Исай 46:13 - Библи

¹³ Би һайн юумэ һаяар хэхэб, тэрэ саг ойртоо. Абарал буулгаха сагни удааржа байхагүй. Би Сиониие абархаб, Израильда нэрэ хүндэ олгуулхаб».

Исай 46:13 ပူးပေါင်းရင်းမြစ်များ

Псалманууд 46:1

[Дуунай бүлэгэй хүтэлбэрилэгшэдэ: Коорахай уг удамай псалма.]

Псалманууд 46:5

Тэрэ маанадта дуратай Яковай һүр жабхалангаа – уг залгамжалан дамжуулха газар шэлээл. [Хүгжэм]

Псалманууд 85:10

Юуб гэбэл, Та агууехэт, гайхамшагта хэрэгүүдые бүтээдэгта. Та гансаараал Бурхан мүн.

Псалманууд 85:9

Танай бүтээһэн арадууд бултадаа ерэжэ, Танай урда һүгэдэхэ, Эзэн! Танай нэрэ алдаршуулха.

Исай 12:2

Оо, Бурхан – минии абарал! Тэрээндэ найданаб, юунһээшье айнагүйб. Юуб гэбэл, Эзэн – минии хүсэн, минии шадал! Тэрэ – минии абарал!»

Исай 28:16

Харин Эзэн Бурхан иигэжэ айладхана: «Бата найдамтай, мантан һууриин шулуу, эрдэни шулуу, хатуу шулуу Сион дээрэ мүнөө Би табинаб. Бата этигэлтэй нэгэн айхагүй.

Исай 43:7

Тэдэ Минии Өөрын зон, Өөрын алдар солын тула Би тэдэниие бүтээгээ бэлэйб».

Исай 44:23

Эзэнэй хэрэгүүдые бүтээһэндэ огторгой, баярлан хашхарыш! Газарай гүн газарнууд, хашхаралдагты! Уула хаданууд, ой модон, ойн бүхы модод, баясан хашхарагты! Эзэн Яковые абараа, Израилиие абаран алдаршаа!

Исай 45:8

Огторгойһоо бороодол мэтээр үнэн зүбые эльгэхэб, үүлэнһээ тэрэ адхарха. Газар нээгдэжэ, абарал бии болохо. Тиигэжэ үнэн зүб үйлэ хэрэгүүд тэндэ сэсэглэн дэлгэрхэ. Би, Эзэн, энээниие бүтээгээб!»

Исай 51:5

Минии заларха саг ойртоо, тиигээд Би тэдэниие абархаб. Би Өөрөө үндэһэ яһатадые сүүдлэхэб, алас холын орон нютагууд Минии залархые, тэдэниие абархые ехэ найдан хүлеэнэ.

Исай 54:17

Харин ямаршье зэр зэбсэг шамайе шархатаахагүй, шамайе зэмэлжэ хэлэһэн хүн бүхэндэ харюутайл байхаш. Би Өөрын зарасанарые аршалхаб, илалта туйлуулхаб!» Иигэжэ Эзэн айладана юм.

Исай 56:1

Эзэн иигэжэ айладхана: «Шударга ёһо сахин, үнэн зүбые үйлэдэгты. Һаяар таанадые абархаб.

Исай 60:21

Удаань бүхы арад зоншни гансал зүб шударга хэрэг үйлэдэн байха, газарые хэтэ мүнхэдөө эзэмдэхэ. Намайе алдаршуулхын тула Би тэдэниие таряа, бүтээгээ бэлэйб.

Исай 60:9

Олтирогууд Эзэндэ найдана, Таршиишэй онгосонууд түрүүлэн наашаа ерэжэ байна! Тэдэ болбол холын оронуудһаа танай арад зониие, алта, мүнгыень асаржа байна. Эзэн Бурханайтнай, Израилиин арюун Бурханай захиралта иигэжэ гүйсэдхэнэ, Тэрэ таанадые алдаршуулаа!

Исай 61:11

Үрэ хүрэнгэһөө ургаса гарадагтал, Эзэн Бурхан Өөрын арадые абархаб гэһэн үгэеэ дүүргэхэ, тиигээд бүхы үндэһэ яһатанда магтуулха.

Исай 61:3

Сион уула дээрэ гашуудан уйлалдагшадта үнэһэнэй орондо гоёолто, бархираанай орондо баяр баясхалан, гай гасаланта шэг шарайн орондо гоёлой хубсаһан үгтэхэ гэжэ минии хэлэхые Тэрэ эльгээгээ. Эзэн Бурханай алдар солынгоо тула Өөрөө һуулгаһан модод мэтэ тэдэ болохо, зүб шударга хэрэгүүдые үйлэдэхэ.

Исай 62:1

Иерусалимай абарагдатар, харанхыда носожо байгша зула мэтэ илалтынь мандатар би дуугаржал, хашхаржал байхаб.

Исай 62:11

Эзэн бүхы дэлхэйдэ иигэжэ соносхоно: «Сионой хотодо Минии тэдэниие абархаяа ерэжэ байһан тушаа дуулгаарайгты. Тэдээндэ шагнал хүртөөхэ тухайм хэлээрэйгты».

Ерэмияа 33:9

Иерусалим хадаа баярай, нэрэ хүндын һүлдэ боложо, Би тэрэнээр омогорхон байхаб. Иерусалимай түлөө Минии хэһэн һайн һайхан хэрэгүүд тушаа, энэ хотодо үршөөһэн Минии хэрэгүүд тухай дэлхэйн үндэһэ яһатан бүхэн дуулажа, айха, шэшэрхэ.

Ёһээл 2:32

Эзэнэй нэрэ дуудаһан хүн бүхэн абарагдаха. Ушарынь хадаа Сион хада дээрэ, Иерусалим хотодо абаралга бууха гэжэ Эзэн хэлэнэ. Абарагдагшадай дунда Эзэнэй дуудаһан бусадшье зон байха.

Ёһээл 3:17

«Тиихэдэ таанад Намайе Өөрын нангин уулада оршодог таанадай Бурхан, Эзэн мүн гэжэ мэдэхэ болохот. Иерусалим арюун боложо, хойто үедэ хари хүнүүд тэрэниие дайран үнгэрхэеэ болихо.

Михей 7:9

Би Тэрэнэй урдаһаа нүгэл хэһэн тула хэрэгыем Тэрэнэй шиидхэтэр, намайе шүүтэрнь Эзэнэй уур хилэн тэсэн ябахаб. Тэрэ намайе гэрэлдэ гаргаха. Тиигээд би үнэн зүбыень хараха болоноб.

Аввакуум 2:3

Тогтоогдоһон саг тушаа үзэгдэл юм. Теэд тэрэнэй удаараашье һаань, хүлеэгөөрэй, заабол бэелдэхэ. Тэрэ болюулагдахагүй, заабол ерэхэ.

Хаггай 1:8

Хада өөдэ гаража, модо отолон, Һүмэ барижа эхилэгты! Би тэрээндэ сэдьхэлээ ханан, тэрээн соо магтуулан, Өөртөө мүргүүлэн байхаб.

Иоанн 17:10

Ушарынь гэбэл, Намда байһан бүгэдэ Танай юм, Танда байһан юумэ бүхэн Минии юм. Тэдэнэй ашаар Би алдаршабаб.

Римэйхиндэ 1:17

Гансал һүзэгэй ашаар хүнүүдые Бурханай үнэн сэдьхэлтэн болгодогынь Һайн Мэдээсэл соо элеэр харуулагдана. «Үнэн сэдьхэлтэн һүзэгэйнгөөл ашаар амидарха», – гэжэ Нангин Бэшэг соо бэшээтэй.

Эфесэйхиндэ 1:6

Инаг хайрата Хүбүүнэйнгээ ашаар маанадые буян хэшэгтээ элбэг дэлбэг хүртөөһэнэйнь түлөө Бурханиие алдаршуулаял.

Фессалоникиинхидтэ 2-дохи 1:10

Эзэнэй тэрэ үдэр ерэхэдэнь, гэгээн арадынь, бүхы һүзэглэгшэдынь Тэрэниие хүндэлхэ, Тэрээндэ алдар соло дуудаха. Бидэнэй номноһон һургаалда этигэһэн ушарһаа таанадшье баһа тэрэ зоной дунда байлсахат.

Фессалоникиинхидтэ 2-дохи 1:12

Манай Бурхан болон Эзэн Иисүүс Христоосой үршөөл хайраар Эзэн Иисүүс Христоосой нэрэнь таанадай ажамидарһан аргаар алдар суутай болохо, таанад баһа Эзэнтэй хамта алдар суутай байхат.

Еврейнүүдтэ 10:37

Үшөө нэгэ хэды болоод, удангүй һаатангүй Заларан ерэгшэ ерэхэл.

Пётрой 1-дэхи хандалга 2:6

Нангин Бэшэг соо: «Бата найдамтай, шэлэгдэжэ абтаһан, эрдэни шулуу Сион дээрэ мүнөө Би табинаб; Тэрээндэ һүзэглэһэн хүн хэзээдэшье урмаа хухархагүй», – гэжэ хэлэгдэнэ.