

Исай 66:15

Үзөөрэйгты, Эзэн гал дүлэн мэтэ бууха. Уурлаһан зоноо хэһээхэеэ Тэрэ шуурган һалхин мэтэ шуумайха.

Исай 8:21

Эльбэ жэльбэтэйшүүлые шагнагша зон зоболондо дарлагданхай, үлэсхэлэн хооһон газар дэлхэйгээр тэнэжэ ябаха. Гэдэһээ үлдэжэ ябахадаа тэдэ сухалдажа, хаанаа болон Бурханаа харааха. Тэдэ өөдөө огторгой руу гү,

Ерэмияа 14:16

Тэдэнэй буулгаһан абарал шагнаһан улад зон туража үхэхэ, байлдаануудта алуулха, тиигээд Иерусалимай үйлсэнүүдээр хаяатай хэбтэхэ. Тэдэниие, һамгадыень, үхи хүүгэдыень хүдөөлүүлхэ хэншье байхагүй. Хорон мууень өөһэдтэнь лэ буулгахаб! – гэбэ.

Ерэмияа 14:18

Хээрэ тала руу гарахадам, дайнда алуулһан зоной һэенүүд байна. Хото руу орожо ерэхэдэм, туража үхэхэеэ байгшад харагдана. Лүндэншэд, санаартад юу хэхэеэ ойлгожо ядан, орон нютагаар тэнэнэ.

Гашуудал 1:15

Минии бүхы хүсэтэйшүүлые Эзэн доошонь унагаагаа, залуу хүбүүдым хюдахын тула дайсадые һайндэртэ мэтэ уряа. Иерусалим тортоггүй сэбэрхэн залуу басаган мэтэ бэлэйл, теэд тэрэниие даран шахадаг түхеэрэлгэдэ жэмэс дарадагтал Эзэн няса гэшхэбэ!

Гашуудал 1:19

Би амарагуудаа дуудааб, теэд тэдэ намда урбаа. Санаартадни, үндэр наһатайшуулни хото соо хосоржо байна, үхэлһөө зайлахын тула эдеэ хоол гуйраншалжа ябана.

Гашуудал 2:19

Бодо, бүхэли һүниндөө Эзэниие дуудан зальбара! Зүрхэншни уһан мэтэ урдан байг, Эзэн энэниие үзэг лэ! Гудамжануудай углуу бүхэндэ үлэсхэлэн хооһон байдалһаа үхэжэ байгаа хүүгэдэйнгээ түлөө гараа һунган, Эзэниие гуй!

Гашуудал 4:11

Эзэн уур сухалаар дүүрэжэ, уур сухалаа адхаба, Сиондо гал түймэр носообо, дууһан шатааба!

Гашуудал 4:2

Шэжэр алтантай адляар үнэлэгдэхэ Сионой эрхим хүбүүд шабарша дарханай бүтээл болохо шабар амһарта мэтэ болобо.

Гашуудал 5:13

Залуу эрэшүүл тээрмэдэ ажаллана, эдир хүбүүд бүдэртэрөө түлеэ зөөнэ.

Эзэкээл 12:13

Би тэрээн дээрэ Өөрынгөө гүльмэ хаяжа, барихаб. Тиигээд Вавилоон руу абаашахаб, гэбэшье тэрэ Вавилооной орон нютаг харангүй гээгдэхэ.

Эзэкээл 17:20

Урьха гүльмэ табижа, тэрэниие барихаб. Тиигээд Вавилоон руу абаашажа, Минии урдаһаа буруу юумэ хэһэнэйнь түлөө тэндэ шүүн хэһээхэб.

Эзэкээл 39:19

Шубуу шонхор, ан арьяатан садатараа Минии үргэһэн тахилай өөхэ эдихэ, һогтотороо шуһа ууха.

Хуули дабталга 14:5

буга, зээрэн, боро гүрөөһэн, янгир, зэрлиг буха, оронго, аргали.

Хуули дабталга 28:20

Муу муухай хэрэг хэһэнэйтнай – Өөрыень орхиһонойтнай түлөө Тэрэ таанадта удахагүй һалатартнай, үхэтэртнай хараалай муу хараал, үймөөн һандарал, хэһэн хэрэг бүхэндэтнай гай тодхор эльгээхэ.

Гэршэлгэ 14:10

Бурханай уур сухалай аягаһаа Тэрэнэй уур сухалай холисогүй сэбэр үзэмэй дараһан архи ууха, тэдэ хүнүүдые арюун нангин Эльгээмэлнүүдэй урда, Үргэлэй Хурьганай урда асараад, гал түймэр руу, хүхэрэй хүхэ дүлэн руу хаяжа, тамалан хэһээхэ.