Исай 47:6 - Библи

⁶ Би Өөрын арад түмэндэ уурлан, доромжолжо, шинии мэдэлдэ дамжуулаа бэлэйб. Ши тэдээндэ энэрэл хайра үзүүлэнгүй, наһатайшье зониие дарлан-зобоон байгааш.

Исай 47:6 ပူးပေါင်းရင်းမြစ်များ

2 Хаан түрэнүүд 24:14

Давид Гаадта харюусаба: – Ехэ гай тодхорто би орооб. Би зонһоо хэһээлтэ амасахаяа һананагүйб. Эзэнэй үршөөл хайра агууехэ, тиимэһээ Тэрэ Өөрөө маанадта хэһээлтэ шэлэг лэ даа.

2 Угай бэшэг 10:11

Зай, минии эсэгэ таанарта хүндэ ажал хүүлээ юм гээшэ һаань, би тэрэ ажалые бүри хүндэ бологохоб! Минии эсэгын таанадые ташуураар сохёо хадань би таанадые адаалхай түмэр түдэгөөр хэһээхэб!»

2 Угай бэшэг 28:9

Тэрэ Самарида Одээд гэжэ Эзэнэй лүндэншэ байдаг һэн. Тэрэ Самари руу бусажа байгааша Израилиин сэрэгэй урда гаража, иигэжэ хэлэбэ: – Үбгэ эсэгэнэрэйтнай Эзэн Бурхан Иудын улад зондо уурлажа, таанадта тэдэниие диилүүлбэ. Теэд таанадай угаа хэрзэгы муухайгаар тэдэниие хюдаһан тушаа Тэрэ дуулаа.

2 Угай бэшэг 36:17

Иигэжэ Эзэн тэдээндэ добтолхыень Вавилооной хааниие эльгээбэ. Вавилооной хаан Эзэнэй Һүмэ соо залуу хүбүүдые һэлмээр сабшан усадхаба. Тэрэ хэнииешье – эрэ, эмыешье, залуу, хүгшэншье зониие хайрлабагүй. Бурхан тэрэнэй мэдэлдэ бүхы зониие үгэһэн байба.

2 Угай бэшэг 36:20

Амиды үлөөшэ зониие тэрэ Вавилоон руу нүүлгэн абаашаба. Персиин улас түрын бии болотор тэдэ өөрынь болон үхи хүүгэдэйнь богоолнууд байгаа бэлэй.

Эзраа 5:12

Эсэгэнэрэймнай Огторгойн Бурханиие уурлуулхада, Тэрэ Вавилооной хаан, халдей угтай Навуходоносорой шэрүүн гарта тэдэниие оруулжа, энэ Һүмэ һандаргагдаһан, зониинь Вавилоон нүүлгэгдэһэн байгаа юм.

Исай 10:6

Би Ассириие бурхангүй үндэһэтэнэй урдаһаа, Минии уур хилэн хүдэлгэһэн арад түмэнэй урдаһаа ябуулхаб. Дээрмэдэхэ, тонохын тула, гудамжын шабар шабхай мэтээр зониие гэшхэхын тула эльгээхэб».

Исай 13:16

Хараһаар байтарынь нарай үхи хүүгэдынь үхэтэрөө сохюулха, гэр байрануудынь тоногдохо, һамгадынь хүсөөр эдлүүлэгдэхэ.

Исай 14:17

Дэлхэйе элһэн сүл губи болгоһон, хотонуудые һандаргааһан, баряанда абтаһан зониие оройдоошье табидаггүй хүн энэ гээшэ гү?»

Исай 14:6

Тэдэ угаа хайра гамгүйгөөр арадуудые дарладаг байгаа. Диилэһэн үндэһэтэдөө эсэхэ сусахые мэдэнгүй мүрдэн гүрдэн байгаа лэ.

Исай 43:28

Тиимэ ушарһаа Би санаарта ударидагшадые нангин үүргэһээнь болюулааб, Яковые хосоролдо үгөөб, Израилиие доромжолгодо оруулбаб.

Ерэмияа 50:42

Тэдэ һурша ном, жада гартаа адханхай, хэрзэгы хархис зантай, хайра гамгүй. Тэдэнэй хашхараан тэнгис далай мэтэ хүнхинэнэ. Вавилооной басаган, шинии урдаһаа дайлахаяа тэдэ нэгэ хүн мэтэ жагсан, морёор гүйлгэлдэн ерэжэ байна!

Гашуудал 1:14

Нүгэлөөрни Тэрэ хөөмэгшэ хэжэ, гартаа уян баряа, тэрэ хөөмэгшэ хүзүүем дарана, тэрээн доро хүсэгүй бүдэрэн байнаб. Мултархын аргагүй гарта намайе Эзэн дамжуулаа!

Гашуудал 1:21

Дайсад минии ёолохые дуулаа, хэншье намайе һатааруулхагүй. Минии зоболон тушаа тэдэ соносожо, Танай энээниие үйлэдэһэндэ баясаа. Тэдэниие намтай адли болгохо үдэр тухай Та тунхаглаһан ёһоороо асараарайт!

Гашуудал 2:2

Эзэн Яковай гэр байрануудые хайра гамгүй хюдаа, уур хилэн дундаа Иудын бүхэлэлтэнүүдые усадхаа, хааниие болон түшэмэлнүүдые бузарлаа, газар руу шэдээ.

Гашуудал 4:16

Эзэн Өөрөө тэдэниие тараан тэнүүлээ, бэшэ ойшоожо харахагүй. Санаартад мүнөө хүндэлэгдэнэгүй, аха захатан хайрлагданагүй.

Гашуудал 5:12

Дайсад удамаршадымнай үлгэн алаа, аха захатанииемнай хүндэлнэгүй.

Эзэкээл 24:21

Таанарай хүсэ шадалай бахархал, нюдэнэйтнай хужар, сэдьхэлэйтнай сэсэг болохо нангин үргөөе Тэрэ үгы хэхэеэ байна. Иерусалимда үлөөшэ үхи хүүгэдтнай һэлмээр усадхагдаха.

Эзэкээл 28:16

Аралжаа наймаа хүгжөөһөөр ши хүсэрхэдэг, нүгэл үйлэдэдэг болоош. Тиимэһээ Би Минии нангин хадаһаа буухыеш баадхааб. Шинии аршалагша байһан херүүб туяа гэрэлээр сасарһан үнэтэ шулуунуудһаа шамайе үлдөө һэн.

Авдии 1:10

Ши Яков дүүгээ харшалһанай түлөө муу сууда гарахаш, хэтэ мүнхэдөө хосорхош.

Авдии 1:16

Минии арюун хадада шуһа адхаһантайш адли бусад арадууд шинии шуһа адхахал. Тэдэ уужа залгяад, урдань оршожо байгаагүй мэтэ үгы болохол.

Захарияа 1:12

Удаань Эзэнэй Эльгээмэл хэлэбэ: «Түмэн Сэрэгтэ Эзэн! Хэзээ болотор Иерусалимда, Иудын хотонуудта үршөөл хайраяа хүртөөнгүй байха юмта, аяар далан жэл соо тэдээндэ уурланалта».

Захарияа 1:15

Амар тайбан һууһан арадуудта Би маша ехээр уурлажа байнаб. Сухалаа номгоруулхадам, тэдэнэй хоро шараниинь бусална.

Матвей 7:2

Ушарынь хэлэбэл, бусадые яажа зэмэлнэбта, тиигэжэл Бурхан таанадые зэмэлхэ, ямар хэмжээгээр хэмжэнэбта, тиимэл хэмжээгээр танда хэмжэжэ үгэхэ.

Хуули дабталга 28:50

Дошхон хэрзэгы зантай һэн тула тэрэ арад наһажаал зонииешье, үхи хүүгэдыешье хайрлахагүй.

Яковай хандалга 2:13

Ушарынь хэлэбэл, үршөөл хайра үзүүлдэггүй хүниие Бурхан үршөөл хайрагүйгөөр шүүбэрилхэ; тиихэдэ үршөөл хайра зарга шүүбэриһээ дээгүүр үргэгдэхэ.