Исай 44:19 - Библи

¹⁹ «Би модоной хахадые галда түлижэ, нүүрһэн дээрэнь хилээмэ баряаб, мяха шаража эдеэб. Тиигээд би үлэһэн модоор шүтөөн бүтээгээб. Тэрэ модоной тайрадаһанай урда мүргэхэ юм гүб?» гэжэ хэлэхэ ухаан, мэдэсэ, ойлгосо тэдээндэ байхагүй.

Исай 44:19 ပူးပေါင်းရင်းမြစ်များ

3 Хаан түрэнүүд 11:5

Иигэжэ Соломоон Сидооной эхэнэр бурхан Аштаартада, Аммооной жэгшүүрилтэ шүтээн Милхоомдо шүтэжэ эхилбэ.

3 Хаан түрэнүүд 11:7

Удаань Соломоон Моһаабай жэгшүүрилтэ шүтээн Хэмоошто ба Аммооной жэгшүүрилтэ шүтээн Моолохто зорюулан, Иерусалимай зүүн зүгтэ байгаа уула дээрэ мүргэлэй обоо байгуулба.

4 Хаан түрэнүүд 23:13

Хаан Иерусалимай зүүн тээһээ урагшаа Элеон хада хүрэтэр байһан мүргэлэй шүтөөнүүдые бузарлаба. Израилиин хаан Соломоон сидооной яндан – Аштаарта, моһаабай яндан – Хэмоошто болон аммооной яндан – Милхоомдо шүтөөнүүдые барюулһан байгаа.

4 Хаан түрэнүүд 23:14

Тэрэ нангин шулуунуудые буталба, Ашэраагай модон сэргэнүүдые таһар сабшажа унагааба. Тиигээд тэрэ нангин тэдэ газарнуудта үхэһэн хүнүүдэй яһануудые хаяба.

Египедһээ гаралга 7:23

Тэрэ эрьелдээд, ордон тээшээ ябаба, эдэ бүгэдые анхарбагүй.

Исай 44:18

Иимэ зон хэжэ байһан юумэеэ мэдэхэгүй, мунхаг. Үнэн байдал ойлгохогүйн тула тэдэ нюдөө хаадаг, ухаагаа хабхагладаг.

Исай 45:20

Эзэн иигэжэ айладана: «Үндэһэ яһатад, хамтадаа ерэгты! Амиды үлөөшэ зон, зарга шүүлгэндэ дүтэлэн ерэгты, абаржа шадахагүй бурхадта зальбарагшад, модон шүтөөнүүдые абажа ябаашад юушье мэдэхэгүй зон!

Исай 46:8

«Энээн тушаа һанан байгты, эшэгты, ухаа орогты, буһалгаатан!

Исай 5:13

Тиимэһээ ойлгодоггүй хадаа арадни баряанда туугдан ошохо. Удамаршадынь туража үхэхэ, хара зониинь ангажа хосорхо.

Исай 66:3

Үргэл үргэжэ, үхэр алана гү, али хүниие алана гү; хурьга үргэл гэжэ үргэнэ гү, али нохойн хүзүү мушхана гү; орооһо таряа үргэнэ гү, али гахайн шуһа үргэнэ гү; уталга ууюулна гү, али шүтөөндэ мүргэнэ гү, – зондо хамаагүй болонхой. Бузар муухай юумэ хэхэдээ тэдэ баясадаг.

Эзэкээл 40:4

Тэрэ хүн намда иигэжэ хэлэбэ: – Хүнэй үри Эзэкээл! Минии харуулһан юумэ ехэ анхаралтайгаар харан хадуужа абаарай. Энээнэйл түлөө ши иишээ асарагдаа ха юмши. Хараһан юумэеэ бултыень Израилиин улад зондо дуулгахаш.

Һошээ 4:12

Минии арад түмэн модон онгонһоо зүбшэл заабари асуужа байна! Тэдэ Намһаа буруу хаража, ондоо бурхадта мүргэжэ, янхан эхэнэртэл адли, забхай зальхай хэрэгүүдые эрхилнэ.

Һошээ 7:2

Муу муухай хэрэгүүдыень Минии бултыень һанажа байһые тэдэ мэдэнэгүй. Теэд нүгэл шэбэлынь тэдэниие тойроод байнал, Би мүнөө эли хаража-үзэжэ байнаб.

Хаггай 1:5

Мүнөө Би, Түмэн Сэрэгтэ Эзэн, иигэжэ айладханаб: Өөрынгөө хэһэн үйлэ хэрэгүүд тухай бодомжолжо үзэгты!

Хуули дабталга 27:15

«Хэн нэгэн модо, шулуугаар гү, али шудхажа шүтөөн бүтээгээд, нюусаар тэрээниие табяа һаа, хараалай ехэ хараал өөртөө шэнгээхэ! Юуб гэхэдэ, тэдэ хадаа дарханай гараар хэгдэһэн, Эзэндэ жэгшүүритэй муухай юумэн гээшэл». Тиихэдэнь бүхы арад зон харюудань хэлэхэ: «Болтогой!»

Хуули дабталга 32:46

үшөө иигэжэ нэмэбэ: – Мүнөөдэр минии һэргылжэ хэлэһэн үгэнүүдые зүрхэ сэдьхэлдээ хадуужа абагты, энэ һургаал заабариин бүхы үгэнүүдые сахин дүүргэхыень үхи хүүгэдтээ захигты.