Исай 44:26 - Библи

²⁶ Харин Минии богоолой уридшалан таахада, түсэбүүдээ мэдүүлхэеэ элшэнэрые эльгээхэдээ, Би тэдэ түсэбөө дүүргэдэгби, уридшалан хэлээшыень бэелүүлдэгби. Иерусалимда зон дахин ажаһуудаг болохо, Иудын хан түрын хотонууд дахин һэргэн бодохо гэжэ Би мэдүүлнэб.

Исай 44:26 ပူးပေါင်းရင်းမြစ်များ

4 Хаан түрэнүүд 7:16

Арад зон хотоһоо гаража, Араамай сэрэгэй хүреэниие тонохоёо ошобо. Нэгэ сатаа шиниисын гурил нэгэ шээкэлээр, хоёр сатаа ешмээнэй гурил нэгэ шээкэлээр худалдабад. Эзэнэй хэлэһэн үгэ бэелүүлэгдэбэ.

4 Хаан түрэнүүд 7:18

Бурханай хүнэй хаанда уридшалан хэлэһэн үгэнүүд булта бэелүүлэгдэбэ. Элишаа хаанда тиихэдэ иигэжэ хэлээ һэн: – Үглөөдэр энэл сагта Самариин хаалта үүдэнэй дэргэдэ хоёр сатаа ешмээнэй гурил нэгэ шээкэлээр, нэгэ сатаа шиниисын гурил нэгэ шээкэлээр худалдагдаха.

4 Хаан түрэнүүд 7:20

Тиигээд лэ Элишаагай хэлэһэн айладхал хүсэлдэжэ, олон зон хотын хаалта үүдэнэй дэргэдэ тэрэниие дайража унагаагаад, үхэтэрынь гэшхээ юм.

Эзраа 2:70

Санаартад, левидүүд, дуушад, үүдэнэй харуулшад, һүмын зарасанар гэхэшэлэн бүхы зон, бүхы израильшууд өөһэдынгөө хотонуудта ажаһуудаг болобо.

Нэхэмьяа 1:3

Тэдэнэр иигэжэ харюусаба: – Баряанһаа амиды бусаашад тэрэ газарта аргагүй хүшэр хүндэ байдалда, ехэ доромжолго доро байна. Иерусалим һандаргагданхай, үүдэнүүдынь галдагданхай.

Нэхэмьяа 2:3

хаанда иигэжэ хэлэбэб: – Хаан хэтэ мүнхэдэ ажаһууг лэ! Минии элинсэгүүдэймни хүдөөлүүлэгдэһэн хотын һандаргагдаад, үүдэнүүдэйнь галдагдаад байхада муудангүй яахабиб?

Псалманууд 102:17

Харин Эзэнэй энэрэл хайра Өөрһөөнь түбэгшөөдэг зондо мүнхэһөө мүнхэ, Зүб шударгань үри һадаһадтайнь хододоо байхал.

Псалманууд 147:2

Юуб гэбэл, Тэрэ бартаануудайтнай шэбхэ бүхэлнэ, таанарай дундахи хүбүүдыетнай юрөөнэ.

Экклезиаст 3:3

ами хороон алаха саг ба анагааха саг; эбдэхэ һандаргааха саг ба бодхоон бариха саг;

Исай 40:9

Иерусалим, үндэр хада уула өөдэ гаража, һайн мэдээ соносхо! Сион, хоолойгоо шангадхан, һайн мэдээ дуулга! Соносхогты, бү айгты! Иудын хан түрын хотонуудта Бурханайнь заларан ерэжэ байһые дуулгагты!

Исай 42:19

Минии богоолһоо өөрэгүй ехэ һохор хүн хэн бэ? Минии эльгээһэн элшэдэл адли дүлиинь хэн бэ?

Исай 42:9

Минии уридшалан айладхаһан зүйлнүүд бүтээ. Мүнөө Би таанадта шэнэ юумэ тохёолдохынь урда тээ уридшалан тунхагланаб.

Исай 49:8

Эзэн Өөрын арад түмэндэ иигэжэ айладхана: Таарамжатай сагай ерэхэдэ, Би шамда харюу үгэхэб, абарха үдэрэй ерэхэдэ, Би шамда туһалхаб. Таанадые хамгаалхаб, таанадаар дамжан, бүхы арадуудтай хэлсээ баталхаб. Хооһорһон газар дайдаяа һэргээхые Би таанадта зүбшөөхэб.

Исай 52:9

Иерусалимай һандарһан шулуунууд, хамта дуулажа, баясан хашхаралдагты! Эзэн Өөрынгөө хото абаржа, улад зонойнгоо сэдьхэл амаруулаа.

Исай 54:3

Таанад хилэнүүдээ алишье талаһаань үргэдхэхэт. Ондоо үндэһэ яһатанай газар дайдые уг удамтнай эзэлхэ, хаягдаһан хотонуудта һуурижаха.

Исай 55:11

Минии айладаһан үгэ Намдаа һөөргөө бусадаггүй, һанаһан юумыемни бүтээдэг, Минии эльгээһэн зорилгонуудые дүүргэдэг.

Исай 58:12

Танай зон эртэ урдын сагта һандарһан хотонуудые һэргээхэ, урданай сагай һандарһан гэрнүүдые дахин бодхоохо. Сүмэрһэн хана заһабарилагша, ажаһуудалай гудамжануудые һэргээгшэ гээд тэдэниие нэрлэдэг болохо».

Исай 60:10

Эзэн Иерусалимда иигэжэ хандана: Хариин зон хана хэрэмыеш бодхоохо, хаашуулынь шамда алба хэхэ. Уур дундаа Би шамайе хэһээгээ һэм, харин мүнөө шамда үршөөл хайраяа элирхэйлхэб.

Исай 61:4

Тэдэ зон эртэ урда сагта һандарһан хотонуудые һэргээн бодхоохо.

Ерэмияа 1:10

Арад уласуудые, хаан түрэнүүдые үндэһөөрнь үгы хэхын, үрижэ байхын, һандаргаахын, һалгаахын, байгуулан барижа, һуулган үндэһэлхыншни тула мүнөө Би шамда эрхэ түлөөлгэнүүдые үршөөнэб, – гэжэ айладхал буулгаба.

Ерэмияа 28:9

Амгалан тайбан байха гээд соносходог лүндэншын хэлэһэн үгэнүүдэй үнэн дээрээ бэелүүлэгдэшоо гээшэ һаань, тэрэ Эзэнэй үнэхөөр эльгээһэн лүндэншэ гээд мэдэрэгдэхэл, – гээд хэлэбэб.

Ерэмияа 30:18

Эзэн айладхана: Яковай майхангуудые һайн һайханаар һэргээн бодхоохоб, гэр бүлэ бүхэниие хайрлахаб, Иерусалим дахин һэргэхэ, ордон урдынхидал адляар бодохо!

Ерэмияа 31:4

Дахин таанадые һуурижан байгуулхаб, дахин таанад хэнгэрэгүүдээ барин, баяртайгаар бүжэглэн-хатаран байхат.

Ерэмияа 32:15

Энэ газар дайдада гэр байшангууд, таряалангууд, үзэмэй модоной сэсэрлигүүд дахин худалдан абтадаг болохо гэжэ Түмэн Сэрэгтэ Эзэн тунхаглана».

Ерэмияа 32:44

Зон тэдэниие худалдан абаха, иимэ хэрэгүүд гар табилгаар баталагдаха, ласадагдаха, гэршэлэгдэхэ. Иимэ юумэн Бэньямиинэй газар дайдада, Иерусалимай оршон тойронхи хүдөө нютагуудта, Иудын хан түрын хотонуудта, хада уулаар, нюруугааршье, Иудын хан түрын урда зүгтэшье оршогшо нютагуудаар үзэгдэхэ. Зониие орон нютагтань бусаахаб. Энэ болбол Би, Эзэн, айладхана мүн!

Ерэмияа 33:7

Иудын болон Израилиин зониие баряанһаа бусаажа, хэрэгүүдыень амжалтатай болгохоб, хуушанайхидань адляар һуурижуулхаб.

Эзэкээл 36:10

Израилиин улад зон таанад руу бусажа, хотонуудые һэргээн бодхоожо, ажамидардаг болохо.

Эзэкээл 38:17

Эзэн Гоогто айладхаба: «Үни урда сагта лүндэншэдөө эльгээжэ, добтолхоо зэһээд байһан дайсад тушаа Израилиин арад түмэниие һэргылхыень даагша һэм. Гоог, ши хадаа тэрэ дайсан гээшэш.

Даниил 9:12

Огторгой доро үзэгдөө-харагдаагүй, харин мүнөө Иерусалимтай тохёолдогшо тэрэ ехэ гай тодхор маанад дээрэ буулгажа, маанад болон удамаршад тушаамнай айладхалаа тэрэ бэелүүлээл.

Даниил 9:25

Иерусалим хотые дахин бариха тухай зарлигай гараһаар оливын тоһоор арюудхан шэлэгдэһэн удамаршын тодортор долоо дахин долоон хоног, удаань үшөө жаран хоёр долоон хоног үнгэрхэ гээд мэдэжэ, ойлгожо бай. Тиигээд хотын талмай, хотые тойроод малтадаг бүһэлүүр нүхэн дахин һэргээгдэхэ, гэбэшье эдэ бүгэдэ гай гасалантай жэлдэ хэгдэхэ.

Амоос 9:14

Өөрын арад түмэн Израильда урданайнь һалбарал бусаахаб: хооһорһон хотонуудые тэдэ дахин шэнээр барижа, зониие байрлуулха; уһан үзэмэй модо һуулгажа, үзэмэй дараһан архи ууха; сэсэрлиг ургуулжа, жэмэс эдихэл!

Хаггай 1:13

Эзэнэй мэдээсэгшэ Хаггай айладхалынь арад түмэндэ дамжуулба: «Би таанадтай байхаб, энэ Минии найдуулга мүн гэжэ Эзэн айладхана!»

Захарияа 1:17

Үшөө иигэжэ зарлаарай: Түмэн Сэрэгтэ Эзэн иигэжэ айладаа: Минии хотонууд хүгжэн һалбарха. Эзэн Сиониие дахяад тайбшаруулжа, Иерусалимые дахин шэлэхэ.

Захарияа 1:6

Минии богоол болохо лүндэншэдтэ һургаал болгон дамжуулһан Минии үгэнүүд, Минии гаргаһан шиидхэбэринүүд танай эсэгэ элинсэгүүдтэ бэелээгүй гэжэ байгаа гү? Тэдэ хэлэгшэ бэлэй: «Ябаһан харгыемнай, хэһэн хэрэгыемнай Эзэн яажа сэгнээ һэм, тиимээр лэ үйлэ бүтээгээ», – гэжэ Түмэн Сэрэгтэ Эзэн тунхаглаба гэбэ.

Захарияа 12:6

Тэрэ үдэр Би Иудын тэргүүтэниие зэргэлһэн модон соохи галта түүдэг мэтэ болгохоб, тэдэ тойроһон арадуудые таряанай хуурай һолоомо галдаһан шэнги шатааха. Тэдэ баруун зүүн талын арадуудые илажа, Иерусалимда оршон һуугшад амгалан амилха.

Захарияа 2:4

Тэрэ иигэжэ хэлэбэ: – Түргэн ошожо тэрэ залууда хэлэл даа: Иерусалимда зон малынь олошорһон ушарһаа оршон тойронхи газараар таран һууха, хана хэрэмгүй һуурин мэтэ болохо.

Матвей 26:56

Эдэ бүгэдэ Нангин Бэшэг соо лүндэншэдэй бэшэһэн мүрнүүдэй бэелхын тула болоо. Тиихэдэнь Иисүүсэй шабинарынь булта Тэрэнээ орхёод, зугадаба.

Матвей 5:18

Газар тэнгэри хоёрой байгаал сагта, Хуулиин багаханшье зүйл, бишыханшье үзэгынь үгы болохогүй гэжэ таанадта баталан хэлэнэб. Досоонь бэшээтэй бүхы юумэнүүд заабол бэелхэ зэргэтэй юм.

Лука 24:44

Һүүлээрнь Иисүүс тэдэндэ хэлэбэ: – Нам тухай Моисейн Хуули соо, лүндэншэдэй номууд соо, Бурханай магтаалнууд соо бэшэгдэһэн бүхы юумэн бэелхэ гэжэ Би таанадтаяа байхадаа хэлээ һэнби. Тиимэл юумэн болоо.