Исай 49:19 - Библи

¹⁹ Һандараа, хооһороо газаршни, орон нютагшни дээрмэдүүлэгдээ! Харин мүнөө олон зонһоо боложо уйтан болохо, шамайе мүлжэжэ байгаашад холодон ошохо.

Исай 49:19 ပူးပေါင်းရင်းမြစ်များ

Псалманууд 124:3

Хорото зоной таяг зүб шударга хүнүүдэй газар руу үргэгдэхэгүй, энэнь зүб шударга зоной гэмтэ буруу хэрэгүүд руу гараа хүргэхэгүйн тула юм.

Һургаал 1:12

Үхэлэй орон мэтэ амидыгаар ба доогуур нүхэн мэтэ бүхэлеэрнь залгин һалгая,

Исай 1:7

Орон нютагтнай хооһороо, хотонуудтнай дууһан шатаагдаа, хараһаар байтартнай хариин зон танай газар эзэмдэн, бүхы юумыетнай залгина, һандаргана.

Исай 3:8

Иерусалим бүдэрэн унахаяа байна, Иудын хан түрэ доройтон һандарна, юуб гэхэдэ, тэдэ Эзэнэй урдаһаа һөөргэдэн дуугарна, хэрэг ябуулна, Алдарта Бурханай хараа нюдэндэ энэ доромжолол мүн.

Исай 49:17

Шамайе һэргээн бодхоохо арад зоншни шам руу шамдаха, харин шамайе һандаргагшад, хооһологшод шамһаа холодон ошохо.

Исай 49:8

Эзэн Өөрын арад түмэндэ иигэжэ айладхана: Таарамжатай сагай ерэхэдэ, Би шамда харюу үгэхэб, абарха үдэрэй ерэхэдэ, Би шамда туһалхаб. Таанадые хамгаалхаб, таанадаар дамжан, бүхы арадуудтай хэлсээ баталхаб. Хооһорһон газар дайдаяа һэргээхые Би таанадта зүбшөөхэб.

Исай 5:6

Тэрэниие эзэгүйрүүлэн хаяхаб, мүшэр заһагдан отологдохогүй, газарынь һэндэгдэхэгүй. Тиихэдэм тэрэ хадхууртай үрмэдүүлдэ баригдаха. Тэрээн дээрэ бороо бү оруула гэжэ Би үүлэдтэ захирхаб.

Исай 51:3

Би Сиониие, һандарһан гэрнүүд соонь байгша бүхы зониие хайрлажа, элһэн сүл губииень Эдээмэй сэсэрлиг мэтэ, Эзэнэй сэсэрлиг мэтэ болгохоб. Тэндэ баяр баясхалан, зугаа наадан, Намайе магтан дуулаһан дуунууд зэдэлхэл.

Исай 54:3

Таанад хилэнүүдээ алишье талаһаань үргэдхэхэт. Ондоо үндэһэ яһатанай газар дайдые уг удамтнай эзэлхэ, хаягдаһан хотонуудта һуурижаха.

Ерэмияа 30:16

Теэд мүнөө таанадые залгигша бүхэн өөрөө залгюулха, дайсадтнай өөһэдөө баряанда орохо, таниие тоногшод өөһэдөө тонуулха, танһаа олзо буляан абагшад өөһэдөө олзолуулагдаха!

Ерэмияа 51:33

Халта болоод дайсан тэдэниие хороохо, Вавилооной басаган тээрмэдэ үйрүүлэгдэжэ байһан орооһондол, гэшхэн буталха. Энэ болбол Би, Түмэн Сэрэгтэ Эзэн, Израилиин Бурхан, айладхана мүн!

Ерэмияа 51:44

Вавилооной бурхан Бээлые Би хэһээхэб, залгин абаһан зөөрииень һөөргэнь гаргахые баадхахаб. Үндэһэ яһатад тэрээндэ бэшэ мүргэхэеэ болихо. Вавилооной хэрэм хананууд унашоол!

Эзэкээл 36:3

Тэдэ бүхы талаһаа таанадые һандаргажа, үгы хэжэ байна. Хариин эзэрхэг зон таанадые наада барина.

Захарияа 10:10

Би тэдэниие Египедһээ болон Ассириин газарһаа бусаан асаржа, Галаадай газарта, хүршэ Ливаан орондо түбхинүүлхэб. Тэндэшье газарынь багадажа болохо».

Захарияа 2:11

Тэрэ үдэр Эзэн руу олон арадууд ерэхэ, тэдэ Эзэнэй арад болохо; дундатнай Эзэн ерэжэ ажаһууха, тиихэдэм Түмэн Сэрэгтэ Эзэн намайе эльгээгээ гэжэ мэдэхэт.

Захарияа 2:4

Тэрэ иигэжэ хэлэбэ: – Түргэн ошожо тэрэ залууда хэлэл даа: Иерусалимда зон малынь олошорһон ушарһаа оршон тойронхи газараар таран һууха, хана хэрэмгүй һуурин мэтэ болохо.

Захарияа 2:8

«Таанадые дээрмэдэһэн арадуудта Тэрэ намайе алдар солын тулада эльгээгээ, танай ойро хүрэбэл, Тэрэнэй нюдэнэй сэсэгыдэ хүрэһэнтэй адли» гээ.