Исай 46:11 - Библи

¹¹ Зүүн зүгһөө хүниие дуудахадам, тэрэ мяхаша шубуундал добтолон орохо. Түсэблэһэнөө Би заабол гүйсэдхэхэб. Айладхаһанаа заабол дүүргэхэб!

Исай 46:11 ပူးပေါင်းရင်းမြစ်များ

Эзраа 1:2

«Персиин хаан Киир иимэ зарлиг буулгана: Огторгойн Эзэн Бурхан газар дэлхэйн бүхы хаан түрэнүүдые минии мэдэлдэ үгөө. Иудын Иерусалимда Тэрээндэ шүтэн мүргэдэг Һүмэ барихыемни Тэрэ захираа.

Иоов 23:13

Оршолон юртэмсэдэ ганса Бурхан байдаг. Тэрэнэй шиидхэбэриие хэн өөршэлэн хубилгажа шадахаб, хүсэһэн бүхэнөө Тэрэ хэдэг. Намда дүүрэн зоболон амасуулха гээ һаань, хэн боли гэхэб,

Псалманууд 76:10

Бурхан хайрлахаа мартаа юм гү? Уурлан, үршөөлөө хуряагаа гээшэ гү? [Хүгжэм]

Исай 10:12

«Сион уула дээрэ болон Иерусалимда Өөрынгөө хэрэг хэжэ дүүргэхэдөө, бардам һайрхуу зантай Ассириин хааниие хэһээхэб», – гэжэ Эзэн айладхана.

Исай 18:6

Алуулһан зонойнь бэенүүд уулын мяхаша шубуудай, зэрлиг арьяатанай хүнэһэн болохо. Зундаа шубууд тэдэниие тоншохо, үбэлдөө ан гүрөөл зулгаан эдихэ.

Исай 22:25

Тэрэ сагай ерэхэдэ, найдамтай шангаар шааһан хадааһан хүдэлжэ-найгажа эхилхэ, тиигээд унаха, тиихэдэнь тэрээн дээрэ үлгөөтэй ашааншье унажа һалаха». Энэ болбол Түмэн Сэрэгтэ Эзэн айладхаа мүн.

Исай 25:1

Эзэн, Та – минии Бурханта. Таниие ехэ хүндэлэн, нэрыетнай магтан-дуулан байнаб. Та эртэнһээ түсэблэһэн гайхамшагта хэрэгүүдээ түгэс найдамтайгаар дүүргэбэт.

Исай 37:26

Минии эдэ бүгэдые үнинэй түсэблэһэн тушаа ши дуулаагүй юм гүш? Мүнөө энээниие бэелүүлбэ гээшэб. Бүхэлэгдэһэн хотонуудые обоохой шулуун боложо һандаргаха арга боломжо таанадта үгөөб.

Исай 38:15

Юун гэжэ хэлэхэбиб? Эзэн айладхалаа бэелүүлээ. Сэдьхэлэйнгээ гашуудалда дарагдаад, аалин даруу наһаа эдлэхэб.

Исай 41:2

Хэн хойто зүгһөө баатарые эльгээгээб? Хэн үнэн зүбые тэрээнтэй хамта, ошоһон лэ газартань байгуулнаб? Үндэһэ яһатаниие, хаашуулые диилэхэ хүсэ хэн тэрээндэ үгэнэб? Тэрэ һэлмээрээ тэдэниие тооһон мэтэ, һурша номоороо һалхинда хиидэһэн хагда үбһэн мэтэ болгобо.

Исай 41:25

Хойто зүгтэ байдаг хүниие шэлээб, зүүн зүгһөө тэрэ Минии нэрэ дуудаа! Шабар мэтээр тэрэ удамаршадые гэшхэнэ, вааршанай шабар гэшхэдэг мэтээр.

Исай 44:28

Кииртэ иигэжэ айладхал буулганаб: «Ши Минии эльгээһэн ударидагша мүн, Минии үгэ соо хэрэг ябуулхаш. Иерусалимда һэргэн бодохыень, нангин үргөөгэйм һууриин дахин табигдахыень ши захирхаш!»

Исай 45:13

Киирые үнэн зүб үйлэ хэрэг ябуулхын тула Би тодоруулааб. Тэрэнэй ябадаг бүхы харгы зам жэгдэлхэб. Тэрэ Минии Иерусалим хото һэргээн бодхохо, баряанда байгааша Минии арад зониие сүлөөлхэ. Иимэ юумэ хэхэдэнь хэншье тэрээндэ шагнал үгэхэб гэжэ найдуулаа бэшэ. Иигэжэ Би, Түмэн Сэрэгтэ Эзэн, айладхана мүн!»

Исай 56:9

Хариин зоной ерэжэ, Өөрынь арад түмэниие хээрын ан арьяатандал адли зооглохыень Эзэн захирна.

Ерэмияа 44:28

Гансал үсөөхэн зонтнай амиды мэндэ үлэжэ, Египедһээ Иудын орон нютагаа бусаха. Тэдэ амиды үлөөшэд лэ Минии гү, али тэдэнэй үгын бэелүүлэгдэһые ойлгохо.

Ерэмияа 50:29

Вавилооной урдаһаа харбагшадые дуудагты. Хотые тойрон, хэнииешье тэндэһээ амиды мэндэ табингүй тэдэ зогсог лэ! Үйлэдэһыень өөртэнь бусаагты! Ондоо арадуудта ямараар хандаа һэм, тон тиимээр өөртэнь хандагты! Юуб гэбэл, Вавилоон Минии, Израилиин Нангинай, урдаһаа бардамлан үндыгөөл.

Ерэмияа 50:44

Иорданай шугы шэдхэһээ тунга ногоон бэлшээри руу ошожо байһан арсаландал Би гаража, Вавилооной улад зониие гэнтэ орон нютагһаань тэрьедүүлхэб. Минии шэлэһэн хүн арад түмэниие хүтэлбэрилхэ. Хэн Намтай зэргэсэжэ шадахаб? Хэн Минии урдаһаа тулажа шадахаб? Ямар удамарша урдаһаамни һөөргэдэхэб?

Ерэмияа 50:45

Вавилооной улад зон тушаа Эзэнэй шиидэһэн, халдейшуудай орон нютагай урдаһаа зохёоһон Тэрэнэй түсэб шагнагты. Бага балшар үхибүүдшье харюуда татагдаха, хотонуудынь хооһорхо.

Эзэкээл 39:4

Ши сэрэгтэеэ, мүн шинии түлөө хүлһөөр дайлалдажа байгааша хариин сэрэгшэдтэеэ хамта тэрэ хада ууланууд дээрэ үхэлөө олохош. Иигэжэ ан арьяатанай, шубуу шонхорой хүнэһэн болохош.

Тоололго 23:19

худал зүйл хэлэжэ байха хүн бэшэл Бурхан. Ушар болоод лэ һанаһанаа хубилгаха, уладай хүбүүн бэшэл Тэрэ. Айладаһан зарлигаа хубилгаха юм аал Тэрэ? Найдуулһанаа хубилгахагүйл Тэрэ. Айладаанаал Тэрэ айладаха, айладажа найдуулагшаяа Тэрэ бүтээхэл.

Хэрэгүүд 4:28

Танай эрхэ засагаар, Танай хүсэлөөр урдань шиидэгдэһэн юумые тэдэнэр бэелүүлхэеэ хамтарба.

Хэрэгүүд 5:39

Хэрбээ энэ зорилго, үйлэ хэрэгынь Бурханһаа байбал, таанад эдэ хүнүүдые зогсоожо шадахагүйт, харин Бурханай урдаһаа эсэргүүсэн тэмсэгшэд болохот! Зүблэлэй гэшүүд тэрэнэй үгэ дуулаба.

Эфесэйхиндэ 1:11

Бурхан Өөрынгөө зорилгоор, заяаһан ёһоороо маанадые Христоостой нэгэдхүүлэн Өөрын арад болгон шэлэжэ абаа.

Эфесэйхиндэ 3:11

Замбуулин дэлхэйе бүтээхэһээ урда түлэблэжэ байһан юумэеэ Бурхан манай Эзэн Иисүүс Христоосой ашаар бэелүүлээ.

Гэршэлгэ 16:12

Зургаадахи Эльгээмэл өөрынгөө аяга соохиие асари ехэ Евфрат мүрэн руу адхаба. Тиихэдэнь тэрэ мүрэн хатажа, Зүүн зүгэй хаашуулай хуурай газараар ябаха харгы гаргагдашаба.