Исай 49:13 - Библи

¹³ Огторгой, баярлан дуула! Газар, баясан хашхара! Ууланууд, бахархан дуулагты! Юуб гэхэдэ, Эзэн Өөрын арад түмэниие номгоруулжа, зобоһон арад түмэнөө хайрлаа.

Исай 49:13 ပူးပေါင်းရင်းမြစ်များ

1 Угай бэшэг 16:31

Огторгой баясаг, газар дэлхэй хүхиг!

Псалманууд 148:9

бүхы хада ууланууд, толгойнууд, алим жэмэстэ модод ба хушанууд,

Псалманууд 65:13

Нангин үргөө руутнай түгэс шатаалта үргэлтэй ерэхэб, урдатнай тангаригаа бэелүүлхэб.

Псалманууд 89:13

Эзэн, һөөргөө бусыт! Хэды болотор юм? Өөрын зарасанарые хайрлыт.

Исай 12:1

Тэрэ үдэр ши иигэжэ хэлэхэш: «Эзэн, Таниие магтанаб! Хэды намда уурлаашье һаа, уураа татажа, минии һанаа амаруулаат.

Исай 14:1

Эзэн Яковые хайрлаха, Израилиие дахин шэлэхэ – израильшуудые орон нютагтань бусааха! Хариин зоншье тэдэнтэй ниилэжэ, Яковай үринэртэй хамта ажаһуудаг болохо.

Исай 44:23

Эзэнэй хэрэгүүдые бүтээһэндэ огторгой, баярлан хашхарыш! Газарай гүн газарнууд, хашхаралдагты! Уула хаданууд, ой модон, ойн бүхы модод, баясан хашхарагты! Эзэн Яковые абараа, Израилиие абаран алдаршаа!

Исай 48:20

Вавилоонһоо гарагты, Халдейһээ зугадагты! Баяртайгаар хашхаран, тунхаглагты, дэлхэйн хизаар хүрэтэр иимэ мэдээ тараагты: «Эзэн Өөрынгөө богоол Яковта эрхэ сүлөө үршөөгөө!»

Исай 49:14

Гэбэшье Иерусалимай ажаһуугшад иигэжэ хэлэнэ: «Эзэн маанадые хаяа! Тэрэ маанад тушаа мартаа!»

Исай 51:12

Эзэн иигэжэ айладхана: Таанадай түшэг тулгуубари Би, гансал Би мүн! Юундэ таанад үхэхэ табисууртай, хагдардаг үбһэндэл адли хүнһөө айха болообта?

Исай 51:3

Би Сиониие, һандарһан гэрнүүд соонь байгша бүхы зониие хайрлажа, элһэн сүл губииень Эдээмэй сэсэрлиг мэтэ, Эзэнэй сэсэрлиг мэтэ болгохоб. Тэндэ баяр баясхалан, зугаа наадан, Намайе магтан дуулаһан дуунууд зэдэлхэл.

Исай 52:9

Иерусалимай һандарһан шулуунууд, хамта дуулажа, баясан хашхаралдагты! Эзэн Өөрынгөө хото абаржа, улад зонойнгоо сэдьхэл амаруулаа.

Исай 54:7

«Би шамайе агшам зуура орхибошье, агууехэ хайра үзүүлэн, һөөргэнь абахаб.

Исай 54:8

Уурлаһан сагтаа агшам зуур Би шамайе орхёо һэм, гэбэшье хэтэ мүнхын энэрэл хайраяа шамда үзүүлхэб». Шамайе Абарагша Эзэн иигэжэ айладана.

Исай 55:12

Таанад баяртайгаар гаран ошохот, амар амгалан үдэшүүлхэт. Уула гүбээнүүд баярлан дуулалдаха, талын бүхы модод альгаа ташаха.

Ерэмияа 31:13

Тиигээд залуу басагад, залуу хүбүүд ба хүгшэн зон хамта бүжэглэн баясаха. Тэдэнэй сэдьхэл заһажа, гашуудалыень баяраар һэлгэхэб, зоболонгыень мүн лэ баяраар һэлгэхэб.

Ерэмияа 51:48

Вавилоониие усадхахаяа хойто зүгһөө арад түмэнэй ерэжэ байхада, газар дэлхэй, огторгойшье баяртайгаар хашхаран байхал.

Эзэкээл 35:14

Таанадые һалгаажа байхадам, дэлхэйн бүхы зон баярлаха.

Лука 15:10

Эгээл энээн шэнги нэгэшье хүнэй Бурханда хандабал, Бурханай Эльгээмэлнүүд баярлаха юм.

Коринфынхидтэ 2-дохи 7:6

Харин сэдьхэлээрээ унаһан зониие урмашуулдаг Бурхан маанадта Титые эльгээжэ урмашуулаа.