Исай 45:14 - Библи

¹⁴ Эзэн иигэжэ айладхана: Израиль, Египедэй болон Эфиопиин баялиг таанадай болохо, Сэбаагай үндэр бэетэй зон танай богоол болохо, хойноһоотнай гэнжэлүүлэгдэн ябаха. Тэдэ танда унан мүргэжэ, «Үнэхөөр Бурхан таанадтай хамта байна. Ондоо бэшэ Бурхан байхагүй» гэлдэхэ.

Исай 45:14 ပူးပေါင်းရင်းမြစ်များ

Эхин 27:29

Дэлхэйн олон арадууд шамда ажал хэхэнь, урдашни мүргэн һүгэдэхэнь болтогой! Тэрээнһээ гадна аха дүүгээ, түрэл саданаа ши захадан зонхилжо, үри һадаһадшни үеһөө үедэ тэдээндэ хүндэлүүлжэ байхань болтогой! Шамай хараагшадта өөһэдтэнь хараалынь шэнгэг, шамай үреэгшэд өөһэдөө үреэлдэ хүртэг!

2 Хаан түрэнүүд 21:20

Гаадта дахин тулалдаанай болоходо, гар, хүлдөө зургаан хургатай, бүхыдөө хорин дүрбэн хургатай, абарга бэетэй эрэ хүн тэндэ байба. Тэрэ хүн баһал Рэпаиимэй үри һадаһан байгаа.

Эстээр 8:17

Хаанай энэ зарлигай зарлагдаһан газар бүхэндэ иудейнүүд үргэн ехэ баяр тэмдэглэн, найр наада хэдэг байба. Энэ улас түрын ондоо үндэһэ яһатадай олохон зон иудейнүүдһээ айжа, иудейбди гэжэ өөһэдыгөө нэрлэдэг болоо бэлэй.

Иоов 1:15

Гэнтэ шэбаа угсаатан добтолон ерэжэ, малыешни буляажа, ажалшадыеш һэлмэдэжэ алабал. Гансаараа би амиды гаралсажа, шамда дуулгахаяа яаран ерэбэб, – гэбэ.

Иоов 11:19

Иигэжэ һайн һуухышни хүнүүд хараад, хүндэлэн туһаламжа эридэг болохо.

Псалманууд 149:6

Тэдэнэй аманда Бурханда магтаал, гартань хоёр талаһаа эритэй һэлмэ байна.

Псалманууд 149:8

Хаашуулыень гэнжээр гэнжэлжэ, ноёдыень түмэр дүнгэдэ тушахын тула,

Египедһээ гаралга 11:8

– Түшэмэлнүүдшни намда ерэхэ, – гэжэ Моисей фараондо хэлэбэ. – Ябаха руугаа ябыш даа, арад зоншни баһал ябаг гэжэ гуйха. Тиихэдэнь орон нютагһааш гарахабди. Моисей фараонһоо уур сухалаар дүүрэн гараба.

Исай 10:33

Хараарайгты, Түмэн Сэрэгтэ Эзэн мододой мүшэр хухалдагтал агууехэ хүсөөрөө тэдэниие хухалан доошонь хаяха. Эгээл омог бардам, эгээл үндэрынь баһагдан доромжолуулагдаха.

Исай 18:1

Ай даа, Эфиопиин голнуудай саада тээ далинуудай абяагаар дүүрэһэн орон нютагта гай тодхор болохонь!

Исай 18:7

Үндэр нюргатай, мэлигэр арһатай, холо ойрые айлгаһан энэ арад түмэнһөө, гол мүрэнөөр хубаарилагдаһан энэ орон нютагай хүсэтэй шанга зонһоо Түмэн Сэрэгтэ Эзэнэй бэлэг абаха саг ойртоо. Түмэн Сэрэгтэ Эзэндэ мүргэхэ газарта – Сион уулада тэрэ бэлэг барюулагдахал.

Исай 19:21

Эзэн Өөрыгөө Египедтэ мэдүүлэн харуулжа, тэдэ Бурханиие мэдэдэг боложо, зальбаржа, малаар үргэл, мүн талха таряанай үргэл үргэжэ, шахаа тангаригуудые үгэжэ, саашадаа бэелүүлдэг байха.

Исай 19:22

Эзэн Египедэй зониие хэһээхэ, хэһээгээшье хадаа эдэгээхэ. Тэдэнэй Өөртэнь хандахада, Эзэн гуйлтыень дуулажа, эдэгээхэл.

Исай 23:18

Худалдаа наймаагаар олоһон олзонь Эзэнэй болохо. Тиир хото тэрэ олзоёо нөөсэлжэ-хадагалжа байхагүй. Эзэндэ һүгэдэн зальбардаг зон тэрэ мүнгөөрнь һайн хоол, һайхан хубсаһа өөһэдтөө худалдан абадаг байхал.

Исай 43:3

Ушарынь гэбэл, Би танай Эзэн Бурхан, таанадые абарагша Израилиин арюун Бурхан мүн! Таанадые абархын тула Египет, Эфиопи болон Сэбаа үгэжэ, таанадые сүлөөлөөб.

Исай 44:8

Бү айгты, бү һүрдэгты! Эртэ урда сагһаа мүнөө болотор юун болохыень Би таанадта уридшалан айладажа мэдүүлээ һэм. Таанад гэршэнэрнит. Намһаа ондоо Бурхан бии юм гү?! Ондоо Хабсагай байхагүй! Би мэдэхэгүйб!

Исай 45:24

Намда, Эзэндэ, үнэн шударга, хүсэн бии гэжэ тэдэ хэлсэхэ. Намайе үзэн ядагшад эшэжэ, Нам руу ерэхэ.

Исай 49:23

Тэдэнэй хаашуул эсэгэ мэтээр, хатануудынь эхэнүүд мэтээр шамда хандажа, урдашни доро дохин байха. Тиихэдэнь Намайе Эзэн гэжэ мэдэдэг болохош, Намһаа туһа эригшэд заабол туһадам хүртэхэ».

Исай 54:3

Таанад хилэнүүдээ алишье талаһаань үргэдхэхэт. Ондоо үндэһэ яһатанай газар дайдые уг удамтнай эзэлхэ, хаягдаһан хотонуудта һуурижаха.

Исай 55:5

Хариин зониие, хэзээдэшье мэдээ-таняагүй арадуудые таанадай дуудахада, тэдэ тан руу шамдан ерэхэ. Минии, таанадай Эзэн Бурханай, таанадые алдаршуулһан Израилиин арюун Бурханай түлөө эдэ бүгэдэ хэгдэхэ».

Исай 60:3

Үндэһэ яһатад шинии гэрэл руу, хаашуул шинии мандажа байгаа туяа руу ерэхэ.

Исай 61:9

Үндэһэ яһатадай дунда тэдэ мэдээжэ болохо. Тэдэниие хараһан хүн бүхэн Эзэнэй юрөөһэн арад түмэн гэжэ ойлгохо».

Ерэмияа 16:19

Эзэмни, Та минии хүсэ шадал, минии Хамгаалагшат! Гай зоболоной үедэ намда туһалнат. Газар дэлхэйн захаһаа үндэһэтэд Танда ерэжэ: Манай үбгэ эсэгэнэр гансал худал хуурмаг бурхадтай, ямаршье аша туһагүй шүтөөнүүдтэй байгаа.

Эзэкээл 23:42

Тэдэнэй гэртэ элһэн сүл губиин архиншад олоороо үймэржэ, шууяжа байгша һэн. Эдэ зон эгэшэнэрэй гарта бугаагуудые, толгойдонь үзэсхэлэн һайхан титимүүдые үмдэхүүлдэг байгаа.

Эзэкээл 31:3

Ассиритэй сасуулха гү? Бата бэхи, һаглагар мүшэртэй, угаа үндэр, оройнь үүлэн дунда байһан хуша модон Ливаанда нэгэтэ байгаа бэлэй.

Ёһээл 3:8

Би таанадай хүбүүд басагадые Иудын арадта худалдахаб, тэдэ дам саашань холын сэбаа угсаатанда худалдаха». Эзэн энээниие айладхаа.

Тоололго 13:32

Харин тэрээнтэй суг хамта ошолсоод ерэһэн зон иигэжэ арсабад: – Бидэ тэрэ арадтай тулалдажа шадахагүйбди. Бидэнһээ тэдэнэр һураггүй хүсэтэйл!

Коринфынхидтэ 1-дэхи 14:25

Тэрэ хүнэй һанал бодолойнь нюусанууд эли боложо, тэрэ һүгэдэн Бурханай урда унажа, «Үнэхөөрөө Бурхан таанадай дунда байна», – гээд айладхаха.

Фессалоникиинхидтэ 1-дэхи 1:9

Маанадай таанадта ошоходо, таанадай яажа бидэниие угтажа абаһан тухай, онгонуудаа орхижо, Бурханда хандаһан тухайтнай булта хөөрэлдэнэ. Үнэн зүб ба амиды Бурханда алба хэхэ һанаатайгаар, маанад дээрэ ерээдүйдэ бууха ёһотой Бурханай уур сухалһаа аршалжа байһан, үхөөд амидырһан Христоосой тэнгэриһээ буужа ерэхые хүлеэхэ һанаатайгаар таанад Бурханда хандаат.

Гэршэлгэ 3:9

Хаража байгаарайт! Өөһэдыгөө еврейнүүд гэжэ тоолодог аад, сатанагай мэдэлдэ байһан уладые танда асараад, хүлдэтнай унан дохихыень баадхахаб. Үнэхөөрөө тэдэнэр еврейнүүд бэшэ, худалаар хэлэнэ. Мүн танда дуратай байһыемни тэдэ улад мэдэхэ.