Исай 45:21 - Библи

²¹ Зарга шүүлгэндэ ерэжэ, хэрэгээ хөөрэгты. Хамта зүбшэгты. Хэн эртэнһээ энээниие мэдүүлжэ, олондо соносхооб? Өөрын арад түмэниие абарагша Би, зүб шударга Эзэн бэшэ гүб?! Намһаа ондоо Бурхан байхагүй!

Исай 45:21 ပူးပေါင်းရင်းမြစ်များ

Псалманууд 26:7

Эзэн, минии дуу хоолой шагныт, Таниие дууданаб, хайрлыт, харюу үгыт!

Псалманууд 96:10

Эзэндэ дуратайшуул, муу муухайе үзэн ядагты. Тэрэ Өөрын гэгээнтэнэй ами наһа хамгаалдаг, муу муухай зоной һабарһаа сүлөөлдэг.

Исай 19:20

Энэнь Египедэй орон нютагта Түмэн Сэрэгтэ Эзэнэй байһанай гэршэ тэмдэг болохо. Тэндэ зон дарлагдажа эхилхэдээ, абархыень Эзэн Бурханиие дуудаха. Тиихэдэнь Тэрэ абархыень хэн нэгэниие эльгээхэ.

Исай 41:26

Иимэ юумэн болохо гэжэ таанадай хэн уридшалан хэлээб? Хэлээ һаатнай, «та зүб шударга» гэжэ бидэ соносхохо бэлэйлди. Теэд таанадай хэншье энээн тушаа нэгэшье үгэ хэлээгүй, соносхоогүй, иимэ юумэ хэлэжэ байһыетнай хэншье дуулаагүйл!

Исай 43:11

Би гансаараа Эзэн гээшэб! Намһаа ондоо абарагша танда байхагүй.

Исай 43:3

Ушарынь гэбэл, Би танай Эзэн Бурхан, таанадые абарагша Израилиин арюун Бурхан мүн! Таанадые абархын тула Египет, Эфиопи болон Сэбаа үгэжэ, таанадые сүлөөлөөб.

Исай 43:9

Зарга шүүлгын урда бүхы арадууд суглараг лэ! Хэнэйнь бурхад ерээдүйе уридшалан тунхаглажа шадахаб? Зүгнэлгэнүүдыень дуулаһан гэршэнэрээ тэдэ асараг лэ. Тэдэниие шагнажа, зүб, бурууень тодорхойлхоб.

Исай 45:14

Эзэн иигэжэ айладхана: Израиль, Египедэй болон Эфиопиин баялиг таанадай болохо, Сэбаагай үндэр бэетэй зон танай богоол болохо, хойноһоотнай гэнжэлүүлэгдэн ябаха. Тэдэ танда унан мүргэжэ, «Үнэхөөр Бурхан таанадтай хамта байна. Ондоо бэшэ Бурхан байхагүй» гэлдэхэ.

Исай 45:18

Огторгойе бүтээһэн, газарые байгуулһан, бии болгоһон, һуурииень табиһан, хооһон байхын тула бэшэ, амидархын тула бүтээһэн, байгуулһан Эзэн иигэжэ айладажа байна: Би болбол Эзэн гээшэб. Намһаа ондоо Бурхан байхагүй!

Исай 45:25

Израилиин бүхы уг удам Минии, Эзэнэй, һайгаар зүб болохо, алдаршуулагдаха!»

Исай 45:5

Би болбол Эзэн гээшэб. Ондоо Бурхан байхагүй. Намайе мэдэхэгүйш, харин Би шамда хүсэ үршөөгөөб.

Исай 48:14

Таанад бултадаа сугларжа, шагнагты! Ямаршье шүтөөн гү, али бурхан иимэ юумэ уридшалан мэдүүлжэ шадахагүй бэлэй: Минии шэлэһэн хүн Вавилоондо добтолжо, һанаһан юумыемни бултыень гүйсэдхэхэ.

Исай 48:3

Эзэн иигэжэ Израильда айладхана: Эртэ урда сагһаа хойшо Би юун болохоб гэжэ тунхагладаг байгааб, тиигээд гэнтэ тэрэниие үйлэдэхэдэм, тэрэ бэелүүлэгдэдэг бэлэйл.

Исай 60:16

Эхын нарай нялхаяа хүхөөрөө тэдхэдэгтэл, үндэһэ яһатад шамайе тэдхэн байха, хаашуулынь тэдхэгшэдшни болохо. Иигэжэ Минии, Эзэнэй, таанадай Абарагша, Яковай Хүсэтэ Бурхан байһые мэдэхэш.

Исай 63:1

«Эдоомой Боцраа хотоһоо һүр жабхалан гийгүүлһэн, улаан хубсаһа хиисхүүлһэн асари хүсэтэ хэн морилбо гээшэб?» Илалта соёрхуулхын тулада бууһан абарагша Эзэн Бурхамнай.

Ерэмияа 50:2

Үндэһэ яһатанда һураг суу дуулгагты! Соносхогты! Дохёо тэмдэг үгэжэ, дуулгагты! Нюужа бү байгты! Вавилоон һалаа! Бээл нэрээ хухараа! Мэродаах бурханиинь бута һүрөө! Вавилооной хүрэгүүд эшхэбтэр зүйл болоо, шүтөөнүүдынь бута сохигдоо!

Һошээ 13:4

Теэд Би, Эзэн Бурхантнай, Египедэй газар дайдаһаа таанарые абарааб. Таанад Намһаа бэшэ ондоо бурхадта мүргэхэ ёһогүйт. Намһаа бэшэ ондоо бурхан таанадые абархагүй.

Цэпаанияа 3:17

Эзэн Бурхантнай таанартай хамта. Тэрэ таанадые абарха баатар хүсэтэй. Тэрэ таанар тушаа баясан хүхихэ, хайра дуран соогоо аалихан, таанар тушаа баяртай зугаалан сэнгэхэ.

Цэпаанияа 3:5

Эзэн хотын дотор зүб шударга хэрэг эрхилнэ, буруу юумэ хэдэггүй, үүр сайхада, үглөө бүри Тэрэ заабол зарга шүүбэри үйлэдэнэ. Теэд шударга бэшэ зон эшэхэ гээшые мэдэдэггүй.

Захарияа 14:7

Үдэршье бэшэ, һүнишье бэшэ, гансал Эзэндэ танигдаха юрэ бусын үдэр байха. Үдэшын лэ сагта гэрэлтэй болохо.

Захарияа 14:9

Тэрэ үдэр Эзэн бүхы дэлхэйн хаан боложо, Эзэн ганса, Тэрэнэй нэрэнь ганса байха.

Захарияа 9:9

Сионой басаган, баярлыш! Иерусалим үхин, илалтын баяр тэмдэглыш! Харыш, номгон даруу шинии хаан эмэ элжэгэ зайдаланхай, тэрэнэй унага – даагыень зайдаланхай, шамда заларжа ерэнэ.