Исай 50:8 - Библи

⁸ Бурхан минии хажуудахана байна. Тэрэ минии гэмгүй байһые элирхэйлхэ. Хэн намайе гэмнэхэ һанаатайб? Хамта зарга шүүхэдэ ошоё! Хэн намтай заргалдаха түсэбтэйб? Хамта шүүбэрилэгшын урда зогсоё!

Исай 50:8 ပူးပေါင်းရင်းမြစ်များ

Иоов 13:19

Эзэн минии, хэн нэгэнэй минии бурууе гэршэлжэ шадабал, би үгэ дуугүй үхэхөөр бэлэнби.

Египедһээ гаралга 22:9

Харин хулгайшанай баригдаагүй һаань, хадагалһан хүн Бурханай урда хүнэй зөөридэ һанаархаагүйб гэжэ гэршэлхэ ёһотой.

Исай 1:18

Эзэн иигэжэ айладхана: «Эбээрээ хэлсэе. Таанадай улайтараа нүгэлөөр бузарлагдаһаншье һаатнай, Би саһан мэтэ сагаан болотортнай угааха бэлэйб. Хүрин улаан болотороо нүгэлдэ баригдаһаншье һаатнай, сагаан нооһон мэтэ болотортнай угаан сэбэрлэхэ һэм.

Исай 41:1

Эзэн Бурхан иигэжэ айладхана: – Холын нютагууд, абяа шэмээгүй болоод, Намайе шагнагты! Хамта ерэжэ, хэрэгээ шүүхэдэ хөөрэжэ үгыт.

Исай 41:21

Зарга хэрэгээ хэлэгты гэжэ Би, Эзэн, Яковай Хаан, үндэһэ яһатадай бурхадта айладханаб. Шанга баримтануудаа асарагты!

Исай 43:26

Зарга шүүлгэдэ ошоё! Зүб байһанаа баталхын тула ши ушар шалтагаанаа хэлэ!

Исай 45:25

Израилиин бүхы уг удам Минии, Эзэнэй, һайгаар зүб болохо, алдаршуулагдаха!»

Исай 54:17

Харин ямаршье зэр зэбсэг шамайе шархатаахагүй, шамайе зэмэлжэ хэлэһэн хүн бүхэндэ харюутайл байхаш. Би Өөрын зарасанарые аршалхаб, илалта туйлуулхаб!» Иигэжэ Эзэн айладана юм.

Матвей 5:25

Хэрбээ хэн нэгэн шинии урдаһаа зарга барижа, шамайе зарга шүүбэридэ абаашажа байбал, зарга шүүгшын мэдэлдэ ороогүйдөө, замдаа хэрэгээ түргэхэн шиидхэхые оролдо. Тиигээгүй һааш, шамайе зарга шүүбэридэ үгэхэ, зарга шүүгшэ шамайе түрмын харуулшанда тушааха, харин харуулшан шамайе түрмэдэ һуулгаха.

Хуули дабталга 19:17

Тиигэбэл, заргалдагша тэдэ хоёр хоюулаа Эзэнэй нангин үргөө руу ошог, тэрэ үедэ санаартан болон шүүбэрилэгшэ байһан зон тэдэнэй хэрэг шиидхэг лэ.

Тимофейдэ 1-дэхи 3:16

Һүзэг этигэлэймнай элирүүлһэн үнэн зүбынь үнэхөөрөө агууехэ юм: Хүнэй дүрсэ дүрсэлэн Бурхан ерээ, Тэрэнэй үнэн зүб байһыень Арюун Һүлдэ харуулаа, Тэрэ Өөрыгөө Эльгээмэлнүүдтэ харуулаа. Арадуудай дунда Тэрээн тухай номноо, бүхы газар дэлхэйн зон Тэрээндэ этигээ, тиигээд Тэрэ тэнгэридэ дэгдээ.

Гэршэлгэ 12:10

Тэнгэри дээрэһээ шангаар хэлэһэн иимэ үгэнүүдые би дуулаа һэм: – Одоошье Бурханай хүнүүдэй абарагдаха саг ерэбэ. Одоошье манай Бурхан засаг түрые абаад, хаан болохо. Тиин Бурханай Табисуурта бүхы дэлхэйе ударидан зонхилжо байха. Юуб гэбэл, бидэнэй аха дүүнэрые Бурханаймнай урда үдэр һүнигүй гэмнэгшэ газар руу шэдүүлэн унаба.