Исай 45:19 - Библи

¹⁹ Би нюусаар айладана бэшэб, харанхы газарта бэшэ. «Хооһон газарта Намайе бэдэрэгты!» гэжэ Яковай үри һадаһадта айладаа бэшэб. Би Эзэн мүн! Би үнэн шударга зүйл айладанаб, үнэн сэхые тунхагланаб!

Исай 45:19 ပူးပေါင်းရင်းမြစ်များ

1 Угай бэшэг 28:8

Харин мүнөө бүхы израильшуудай Эзэнэй суглаанай урда өөрынгөө Бурханда хандан иигэжэ захинаб: таанад энэ газарые эзэлэн, өөһэдынгөө Бурханай, Эзэнэй бүхы захяануудые наринаар бэелүүлжэ ябагты.

2 Угай бэшэг 15:2

Тэрэ Асаада ерэжэ, иигэжэ хэлэбэ: – Асаа болон Иудын, Бэньямиинэй улад зон, намайе шагныта! Эзэнтэй хамта байбалтнай, Тэрэ таанадтай хамта оршохо. Тэрэниие бэдэрээ һаа, олохот; харин Эзэниие орхиболтнай, Тэрэ таанадые орхихо.

2 Угай бэшэг 7:14

Минии арад түмэн гансата номгоржо, Нам руу эрьен, муу муухай хэрэгүүдээ орхин, зальбаран-гуй байхадань, Би тэдэниие огторгойһоо дуулажа, нүгэлынь хүлисэн, газар уһыень элүүр мэндэ болгодог байхаб.

Эзраа 8:22

Замда ушарһан дайсадһаа маниие хамгаалха сэрэг хаанһаа эрихэеэ эшэдэһэмни хүрөө һэн. Юуб гэхэдэ, «Манай Бурхан Тэрээндэ мүргэн һүгэдэгшэдтэ бултандань туһалдаг, харин буруу харагшадта уураа хүсэн түгэсөөр харуулдаг» гэжэ хаантай хөөрэлдэхэдөө хэлэһэн байгаа бшууб.

Псалманууд 12:6

Би Танай хайра энэрэлдэ этигэнэб! Зүрхэмни Танай абаралда баярлаха. Намайе Эзэнэй үршөөһэн тухай би дуулахаб!

Псалманууд 24:6

Жэндэл адли хайрлаха сэдьхэлээ, энэрэл хайраяа һаныт, Эзэн! Тэдэ хэтэ мүнхын бэлэйл. ח Хээт

Псалманууд 9:10

Дарлагдаад байгаа хүндэ Эзэн хорохо газар, бэрхэшээлтэй сагта хоргодохо газар болохо.

Һургаал 1:21

олон зоной үмэнэ, хотын хашаагай үүдэнэй хажууда үгэеэ тунхаглана:

Һургаал 15:8

Хара нүгэлтэнэй үргэлһөө Эзэн жэрхэдэг. Үнэн сэдьхэлтэй хүнэй зальбарал Тэрэнэй талархалда хүртэдэг.

Һургаал 30:5

Бурханай бүхы үгэнүүд арюун, Тэрээндэ найдагшадта Тэрэ халхабша юм.

Һургаал 8:6

Соносогты, би шухала зүйл хэлэхэм гээшэ. Минии аманһаа үнэниие дуулахат.

Исай 1:15

Таанадай гуйжа гараа үргэхэдэ, Би харангүй байхаб. Хэдышье зальбараа хадатнай, Би шагнахагүйб. Юуб гэхэдэ, гартнай шуһанда зуурагданхай.

Исай 43:12

Юун болохоб гэжэ уридшалан айладхааб, тиигээд таанадые абарааб. Хариин ямаршье бурхан иимэ юумэ хэжэ шадахагүй. Таанад Минии гэршэнэр гээшэт.

Исай 44:8

Бү айгты, бү һүрдэгты! Эртэ урда сагһаа мүнөө болотор юун болохыень Би таанадта уридшалан айладажа мэдүүлээ һэм. Таанад гэршэнэрнит. Намһаа ондоо Бурхан бии юм гү?! Ондоо Хабсагай байхагүй! Би мэдэхэгүйб!

Исай 45:23

Би Өөрөөрөө шахаа тангариг үргөөб! Минии аманһаа үнэн зүб үгэ гараа, тэрэниие һөөргэнь абажа, һэлгэжэ байхагүйб! Яһатан бүхэн урдамни мүргэхэ, ямаршье хэлэтэй хүн Намда этигэхэ тухайгаа тангариглаха.

Исай 45:25

Израилиин бүхы уг удам Минии, Эзэнэй, һайгаар зүб болохо, алдаршуулагдаха!»

Исай 48:16

Нам руу дүтэлэгты, юу хэлэхыем шагнагты! Би эхинһээ эхилэн нюуса дуугаржа байгаа бэшэб. Энээнэй эхинһээ хойшо Би тэндэ байлсааб». Мүнөө Эзэн Бурхан Һүлдөө намда шэнгээн, Намайе эльгээгээл!

Исай 63:1

«Эдоомой Боцраа хотоһоо һүр жабхалан гийгүүлһэн, улаан хубсаһа хиисхүүлһэн асари хүсэтэ хэн морилбо гээшэб?» Илалта соёрхуулхын тулада бууһан абарагша Эзэн Бурхамнай.

Исай 65:9

Яковта үри үршөөхэб. Иудын уг удамынь хадалиг Минии орон нютагые үеһөө үедэ эзэлэн байха. Намда мүргэдэг зон тэндэ ажаһууха.

Исай 8:19

Таанадые зарим зон иигэжэ гуйжа болохо: – Һүнэһэ дуудагшадтай болон шэбшэдэг шэдитэнтэй зүбшыт. Теэд таанад иигэжэ тэдээндэ харюусаарайгты: – Арад түмэн өөрынгөө Бурханһаа туһа эрихэ ёһотой. Эльбэ жэльбэтэйшүүлые хэрэглэн, юундэ амиды зон тухай үхэһэн зонһоо асууха болонобибди?

Ерэмияа 2:31

Энэ үеынхид, айладхалыемни дуулыт. Элһэн сүл губидал, үгышье һаа, гүн харанхы орондол мэтэ Израильда байгаа юм гүб? Юундэ таанад өөрынгөө һанаһаар лэ байха, Намда дахин бусахагүй тухайгаа хэлэнэбта?

Амоос 5:4

Эзэн израильшуудта иигэжэ айладана: Нам руу эрьебэл, амиды мэндэ үлэхэт!

Иоанн 18:20

– Би бүгэдэ зоной урда сэхэ хэлэдэг һэнби. Би мүргэлэй гэрнүүд соо ба Һүмэ соо хододоо һургаалаа номногшо һэм. Тэндэ бүхы еврейнүүд ерэдэг һэн, – гэжэ Иисүүс харюусаба. – Нюуса юумэ Би огто хэлээгүйб.

Иоанн 7:26

Теэд харыта, Энэ хүн һургаалаа нюунгүй сэхэ номнонол. Хэншье Тэрэниие хориногүйл… Энэ хүн үнэхөөрөө Бурханай табисуурта байна гэжэ, магад, засагаархиншье ойлгоо хаяа?

Иоанн 7:28

Тиихэдэнь Иисүүс һургаалаа Һүмэ дотор номножо байгаад: – Таанар Намайе мэдэнэ гүт? Минии хаанаһаа ерэһэн тухай баһа мэдэнэ гүт? Би Өөрэһөөн ерээ бэшэб. Намайе эльгээгшэдэ этигэжэ болохо, зүгөөр таанар Тэрээниие мэдэхэгүйт.

Хуули дабталга 29:29

Гансал Эзэн Бурханаймнай мэдэхэ нюуса зүйлнүүд байдаг. Харин Тэрэ бидэндэ Өөрынгөө һургаал эли болгоо, бидэ болон үхи хүүгэднай тэрэнииень хододоо сахин дүүргэн ябаха ёһотойбди.

Хуули дабталга 32:4

Тэрэ – танай хамгаалагша, хэрэгүүдынь түгэс. Бүхы аян замынь залан сэхэ. Бурхан найдамтай, хуурмаг худал юумэн Тэрээндэ үгы, Тэрэ үнэн зүб, шударга сэхэ юм.

Яковай хандалга 4:3

Тиихэдэ гуйхадаашье, тэдэ юумэнүүдээ абанагүйт, юундэб гэхэдэ, таанад һайн һайханай тула бэшэ, харин өөрынгөө хүсэлэнгүүдые хангахын тула гуйнат.