Исай 44:28 - Библи

²⁸ Кииртэ иигэжэ айладхал буулганаб: «Ши Минии эльгээһэн ударидагша мүн, Минии үгэ соо хэрэг ябуулхаш. Иерусалимда һэргэн бодохыень, нангин үргөөгэйм һууриин дахин табигдахыень ши захирхаш!»

Исай 44:28 ပူးပေါင်းရင်းမြစ်များ

2 Угай бэшэг 36:22

Персиин хаан Киирэй түрүүшын жэлээ хааншалжа байхада Ерэмияагаар дамжуулһан үгэнүүдэйнгөө бэелүүлэгдэхын тула Эзэн Кииртэ нүлөө үзүүлжэ, тэрэ бүхы хаан түрөөрөө бэшэмэл аргаар болон үгэнүүдээр иигэжэ тунхаглахые захирба:

2 Угай бэшэг 36:23

«Персиин хаан Киир иимэ зарлиг буулгана: Огторгойн Эзэн Бурхан газар дэлхэйн бүхы хаан түрэнүүдые минии мэдэлдэ үгөө. Иудын Иерусалимда Тэрээндэ шүтэн мүргэдэг Һүмэ барихыемни Тэрэ захираа. Эзэн Бурханай арад зонһоо хэн байнаб, тэрэ тиишээ ошог лэ! Эзэн Бурханиинь тэрээнтэй хамта байхань болтогой!»

Эзраа 1:1

Персиин хаан Киирэй түрүүшын жэлээ хааншалжа байхада Ерэмияагаар дамжуулһан үгэнүүдэйнгөө бэелүүлэгдэхын тула Эзэн Кииртэ нүлөө үзүүлжэ, тэрэ бүхы хаан түрөөрөө бэшэмэл аргаар болон үгэнүүдээр иигэжэ тунхаглахые захирба:

Эзраа 1:2

«Персиин хаан Киир иимэ зарлиг буулгана: Огторгойн Эзэн Бурхан газар дэлхэйн бүхы хаан түрэнүүдые минии мэдэлдэ үгөө. Иудын Иерусалимда Тэрээндэ шүтэн мүргэдэг Һүмэ барихыемни Тэрэ захираа.

Эзраа 1:3

Эзэн Бурханай арад зонһоо хэн байнаб, тэдэ Иудын газарта, Иерусалим хото ошожо, Израилиин Эзэн Бурханай һүмын барилгада хабаадалсаг. Бурханиинь тэдээнтэй хамта байхань болтогой!

Исай 14:32

«Пилишт орон нютагһаа маанад руу ерэжэ байгааша элшэнэртэ юун гэжэ харюу үгэхэбибди?» «Эзэн Сионой үндэһэ һуури табяа, Тэрэнэй арад түмэнэй зобожо зүдэрһэн зон тэндэ хоргодохо аргатай болоо гэжэ тэдээндэ хэлэхэбди».

Исай 41:27

Би, Эзэн Бурхан, эгээл түрүүлэн Сиондо мэдээ дуулгаа һэм, «Зонтнай гэртээ бусажа байна!» гэжэ Иерусалимда соносхохыень Бил элшые эльгээгээ бэлэйб.

Исай 42:15

Уула гүбээнүүдые үгы хэн, бүхы үбһэ ногоо хатаахаб. Голой нюрууе элһэн сүл губи болгожо, сөөрэмүүдые шэргээхэб.

Исай 45:1

Эзэн Киирые хаан гэжэ тоһолон шэлээд, арадуудые диилэн зонхилхыень табяа. Хаашуулай эрхэ түлөөлгэнүүдые болюулхын тула Тэрэ Киирые эльгээгээ. Эзэн тэрэнэй урда хотонуудай бартаануудые нээхэл. Кииртэ Эзэн иигэжэ айладхана:

Исай 45:13

Киирые үнэн зүб үйлэ хэрэг ябуулхын тула Би тодоруулааб. Тэрэнэй ябадаг бүхы харгы зам жэгдэлхэб. Тэрэ Минии Иерусалим хото һэргээн бодхохо, баряанда байгааша Минии арад зониие сүлөөлхэ. Иимэ юумэ хэхэдэнь хэншье тэрээндэ шагнал үгэхэб гэжэ найдуулаа бэшэ. Иигэжэ Би, Түмэн Сэрэгтэ Эзэн, айладхана мүн!»

Исай 45:3

Шамайе нэрээршни дуудадаг Израилиин Эзэн Бурхан Би гээшэб гэжэ шамда мэдүүлхын тула харанхы, нюуса газарнуудһаа эд баялиг, эрдэни зэндэмэни үгэхэб.

Исай 46:11

Зүүн зүгһөө хүниие дуудахадам, тэрэ мяхаша шубуундал добтолон орохо. Түсэблэһэнөө Би заабол гүйсэдхэхэб. Айладхаһанаа заабол дүүргэхэб!

Исай 54:11

Эзэн иигэжэ айладана: «Иерусалим, ши зобоһон нэгэнши даа! Һалхи шуурганда сохигдоһон хотош! Хараарай, Би шамайе оюун шулуугаар барижа, һуурииешни биндарьяагаар табихаб.

Исай 58:12

Танай зон эртэ урдын сагта һандарһан хотонуудые һэргээхэ, урданай сагай һандарһан гэрнүүдые дахин бодхоохо. Сүмэрһэн хана заһабарилагша, ажаһуудалай гудамжануудые һэргээгшэ гээд тэдэниие нэрлэдэг болохо».

Исай 63:11

Тиихэдэнь арад түмэниинь Моисей гэгшын ажаһууһан урданай саг һанажа, иигэжэ асуун байба: «Өөрын арад түмэниие удамаршатайнь хамта тэнгис далайһаа гаргагша Эзэн хаанаб? Удамаршадань Өөрын Арюун Һүлдэеэ үгэгшэ Эзэн хаанаб?

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 27:6

Иигэжэ Би эдэ бүхы үндэһэ яһатадые Өөрынгөө албатанай, Вавилооной хаан Навуходоносорой мэдэлдэ үгэнэб. Зэрлиг амитадыешье Тэрээндэ алба хэдэг болгооб.

Ерэмияа 43:10

Тиигээд Минии, Түмэн Сэрэгтэ Эзэнэй, Израилиин Бурханай, Өөрынгөө зараса, Вавилооной хаан Навуходоносорые асаржа, хан шэрээень эдэ шулуунууд дээрэ табихаяа байһан тухай, тэрэнэй майхангай эндэ бодхоогдохоёо байһан тушаа зондо дуулга.

Даниил 10:1

Персиин хаан Киирэй гурбадахи жэлээ зонхилжо байхада Бэлтэшаццаар гэжэ нэрэ зүүдэг Даниилда үзэгдэл – үнэн зүб мэдээсэл болон агууехэ ашаан – харагдаһан байна. Даниил тэрэ айладхал ойлгобо, үзэгдэлдөө харахадаа, тэрэниие ойлгоо бэлэй.