Исай 5:29 - Библи

²⁹ Дайсанай сэрэгшэд залуу арсалан мэтэ архиржа, олзоо шүүрэн абахадань, хэншье буляан абажа шадахагүй.

Исай 5:29 ပူးပေါင်းရင်းမြစ်များ

Эхин 49:9

Залуу арсалан мэтэ, Иуда, олзо дээрээ омогтой һуухаш, хүбүүмни. Залуу арсаланай агнажа, олзотой хэбтэшэдээ ерээд, амархадань, хэншье зүрхэлжэ һэреэдэггүй бэшэ гү? Шинии уг удам тиимэ ехэ һүр хүсэтэй болохо.

Исай 10:6

Би Ассириие бурхангүй үндэһэтэнэй урдаһаа, Минии уур хилэн хүдэлгэһэн арад түмэнэй урдаһаа ябуулхаб. Дээрмэдэхэ, тонохын тула, гудамжын шабар шабхай мэтээр зониие гэшхэхын тула эльгээхэб».

Исай 31:4

Эзэн намда иигэжэ айладхаа: Олон хонишодой хамта хашхаран хуугайлбашье, олзо дээрээ архирагша арсалан тэдэнһээ айдаггүй. Тэрээндэл адли Намайе, Түмэн Сэрэгтэ Эзэниие, Сион уула хамгаалхадам тогтоохо, һаад хэхэ хүсэн байхагүй!

Исай 35:9

Тэндэ нэгэшье арсалан ябахагүй, ямаршье мяхаша ан арьяатан гаража ерэхэгүй. Эзэнэй абарһан зон лэ тэрэ харгыгаар гэртээ бусан ябаха.

Исай 42:22

Харин мүнөө Тэрэнэй арад дээрмэдүүлэгдээ. Тэдэ бултадаа нүхэн руу хаюулжа, түрмэ шорондо хаагданхай. Тэдэ олзо болоо, хэншье тэдэниие абархагүй.

Исай 47:15

Эдир залуу наһанһаашни эхилэн зүбшэл үгэжэ байгааша зурхайшадшни өөр өөрын замаар ябаа, хэншье шамайе абараагүй!

Ерэмияа 2:15

Дайсадынь залуу арсалангууд мэтэ тэрээн руу хэрхиржэ, газар дайдыень зэлүү хооһон болгоо. Хотонуудынь һандаргагданхай, нэгэшье хүн тэндэнь ажаһуунагүй.

Ерэмияа 4:7

Нюуса газарһаа гаража байһан арсаландал, үндэһэн арадуудые усадхагша хүдэлэн гаража эхилээ. Иудын хан түрые үгы хэхэеэ тэрэ өөрын газарһаа гараба. Хотонуудтнай һандаргаагдаха, тэндэ хэншье ажаһуухагүй.

Ерэмияа 49:19

Иорданай шугы шэдхэһээ тунга ногоон бэлшээри руу ошожо байһан арсаландал Би гаража, Эдоомой улад зониие гэнтэ орон нютагһаань тэрьедүүлхэб. Минии шэлэһэн хүн арад түмэниие хүтэлбэрилхэ. Хэн Намтай зэргэсэжэ шадахаб? Хэн Минии урдаһаа тулажа шадахаб? Ямар удамарша урдаһаамни һөөргэдэхэб?

Ерэмияа 50:17

Эзэн иигэжэ айладхана: – Израилиин улад зон арсалангуудта намнуулжа тараагдаһан һүрэг мэтэ. Урид тэдээндэ Ассириин хаан добтолон орожо мүлжэдэг һэн, удаань Вавилооной хаан Навуходоносор яһа уһыень хухалаа.

Ерэмияа 51:38

Вавилооной арад зон арсалан мэтэ архирха, арсаланай гүлгэд мэтэ хэрхирхэ.

Һошээ 11:10

Минии арад түмэн хойноһоом дахан ябаха. Арсаландал Би архиран, дайсадынь һүрдөөхэб. Минии арад зон баруун зүгһөө шэшэрэлдэн бусаха.

Амоос 3:8

Арсаланай архирхада хэн айхагүйб?! Эзэн Бурханай айладхахада хэн лүндэн табингүй байхаб?!

Михей 5:8

Арадуудай, үндэһэ яһатанай дунда байгааша Яковай үри һадаһад ой тайгын, талын ан амитадай дунда байгааша арсалан мэтэ, дэбһэжэ, уража байха, хэншье тэрээнһээ абаржа шадахагүй.

Наум 2:11

Энэ хототой юун тохёолдооб? Арсалангуудай нүхэнтэй жэшэбэл, залуу арсалангууд тэрэ газараар сүлөө сэнгэжэ ябадаг, эрэ, эмэ арсалангууд гүлгэнтэеэ хамта аюулгүй амидардаг мэтэ бэлэйл.

Цэпаанияа 3:3

Түшэмэлнүүдынь архирагша арсалангуудтал, шүүгшэдынь шонодол адли: үдэшэлэн тэдэ добтолбол, үглөө болотор нэгэшье яһа үлөөдэггүй хомхойнууд юм.

Захарияа 11:3

Тунга ногоон бэлшээри халсаржа, малшадай уйлаха дуулдана. Иорданай һүр жабхалан һүйдхэгдэжэ, залуу арсалангуудай хэрхирхэнь соностоно.

Тоололго 24:9

Израиль сахариглан хэбтэһэн арсалан мэтэ номгон! Тэрэ залуу арсалан мэтэл! Тэрэниие хэнэйшье һэрюулээгүй һаа, дээрэ! Тэрэниие үреэгшэ нэгэн үреэлдэ хүртэхэ, тэрэниие хараагша нэгэн хараалда хүртэхэл!