Исай 50:7 - Библи

⁷ Теэд тэдэнэй баһаһан ушар намайе хүлгөөхэгүй, юуб гэхэдэ, Эзэн Бурхан намда туһална. Би өөрыгөө шанга барин, тэдэниие тэсэнэб. Нэрээ гутаахагүйб гэжэ лаб мэдэнэб.

Исай 50:7 ပူးပေါင်းရင်းမြစ်များ

Псалманууд 110:1

Эзэниие магтагты! א Алээп Үнэн сэдьхэлтэй зоной дунда ба суглаанай дунда ב Бээт Эзэниие бүхы зүрхэ сэдьхэлээрээ магтанам. ג Гиимэл

Псалманууд 54:6

Айдаһан, шэшэрээндэ абтажа, яахаяашье мэдэнэгүйб.

Исай 29:22

Абраһаамые гай гасаланһаа абарагша Яковай уг удамай Эзэн Бурхан иигэжэ айладхана: «Минии арад түмэн, таанад саашадаа нэрээ хухалхагүйт, эшхэбтэр муу байдалда ороһонһоо боложо, таанадай нюур шарай бэшэ сухигар болохогүй.

Исай 42:1

Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.

Исай 45:17

Харин Израиль Эзэнээр хэтэ мүнхэдөө абарагдаха, арад түмэниинь эшэхээр, нэрээ гутаахаар байдалда хэзээдэшье орохогүй!

Исай 49:23

Тэдэнэй хаашуул эсэгэ мэтээр, хатануудынь эхэнүүд мэтээр шамда хандажа, урдашни доро дохин байха. Тиихэдэнь Намайе Эзэн гэжэ мэдэдэг болохош, Намһаа туһа эригшэд заабол туһадам хүртэхэ».

Исай 49:8

Эзэн Өөрын арад түмэндэ иигэжэ айладхана: Таарамжатай сагай ерэхэдэ, Би шамда харюу үгэхэб, абарха үдэрэй ерэхэдэ, Би шамда туһалхаб. Таанадые хамгаалхаб, таанадаар дамжан, бүхы арадуудтай хэлсээ баталхаб. Хооһорһон газар дайдаяа һэргээхые Би таанадта зүбшөөхэб.

Исай 50:9

Үзөөрэйгты, Эзэн Бурхан Өөрөө намда туһална, хэн намайе гэмнэжэ шадахаб?! Тэдэ булта хибэндэ эдюулһэн хубсаһандал адли таһаран үгы болохо.

Исай 54:4

Бү айгты, эшхэбтэр байдалда дахин орохогүйт. Бү эшэ, нэрээ бэшэ гутаахагүйш. Залуу наһандаа нүгэл хэһэнээ мартахаш, бэлбэһэн эхэнэр боложо, доромжолгодо ороһоноо бэшэ дурсахагүйш.

Ерэмияа 1:18

Харыш, Ерэмияа, Би таанадые мүнөө бүхы газар нютагай урдаһаа бүхэлэлтэтэй хото, түмэр бахана, гуулин хэрэм мэтэ болгон табибаб. Иудын хаашуул, амбан захирагшад, санаартад болон газар нютагай арад түмэн бултадаа таанадай урдаһаа эсэргүүсэхэ, гэбэшье тэдэ таанарые диилэхэгүй. Юуб гэхэдэ, Би таанарые хамгаалхын тула таанадтай хамта байлсахаб. Энээниие Би, Эзэн, тунхаглан айладхажа байна мүн!

Михей 1:2

Бүхы арадууд, шагныта! Дэлхэй дээрэ байгаашад, бултадаа анхарыт! Таанадай урдаһаа Эзэн гэршэ болохонь! Тэрэ огторгойдохи Өөрын нангин ордонһоо таанадые гэмнэхэнь!

Лука 9:51

Тэнгэридэ абтаха сагайнгаа ойртожо байхада Иисүүс Иерусалим ошохо гэжэ хатуугаар шиидэбэ.

Иоанн 16:33

Минии досоо амгалан тайбан олохынтнай тула эдэ бүгэдые Би таанарта хэлээб. Энэ дэлхэйдэ гашуудал зоболонтой ушархат, теэд сүхэршэгүй зоригтой байгты. Би энэ дэлхэйе илааб! – гэжэ Иисүүс харюусаба.

Римэйхиндэ 1:16

Һайн Мэдээсэл тухай номнохоёо би эшэнэгүйб. Ушарынь юуб гэхэдэ, тэрэ һүзэглэһэн хүн бүхэниие, нэн түрүүн еврейнүүдые, тиихэдэ баһал бусад арадуудые абарха Бурханай һүр хүсэн юм.

Еврейнүүдтэ 13:6

Тиимэһээ: «Бурхан минии туһалагша, би айхагүйб. Хүн намда юу хэжэ шадахаб?» – гэжэ бидэ зоригтойгоор хэлэхэбди.

Пётрой 1-дэхи хандалга 4:1

Христоос махабад бэеэрээ зоболон эдлээ, тиимэһээ таанадшье тиигэжэ зобохоор бэлэн байха ёһотойт, юундэб гэхэдэ, зобожо байһан хүн нүгэл хэхэеэ болидог. Христоосой түлөө зобохые хүсэхэдөө, таанад нүгэл хэхэеэ болиһоноо баталнат.

Пётрой 1-дэхи хандалга 4:16

Гэхэтэй сасуу христиан шажанай түлөө зоболон эдлэбэл, бү эшэгты, тиимэ хубитай байһандаа Бурханиие алдаршуулжа байгты.