Исай 45:23 - Библи

²³ Би Өөрөөрөө шахаа тангариг үргөөб! Минии аманһаа үнэн зүб үгэ гараа, тэрэниие һөөргэнь абажа, һэлгэжэ байхагүйб! Яһатан бүхэн урдамни мүргэхэ, ямаршье хэлэтэй хүн Намда этигэхэ тухайгаа тангариглаха.

Исай 45:23 ပူးပေါင်းရင်းမြစ်များ

Эхин 31:53

Манай зүб бурууе шинии үбгэ эсэгэ Абраһаамай, минии үбгэ эсэгэ Нахоорой шүтэн зальбардаг Бурхан шүүбэрилжэ шиидхэг лэ. Тиихэдэнь Яков өөрынгөө эсэгэ Исаагай шүтэн зальбардаг Эзэн Бурханай нэрээр тангариг үргэбэ.

Нэхэмьяа 10:29

өөһэдынгөө мэдээжэ угсаатантай хамтаржа, Бурханай зарамал Моисейгээр дамжуулагдаһан Бурханай Хуули баримталан ажаһууха, Эзэн Бурханаймнай бүхы захяа заабаринуудые наринаар сахин бэелүүлхэ, Тэрэнэй тогтоолнуудыень, хуулинуудыень дүүргэхэ тангариг үргэбэд.

Псалманууд 132:2

Энэ болбол Аһарооной һахал руу, удаань дэгэлэйнь заха руу мэтэ энэ хүнэй толгой дээрэһээ һахал руунь урдажа байгааша оливын үнэтэй тоһондол адли,

Псалманууд 63:11

Зүб шударга хүн хорохо газар Эзэн дотор оложо баярлаха. Сэбэр һэшхэлтэй бүхы зон Тэрэниие магтан баясаха.

Псалманууд 98:2

Сион соо Эзэн агууехэ, бүхы арадууд дээгүүр үргэмжэлэгдэнхэй.

Исай 21:17

Кэдаарай баатар харбаашадһаа үсөөхэниинь лэ амиды үлэхэ». Иигэжэ Израилиин Эзэн Бурхан айладаа юм.

Исай 45:19

Би нюусаар айладана бэшэб, харанхы газарта бэшэ. «Хооһон газарта Намайе бэдэрэгты!» гэжэ Яковай үри һадаһадта айладаа бэшэб. Би Эзэн мүн! Би үнэн шударга зүйл айладанаб, үнэн сэхые тунхагланаб!

Исай 48:1

Яковай үринэр, Израилиин нэрээр ябагшад, Иудын үриһээ гарагшад, энээниие соносыта! Эзэнэй нэрээр тангаригладагшье һаа, Израилиин Бурханай нэрэ дуудадагшье һаа, досоогоо Тэрээндэ үнэн сэхэ бэшэт, зүб шударга бэшэт.

Исай 49:18

Тойроод эрьен харыш! Арад зоншни гэр руугаа, шамдаа ерэжэ байна. Хадамда үгтэжэ байһан басаганай шэмэглэлээрээ омогорходогтол адли, ши тэдэ зоноороо омогорхон байхаш. Энэ хадаа Минии, Эзэнэй, амиды мэндэ байһантайл адли баталгаатай!

Исай 55:11

Минии айладаһан үгэ Намдаа һөөргөө бусадаггүй, һанаһан юумыемни бүтээдэг, Минии эльгээһэн зорилгонуудые дүүргэдэг.

Исай 60:14

Шамайе дарлагшадай үри һадаһад ерэжэ, бултадаа доро дохин зогсохо. Шамайе хэзээ нэгэтэ үзэн ядагшад хүлэйшни ула хүрэтэр бохиин һүгэдэхэ. Тэдэ шамайе «Эзэнэй хото, Израилиин арюун Бурханай Сион хото гэжэ нэрлэхэ.

Исай 61:11

Үрэ хүрэнгэһөө ургаса гарадагтал, Эзэн Бурхан Өөрын арадые абархаб гэһэн үгэеэ дүүргэхэ, тиигээд бүхы үндэһэ яһатанда магтуулха.

Исай 62:8

Эзэн иимэ шанга шахаа тангариг үргөө бэлэй: «Шинии таряа талхан бэшэ хэзээдэшье дайсадайш хоол хүнэһэн болохогүй, хариин зон шинии үзэмэй дараһан архи уухагүй.

Исай 65:16

Дэлхэй дээрэ байгшадай хэн нэгэн юрөөл тушаа гуйбал, бодото Бурханһаа юрөөл гуйха. Шахаа тангариг үргэхэеэ һанаһан хэн нэгэн үнэнхэ Бурханай урда тангариглаха. Урданай зоболонгууд мартагдаха.

Ерэмияа 22:5

Харин эдэ үгэнүүдые дуулаагүй һаатнай, энэ ордон һандаран һалаха гэжэ Өөрөөрөө тангаригланаб. Энэ болбол Би, Эзэн, айладханаб!

Ерэмияа 4:2

үнэнхэ зүрхэнһөө, зүбөөр, шударгыгаар Минии нэрээр тангариглаха эрхэдэ хүртэхэш. Тиихэдэ бүхы үндэһэн арадууд Минии нэрээр бэе бэеэ үреэдэг болохо, Намайе магтажа байха.

Ерэмияа 49:13

Боцраа хото үзэмжэгүй муухай, зэлүүд хооһон болохо гэжэ Би тангариглаа һэм. Зон тэрэниие доромжолон наадалжа, хараал хэлэхэдээ нэрыень дурдадаг болохол. Дүтын һууринууд хэтэ мүнхэдөө һандаргагданхай үлэхэ. Энэ болбол Би, Эзэн, айладхана мүн!

Амоос 6:8

Түмэн Сэрэгтэ Эзэн Бурхан Өөрөөрөө тангариглажа, иигэжэ айладана: Яковай бардам зан Намда жэгшүүритэй, бүхэлэлтэнүүдыень үзэн яданаб. Хотые бүхы ажаһуугшадтайнь хамта дайсадай гарта дамжуулхаб!

Захарияа 14:9

Тэрэ үдэр Эзэн бүхы дэлхэйн хаан боложо, Эзэн ганса, Тэрэнэй нэрэнь ганса байха.

Тоололго 23:19

худал зүйл хэлэжэ байха хүн бэшэл Бурхан. Ушар болоод лэ һанаһанаа хубилгаха, уладай хүбүүн бэшэл Тэрэ. Айладаһан зарлигаа хубилгаха юм аал Тэрэ? Найдуулһанаа хубилгахагүйл Тэрэ. Айладаанаал Тэрэ айладаха, айладажа найдуулагшаяа Тэрэ бүтээхэл.

Римэйхиндэ 11:4

Бурхан харюудань юун гэжэ хэлээ һэм? «Хуурмаг бурхан Баалда һүгэдөөгүй долоо мянган хүниие Би Өөртөө үлөөгөөб».

Хуули дабталга 6:13

Эзэн Бурханаа хүндэлэгты, гансал Тэрээндэ алба хэгты, гансал Тэрэнэй нэрээр тангариглагты.

Филиппынхидтэ 2:10

Тиимэһээл Иисүүсэй алдарта нэрэ түрэдэ дээдэ огторгойн, газар дэлхэйн, доодо тамын амитан бүхэн мүргэн һүгэдэхэ,