Исай 5:17 - Библи

¹⁷ Зон хони малаа хаяад, баряанда туугдан ошохо, тиихэдэнь хонидынь эзэгүй өөһэдөө тараха, баяшуулай орхиһон гэрнүүдэй дундуур эшэгэд бэлшэхэ.

Исай 5:17 ပူးပေါင်းရင်းမြစ်များ

Нэхэмьяа 9:37

Манай нүгэлнүүдэй түлөө энэ газарай баян ургаса маанадые зонхилхоор табигдаһан хаашуулда хүртэнэл. Тэдэнэр маанадые, үхэр малыемнай өөһэдынгөө дураар хэрэглэнэл. Бидэ аргагүй ехэ хохидолдо байнабди.

Псалманууд 17:10

Тэрэ огторгойе хэлтылгээд доошоо бууба, Хүл доронь – шэб харанхы.

Псалманууд 17:14

Эзэн огторгойдо хүнхинэжэ, Дээдэ Бурхан дуугаа үгэбэ. Мүндэр болон галта нүүрһэн.

Псалманууд 73:7

Тэдэ нагин газарыетнай дууһан шатаагаа, нэрынтнай оршодог газарые бузарлаа.

Исай 1:7

Орон нютагтнай хооһороо, хотонуудтнай дууһан шатаагдаа, хараһаар байтартнай хариин зон танай газар эзэмдэн, бүхы юумыетнай залгина, һандаргана.

Исай 10:16

Тиимэһээ шанга баатарнуудыень хэһээхын тула Түмэн Сэрэгтэ Эзэн үбшэ хабша эльгэхэеэ байна. Тэдэнэй бэе махабадта гал дүлэн аһажа байһандал болохо, тэдэ шатаха-зобохо.

Исай 17:2

Араамай хотонууд орхисооной болоод, тэндэ мал һүрэг бэлшэхэ, хэншье тэдэниие үргөөхэгүй.

Исай 32:14

Ордоншье хаягдан, шууяатай хотошье хооһорон мартагдаха, хэрэм самхагуудынь һандаргагдаха, малай бэлшээри, хулангуудай хорёо болохо.

Исай 40:11

Тэрэ хонишон мэтэ һүрэгөө харюулжа, хурьгадаа суглуулжа, гар дээрээ үргэн, сээжэдээ тэбэреэд, хурьгалһан хонидые дүмүүхэнээр адуулха.

Исай 65:10

Минии арад түмэн Намда зальбаран, Шароон газар руу хонидоо, Ахоорой нюруу газар руу үхэрөө туужа адуулдаг байхал.

Исай 7:25

Урдань ургаса ургадаг байһан толгойнууд хадхуур халаахайгаар дүүрэжэ, хэншье тиишээ ябахагүй. Гансал үхэрэй, хонидой бэлшээри тэрэ болохо.

Ерэмияа 5:28

Тэдэ таргалаа, тоһо өөхөөр ялаганаа. Элдэб муу хэрэгүүдые үйлэдэнэ, буруу шүүбэрилнэ, үншэн хэнзын хэрэгһээ баяжана, ядуу зоной эрхэшье хамгаалнагүй.

Гашуудал 5:2

Маанадай уг залгамжалха зөөри хариин зондо, гэрнүүднай гадаадын уласта үгтэбэ.

Һошээ 4:16

Израилиин улад үсэд үнеэндэл адли болоо. Уужам бэлшээри дээрэ номхон хурьгадые харюулһандал адляар Би тэдэниие харууһалжа, адуулжа байха аалби?!

Һошээ 8:7

Орооһоной орондо хооһон һалхи тариһандаа таанад хуй һалхи хуряажа абахат! Таряан ургахагүй, ямаршье үрэжэлгүй, хооһон таряан байха. Теэд нэгэ тэды таряанай ургабал, хариин зон тэрэниие хуряан абахал!

Михей 2:12

Би, Эзэн, Яковай уг удамые бултыень, амиды мэндэ үлөөшэ Израилиин улад зониие хамталан суглуулхаб гэжэ үгэеэ үгэнэб. Хонишон хонидоо хашаа руу оруулжа, суг болгодог. Тэрээндэл адли, Би арадаа хамтаруулхаб. Тиихэдэм тэдэ угаа олон болон шууяхал.

Цэпаанияа 2:14

Тэндэ мал һүрэг, элдэб ан амитад бэлшэхэ, шара шубуун һандархай шулуунууд соо байрлажа, сонхоорнь һүхирэн байха. Үүдэнэй бахананууд дээр мүн лэ һандарал үзэгдэхэ, юуб гэхэдэ, үнэтэ хуша модон бүреэһэниинь үгы болохо.

Цэпаанияа 2:6

Иигэжэ далайн эрьеын газар дайда хонидой бэлшээри, малай байра болохо.

Лука 21:24

Зарим зон һэлмээр таһа сабшуулха, нүгөө зариманиинь хариин гүрэнүүдтэ богоол болон абаашагдаха. Бусад арадуудай захирха үе сагай дүүрэтэр хариин зон Иерусалимые гэшхэжэ дэбһэжэ байха.

Хуули дабталга 28:33

Хариин улад зон газарайшни хэшэг, ажалайшни бүхы үрэ дүн эдижэ хэрэглэжэ байха. Харин ши наһаараа хашагдажа, үйлөө үзэжэ байхаш.

Хуули дабталга 32:15

Ешүрүүн маряажажа, дээрэлхүү зантай болобо, таргалаа, бүдүүрээ, үсэд болоо, Бүтээгшэ Бурханаа, өөрын абаралта Хабсагайгаа тообогүй.