Исай 44:21 - Библи

²¹ Эзэн иигэжэ айладхана: «Яков, энээниие һанан байгаарай, Израиль, һанан байгаарай, ши Минии богоол гээшэш. Өөртөө богоол болгохо гэжэ Би шамайе байгуулааб. Израиль, Би шамайе мартахагүйб.

Исай 44:21 ပူးပေါင်းရင်းမြစ်များ

Исай 27:11

Тэрэнэй мүшэрнүүд хатажа хухарха. Тиихэдэнь эхэнэрнүүд ерэжэ, түлеэн мэтээр шатааха. Зоной юушье ойлгоогүй һэн тула Байгуулагшань тэдэниие хайрлахагүй, Бүтээгшэнь нигүүлэсхы зан гаргахагүй.

Исай 40:27

Эзэн гай гасалангыем мэдэнэгүй, хэрэгни буруу шиидхэгдээ гэжэ юундэ гомдол баринабши, Яков, юундэ иигэжэ хэлэнэбши, Израиль?

Исай 42:23

Таанадай хэн энээн тушаа шагнахаб? Хэзээ анхаралтайгаар иимэ юумэ шагнажа эхилхэбта:

Исай 43:1

Яков, шамайе байгуулагша, Израиль, шамайе бүтээгшэ Эзэн иигэжэ айладхана: «Бү ай, Би шамайе абархаб. Би шамайе нэрээршни нэрлээб, ши Минии болоош.

Исай 43:15

Би болбол танай Арюун Эзэн Бурхантнай гээшэб. Израиль, таанадые бүтээгээб, хаантнай Би мүн!»

Исай 43:7

Тэдэ Минии Өөрын зон, Өөрын алдар солын тула Би тэдэниие бүтээгээ бэлэйб».

Захарияа 10:9

Тэдэниие Би холын оронуудта тараагаашье һаам, тэндэ Намайе ходо һанажа байхал. Тэдэ хамта тэндэ амидарһан хүүгэдтэеэ гэртээ бусажа ерэхэ.

Хуули дабталга 32:18

Мүндэлүүлһэн Хабсагайгаа тэдэ мартаа, ами наһа үршөөһэн Бурхаяа ой ухаандаашье оруулаагүй.

Хуули дабталга 4:23

Теэд болгоомжологты! Эзэн Бурхантаяа баталһан хэлсээгээ бү мартагты! Эзэн Бурханайтнай захирһанай ёһоор, ямаршье юумэ һажааһан хүрэг, дүрсэ бү дархалагты.

Хуули дабталга 4:9

Теэд болгоомжологты! Хараһан үзэһэн үйлэ хэрэгүүдээ бү мартагты, бүхы наһаараа ой ухаанһаатнай тэдэ бү гараг. Эзэн Бурханайнгаа урда Хорээб хадын дэргэдэ зогсоһон тэрэ үдэр тушаа үхи хүүгэдтээ, аша гушанартаа хөөрэгты. Тэндэ Эзэн намда иигэжэ айладхаа бэлэй: «Улад зониие Минии урда суглуула, Би тэдээндэ Өөрынгөө һургаал айладхахам. Тиихэдэм тэдэнэр хүрьһэтэ дэлхэй дээрэ амидаран байгаа бүхы наһан соогоо Намайе хүндэлжэ һураха, энээндэ үхи хүүгэдээшье һургахал».