10 Таанадай хэн Эзэниие хүндэлжэ, зарасайнь үгэ дууладаг бэ? Харгы харанхы, гэрэлгүйдэ ябагшад Эзэндэ этигэжэ, Бурхандаа найдан байг!
Эзэн, Та болбол минии гэрэл; Эзэн минии харанхые гэрэлтүүлнэ.
Байлдаанай үедэ тэдэнэр Бурханда ехээр этигэн найдажа мүргэбэ. Тэдэниие Бурхан дуулаба, һагаарнуудые, бүхы зөөри зөөшэнүүдыень тэдэнэртэ эзэмдүүлэн үгэбэ.
Манай Бурхан! Тэдэниие усадхыт! Маанадта добтологшо иимэ ехэ сэрэгэй урдаһаа тулаха хүсэн бидэндэ байхагүй. Юугээшье хэхэеэ бидэ мэдэнэгүйбди, харин Тандаал найданабди!
Нүгөө үглөө тэдэ эртэ бодожо, Тэкооһа гэдэг зэлүүд хооһон газар руу зорибо. Зорихын урда тээ Ёшапаат хаан зогсожо, иигэжэ бултанда хэлэбэ: – Иудын болон Иерусалимай улад зон, намайе шагныта! Эзэн Бурхандаа үнэнхэ зүрхэнһөө этигэн байгты! Тэрэнэй лүндэншэдтэ этигэгты! Тиигэбэл, амжалта туйлахат.
Амиием абаашье һаань, этигэһэн хэбээрээл байхаб. Ямаршье һаа, би Тэрэнэй үмэнэ ошоод, өөрыгөө хамгаалхаб.
Урдань Тэрэ минии хажууда байжа, харанхы дэлхэйдэ ябаха гэрэлтэ зам заажа байгша һэн.
Хорото һанаата хүн хаража, атаархаха, ש Шиин шүдөө хабирха, хайлан һалаха. ת Таав Хорото зоной хүсэл бэелүүлэгдэхэгүй.
[Үгсэлгын дуун.] «Залууһаамни хойшо олон зон намайе хашаа-харшалаа бэлэй, – гэжэ Израиль хэлэхэ, –
Гэм зэмэ хээгүй, муу юумэ бодоогүй, бурханай дүрсэнүүдтэ мүргөөгүй, худал тангариг үргөөгүйл хүн!
Хүлнүүдни тэгшэ газарта зогсоно. Зоной дунда Эзэниие үреэн магтанам!
Эзэнэй дуу хоолой гал сахин гаргадаг.
Юуб гэбэл, Та – минии туһаламжа, дали жэгүүр доротнай баясан дууланаб.
Эдэ бүгэдын удха гэбэл: Бурханһаа түбэгшөөдэг бай, Тэрэнэй захяа заабари сахидаг бай, хүндэ хабаатай бүхы юумэн тэрээн соо байха.
Израилиин үлдөөсэ зоной, Яковай удамай үлөөшэдэй өөһэдыень хюдааша үндэһэ яһатанда бэшэ түшэхөө болихо сагынь дүтэлжэ байна. Тэдэ зүб лэ Эзэндэ, Израилиин арюун Бурханда, түшэглэн этигэжэ эхилхэ.
Оо, Бурхан – минии абарал! Тэрээндэ найданаб, юунһээшье айнагүйб. Юуб гэбэл, Эзэн – минии хүсэн, минии шадал! Тэрэ – минии абарал!»
Һүниндөө минии сэдьхэл Тан руу тэгүүлдэг, үглөөнһөөшье эхилээд, Таниие бэдэрнэм. Газарта Танай шүүхэ сагай ерэхэдэ, дэлхэйн зон зүб ябадалда һурана.
Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.
Һүр һүлдэгүй болоһон зониие дүнгэжэ, үгөөрөө туһалхыем Эзэн Бурхан намда юун гээд хэлэхыем заажа үгөө. Үглөө бүри Тэрэ намайе һэреэн, шэхыем һэргээн, юу айладхахаа байһыень шагнаха гэжэ тэсэн ядан хүлеэдэг намайе болгоно.
Зобоһонойнгоо удаа Тэрэ баясаха, дэмы зобоогүйб гэжэ Тэрэ мэдэхэ. Минии Зүб Шударга Зараса Тэрэ олоной хэһээлтэ Өөр дээрээ даажа абаха.
Зон иигэжэ хэлэнэ: «Тиимэһээл үнэн шударга бидэнһээ холо байна, үнэн зүб бидэндэ хүрөөгүй. Бидэ гэрэл хүлеэгөөбди, теэд гансал харанхы хаа-хаанагүй байна. Толон хүлеэгөөбди, теэд бүрэн соо түгэншэлнэбди.
Эзэн Өөрынгөө арад түмэнһөө хоргодоо-хороо, гэбэшье би Тэрээндэ этигэнэб, Тэрээндэл найданаб.
Харанхы мунхагта алхалжа ябаһан зон тон ехэ гэрэл туяа үзэбэ! Үхэлэй ороной һүүдэртэ һуугаашадта гэрэл туяа сасарба.
Тэрэ намайе туужа, шэб харанхы руу оруулаа.
Навуходоносор: – Шадраахай, Мэшаахай, Абээд-Нэгоогой Бурханда магтаал үргэгты! Тэрэ тэнгэриин Эльгээмэлээ эльгээжэ, Өөртэнь этигэдэг богоолнуудаа абараа! Эдэ зон минии захиралта дуулангүй, ами наһаяа хайрлангүй, өөрын Бурханһаа ондоо бурхадта шүтэн мүргэхэеэ арсаал!
Эзэн болбол ашата һайн. Гай зоболоной сагта бата бүхэлэлтэ мэтээр Тэрэ зониие аршалдаг. Өөртэнь этигэн найдадаг зондоо Тэрэ һанаагаа табин харгалзадаг.
Харин юрын, даруу зантай зониие үлөөхэб, тиихэдэм тэдэ Намда зальбаран байха.
Шалтиээлэй хүбүүн Зэрубабээл, Ёцадаагай хүбүүн Иисүүс болон бусад арад түмэн Хаггай лүндэншые Эзэн Бурханаар эльгээгдэһэн мүн гэжэ мэдэржэ, Эзэн Бурханайнгаа Хаггай лүндэншөөр дамжуулһан үгэ дуулаба. Тиигээд тэдэ Эзэнһээ айжа, Тэрэниие хүндэлжэ эхилбэ.
Бурханһаа хэмшээрхэдэг хүнүүдэй бэе бэетэйгээ хөөрэлдэхэдэ, Эзэн анхаралаа табин шагнадаг. Эзэндэ һүгэдэдэг болон Тэрэнэй нэрэ үнэлдэг хүнүүдэй түлөө дурдалгын ном Тэрэнэй урда бэшэгдээ бэлэй.
Би Гэрэл туяа гээшэб, тиин Намда этигэдэг хүн бүхэнэй шэг харанхы соо үлэшэхэгүйн тула Би энэ дэлхэйнхидтэ ерээб.
Иисүүс дахин тэдэнтэй хөөрэлдэбэ: – Би дэлхэйе гэрэлтүүлэгшэ Гэрэл туяа гээшэб. Минии хойноһоо дахаһан хүн харанхы соогуур төөрижэ ябахагүй, харин амидарал олгодог гэрэл туяатай болохо.
Урдань таанад өөһэдөө харанхы мунхагта байгаат, харин Эзэнэй хүнүүд болоходоо, гэрэл туяада байдаг болоот. Тиимэһээ таанад гэрэл туяагай хүнүүдтэ адляар амидарха ёһотойт.
Эрхим түгэс болоходоо, Тэрэ үгыень дууладаг бүхы хүнүүдэй мүнхын абаралгын эхиниинь болоо.
Бүхы бэрхэшээлнүүдээ Бурханда даалгагты, Тэрэ хойноһоотнай хаража байха.
Арад зоной бултадаа өөһэдынгөө хүбүүд, басагад тухай гашуудажа, Давид руу шулуу шэдэн алахаяа хэлсэжэ байһан ушарһаа Давид ехэ зобобо. Гэбэшье Давид өөрын Эзэн Бурханаар өөрыгөө зоригжуулба.