Исай 46:7 - Библи

⁷ Тэдэ үнөөхиеэ мүр дээрээ үргэн зөөжэ, байха байрадань заладаг. Тэрэ хэһэн зүйлынь байраһаа хүдэлхэгүй зогсодог. Хэн нэгэнэй тэрээндэ зальбаран мүргөө гээшэ һаань, тэрэ харюусажа шадахагүй, гай тодхорһоо абаржа шадахагүй.

Исай 46:7 ပူးပေါင်းရင်းမြစ်များ

3 Хаан түрэнүүд 18:26

Тэдэ асарагдаһан үхэрнүүдэй нэгыень абаад, бэлэдхэжэ, үглөөнһөө эхилээд үдэ болотор: – Баал, маанадта харюусыт! – гэжэ зальбарба. Теэд ямаршье абяан гарабагүй, хэншье харюу үгэбэгүй. Хэһэн үргэлэйнгөө шэрээ тойроод тэдэ собхоролдобо.

3 Хаан түрэнүүд 18:29

Үдын үнгэртэр тэдэ иигэжэ байгаа. Теэд ямаршье абяа шэмээ гарабагүй, хэншье тэдээндэ харюусабагүй.

3 Хаан түрэнүүд 18:40

Элияа тэдээндэ захирба: – Баалай лүндэншэдые баригты! Хэншье тэрьедэхэ ёһогүй! Тэдэниие барихадань, Элияа Кишоон горхоной хажууда абаашаад, тэдэниие алаба.

Исай 37:38

Нэгэтэ тэрэнэй өөрынгөө Нисроох бурханай һүмэ соо мүргэл хэжэ байхада, тэрэнэй Адраммээлэх, Шарээцэр гэжэ хоёр хүбүүд эсэгээ һэлмээр сабшан алаад, өөһэдөө Арараат нютаг руу зугадаба. Сэннахэриибэй орондо Эсархаддоон гэжэ хүбүүниинь хаан шэрээ эзэлээ һэн.

Исай 40:20

Иимэ үргэл хэхэ аргагүй хүн үмхирхэгүй модо шэлэжэ абаад, унахагүйгөөр шүтөө дархалжа шадаха уран дарханиие олодог.

Исай 41:28

Тэдэ бурхадые харахадам, үнэхөөрөө зүбшэл үгэхөөр хэншье тэдэнэй дунда байгаагүй. Намда харюу үгэжэ шадаха хэншье тэндэ үгы бэлэй.

Исай 41:29

Тиимэһээ тэдэ бултадаа мэхэлхэ зүйл, юушье хэжэ шадахагүй, һула, хүсэгүй шүтөөнүүд гээшэл!

Исай 41:7

Модошо дархан хайлуулагшын һүр һүлдэ үргэжэ, «һайнаар хээш!» гэнэ. Түмэршэ дархан дүшэ дээрэ хүдэлөөшые зоригжуулна, гагнуур тушаа «һайнаар хэгдээ» гэжэ, хүрэгэй ганхахагүйн тула хадааһаар бүхэлнэ.

Исай 44:12

Түмэршэ дархан багажа зэбсэгээ абаад, нүүрһэн дээрэ гал үлеэн хүдэлдэг. Тэрэ шүтөөниие алхаар дабтажа, гарайнгаа хүсэ хэрэглэн хүдэлдэг. Ажал хэхэдээ, тэрэ гэдэһээ үлдэжэ ядардаг, ангадаг, эсэдэг.

Исай 45:20

Эзэн иигэжэ айладана: «Үндэһэ яһатад, хамтадаа ерэгты! Амиды үлөөшэ зон, зарга шүүлгэндэ дүтэлэн ерэгты, абаржа шадахагүй бурхадта зальбарагшад, модон шүтөөнүүдые абажа ябаашад юушье мэдэхэгүй зон!

Исай 46:1

Вавилооной Бээл болон Нэбоо гэдэг бурхадай эсэс ерээ! Тэдэ элжэгэнүүд дээрэ ашагдажа, ашаанай эсэһэн амитадта дарамта болоо.

Исай 47:15

Эдир залуу наһанһаашни эхилэн зүбшэл үгэжэ байгааша зурхайшадшни өөр өөрын замаар ябаа, хэншье шамайе абараагүй!

Ерэмияа 10:5

Тэдэ шүтөөнүүд огородой мануухай мэтэ, дуугаржа шадахагүй. Ябажа шадахагүй байхадань тэдэниие үргэжэ зөөдэг гээшэ. Тэдээнһээ бү айгты! Тэдэ хоро хэжэ шадахагүй, мүн тиихэдэ һайнииешье хэжэ шадахагүйл.

Ерэмияа 11:12

Тиихэдэ Иудын хан түрын болон Иерусалимай улад зон санзай урдань ууюулдаг бурхадтаа ошожо, туһа эрин дуудаха, теэд тэдэнь гай гасалангайнь үедэ оройдоошье туһалха-абархагүй.

Ерэмияа 2:28

Өөһэдтөө хэһэн бурхадтнай хаана юм? Гай гасаланай таанадта тохёолдоходо, тэдэ абаржа шадаха юм һаа, ерэжэ абараг лэ. Иуда, хэды олон хотонуудтайбта, тэды олон бурхадтай таанад байнат.

Даниил 3:1

Навуходоносор хаан жаран тохой ута, зургаан тохой арай болохогүй үргэн алтан хүрэг бүтээжэ, Вавилооной Дураа гэдэг нюруу газарта табиха тухай захирал гаргаба.

Иона 1:5

Онгосошод айхын ехээр айба, тиигээд тэдэнэр өөр өөһэдынгөө бурхадые дуудажа эхилбэд, онгосоёо хүнгэн болгохын тула абажа ябаһан ашаагаа далай руу хаяжа эхилбэ. Тэрэнэй тээ урдахана Иона онгосын трюм руу буужа, тэндэ хэбтээд, бүхөөр унташаба.

Коринфынхидтэ 1-дэхи 12:2

Һүзэглөөгүй байхадатнай таанадые оло дахин төөрюулдэг, дуугүй онгонуудта шүтэхэдэ түлхидэг байгаа гэжэ мэдэнэт.

1 Хаан түрэнүүд 5:3

Ашдоодойхидой үглөөдэрынь бодоод харахада, Дагоон Эзэнэй ханзын урда нюураараа газарта унанхай байба. Тэдэ Дагоониие абаад, байрадань дахин табиба.