Исай 50:6 - Библи

⁶ Намайе сохигшодто нюргаа табижа үгөөб, доромжолходонь, тэдэниие болюулаагүйб, һахалыемни зулгаагша хүндэ хасараа табяад үгөөб, нёлбоходонь, нюураа халхалаагүйб.

Исай 50:6 ပူးပေါင်းရင်းမြစ်များ

Нэхэмьяа 13:25

Би эдэ хүнүүдые хараажа, хараал шэнгээжэ эхилээд, харин нэгэ хэдыень сохёод, үһыень зулгаабаб. Би тэдэнэртэ Бурханай урда тангариг абхуулаад, иигэжэ хэлэбэб: – Өөһэдынгөө басагадые тэдэнэй хүбүүдэй һамган болгуулхагүй, тэдэнэй басагадаар бэри хэхэгүй, өөһэдтөөшье абахагүйбди гээд тангариглагты!

Иоов 16:10

Хасар нюурым альгадахаар барахагүй өөһэд хоорондо эбсэн доромжолно.

Иоов 30:10

Тэдэ намһаа бэшүүрхэжэ, нюур руумни нёлбохоһоо наана болоно.

Псалманууд 129:3

Эзэн, хэрбээ гэм бурууе Танай обёорбол, хэн тэсэн зогсожо шадахаб даа?!

Исай 53:5

Харин Тэрэ манай нүгэлэй түлөө шархатаһан, манай гэм зэмэй түлөө зобоһон, манай амар амгалан ажаһуухын тула Тэрээн дээрэ хэһээлтэ бууһан байгаа! Хэһээлтэ амасаһаарнь бидэ эдэгээбди.

Исай 53:7

Тэрэ тамалагдаа, зобоошье һаа, юушье дуугараагүй. Үүслэгдэхээ туугдажа байһан хурьгандал адли, нооһо хиргагшын урда байһан хониндол адли Тэрэ абяа гараагүй.

Гашуудал 3:30

сохижо байгааша хүндэ хасараа табин үгэнэ, угаа ехээр баһуулна даа!

Михей 5:1

Сэрэгэй бүлэгүүдэй хото! Сэрэгээ суглуулан, дайлалдахада зохистойгоор таби! Дайсад бидэниие бүһэлөөл! Тэдэ Израилиин удамаршые хасар руунь һабаа модоор сохихо.

Тоололго 12:14

Эзэн Моисейдэ иигэжэ айладаба: – Эсэгэнь тэрээндэ уурлажа, нюуртань нёлбоо һаань, эшэгүүридэ тэрэ орохогүй байгаа гү? Долоон хоногто тэрэ хотон хүреэнһөө арилаг. Долоон хоногой үнгэрһэн хойно дахинаа тэрэ хотон хүреэндээ бусаг.

Матвей 26:67

Тиигээд тэдэнэр Иисүүсэй нюур руунь нёлбобо, нюдаргаараа сохибо, зариман Тэрэнэй хасарые альгадажа байгаад:

Матвей 27:26

Тиихэдэнь Пилат тэдэндэ Бараббаае табиба, харин Иисүүсые сохёод, хэрээһэндэ хадахыень захирба.

Матвей 27:30

Тиигээд Тэрээниие нёлбобо, таягынь абаад, тархи түрүүень сохибо.

Матвей 5:39

Харин Би мүнөө танда иигэжэ хэлэхэб: хоротоноор бү үһөөрхэлдэ. Хэрбээ баруун хасарыешни хүнэй альгадабал, тэрэ хүндэ зүүн хасараа табижа үгэ.

Марк 14:65

Тиигээд зариманиинь Иисүүсые нёлбожо оробо, нюдыень боогоод, нюдаргаараа шаан: – Таниие хэн сохёоб, хэлэгты даа! – гэлдэбэ. Удаань харуулшад Тэрэнэй хасарые альгадаба.

Марк 15:19

Тиигээд сэрэгшэд Тэрэнэй тархи түрүүень таягаар сохижо, урдаһаань нёлбожо, мүн үбдэг дээрээ унан дохибо.

Иоанн 18:22

Иигэжэ хэлэхэдэнь, Иисүүсэй хажууда зогсожо байһан харуулшадай нэгэниинь Тэрэнэй нюурыень альгадаад: – Ахамад санаартын урдаһаа юундэ иигэжэ дуугарнабта! – гэжэ зандаран хэлэбэ.

Еврейнүүдтэ 12:2

Һүзэг этигэлэймнай эхи татаһан, тэрэнииемнай түгэс түгэлдэр болгоһон Иисүүсые шэртэжэ байял. Ерээдүйдэ үзэгдэхэ баярай түлөө Тэрэ Өөрыгөө гутаалгахаяа айнгүй, хэрээһэндэ хадуулжа үхөөд, Бурханай баруун талада һуугаа.