Исай 45:13 - Библи

¹³ Киирые үнэн зүб үйлэ хэрэг ябуулхын тула Би тодоруулааб. Тэрэнэй ябадаг бүхы харгы зам жэгдэлхэб. Тэрэ Минии Иерусалим хото һэргээн бодхохо, баряанда байгааша Минии арад зониие сүлөөлхэ. Иимэ юумэ хэхэдэнь хэншье тэрээндэ шагнал үгэхэб гэжэ найдуулаа бэшэ. Иигэжэ Би, Түмэн Сэрэгтэ Эзэн, айладхана мүн!»

Исай 45:13 ပူးပေါင်းရင်းမြစ်များ

Эзраа 1:3

Эзэн Бурханай арад зонһоо хэн байнаб, тэдэ Иудын газарта, Иерусалим хото ошожо, Израилиин Эзэн Бурханай һүмын барилгада хабаадалсаг. Бурханиинь тэдээнтэй хамта байхань болтогой!

Псалманууд 65:5

Бурханай юу хэһые харыт! Хэһэн хэрэгүүдынь зондо айдаһатайл.

Һургаал 3:6

Өөрын бүхы замда Тэрэниие танижа мэдэ. Тэрэ шинии замые шууд сэхэ болгоно.

Исай 13:17

Үзөөрэйгты, Би мүнгэ тоодоггүй, алта сэгнэдэггүй Мидиин улад зониие дуудахаб.

Исай 14:17

Дэлхэйе элһэн сүл губи болгоһон, хотонуудые һандаргааһан, баряанда абтаһан зониие оройдоошье табидаггүй хүн энэ гээшэ гү?»

Исай 41:2

Хэн хойто зүгһөө баатарые эльгээгээб? Хэн үнэн зүбые тэрээнтэй хамта, ошоһон лэ газартань байгуулнаб? Үндэһэ яһатаниие, хаашуулые диилэхэ хүсэ хэн тэрээндэ үгэнэб? Тэрэ һэлмээрээ тэдэниие тооһон мэтэ, һурша номоороо һалхинда хиидэһэн хагда үбһэн мэтэ болгобо.

Исай 41:25

Хойто зүгтэ байдаг хүниие шэлээб, зүүн зүгһөө тэрэ Минии нэрэ дуудаа! Шабар мэтээр тэрэ удамаршадые гэшхэнэ, вааршанай шабар гэшхэдэг мэтээр.

Исай 42:6

Би, Эзэн, шамайе дуудажа, үнэн шударга байдал тогтоохо арга шадал шамда үршөөгөөб. Шамайе гарһааш барижа, шамайе аршалнаб! Шинии аргаар арад түмэнтэй хэлсээ баталхаб, шамаар дамжуулан, үндэһэ яһатадта гэрэл асархаб.

Исай 44:28

Кииртэ иигэжэ айладхал буулганаб: «Ши Минии эльгээһэн ударидагша мүн, Минии үгэ соо хэрэг ябуулхаш. Иерусалимда һэргэн бодохыень, нангин үргөөгэйм һууриин дахин табигдахыень ши захирхаш!»

Исай 45:2

«Би шинии урда ябажа, хада уулануудые тэгшэлхэб, гуулин бартаануудые эбдэжэ, түмэр шэбхэнүүдыень хуха татахаб.

Исай 46:11

Зүүн зүгһөө хүниие дуудахадам, тэрэ мяхаша шубуундал добтолон орохо. Түсэблэһэнөө Би заабол гүйсэдхэхэб. Айладхаһанаа заабол дүүргэхэб!

Исай 49:25

Эзэн иигэжэ айладхана: «Тиимэ юумэн боложо болохо! Баряанда абтаһан сэрэгшье баатарһаа буляагдаха, хархис хаанай олзошье буляагдаха. Эдэ бүгэдые Би хэхэб! Би шинии дайсадтай тэмсэжэ, үхи хүүгэдыешни абархаб».

Исай 52:5

Мүнөө Би юу хэхэбиб? Арадни миинтээр баригдажа, ударидагшадынь сурхирса уйлана, Минии нэрэ саг үргэлжэ, үдэр бүри хараалда хүртэжэ байна.

Михей 4:10

Иерусалимай арад зон, үхибүү түрэжэ байгаа эхэнэртэл үбдэжэ, зобожо байгты! Юуб гэхэдэ, мүнөө таанар хотоһоо гаргагдан, Вавилоон руу сүлэлгэдэ туугдахат. Теэд тэндэ абарагдахат, дайсадһаатнай Эзэн таанадые абарха.