28 Тиимэ ушарһаа Би санаарта ударидагшадые нангин үүргэһээнь болюулааб, Яковые хосоролдо үгөөб, Израилиие доромжолгодо оруулбаб.
Оо, Гилбооһын уула хаданууд, таанад дээрэ шүүдэр бү унаг, бороо бү орог, таряалангууд хододоо хооһон байг лэ! Юуб гэхэдэ, эрэлхэг зоригтойшуулай бамбай, Саулай тоһо түрхюулһэн бамбай тэндэ бузарлагдаба.
Эльазаарай, Итамаарай хүбүүдһээ Бурханай урдахи нангин газарай ахалагшадые жээрэбэй гуримаар элирүүлдэг һэн.
Иигэжэ Эзэн тэдээндэ добтолхыень Вавилооной хааниие эльгээбэ. Вавилооной хаан Эзэнэй Һүмэ соо залуу хүбүүдые һэлмээр сабшан усадхаба. Тэрэ хэнииешье – эрэ, эмыешье, залуу, хүгшэншье зониие хайрлабагүй. Бурхан тэрэнэй мэдэлдэ бүхы зониие үгэһэн байба.
Бурхан! Маанадые һөөргэнь бусаагыт! Нюуртнай гэрэлтэг, бидэ абарагдахабди!
Тиимэһээ дэлхэй Бурханай хараалда хүртэжэ, дээрэнь амидарагша улад зон нүгэлөө эдлэжэ байна. Газар дээр амидарагшад үгы болоно. Зон үсөөрһөөр үсөөрнэ.
Эзэнэй һэлмэ огторгойдо хэрэг бүтээгээд, мүнөө шүүбэрилхэеэ Эдоом руу буужа байна, хюдаха гэжэ Эзэнэй шиидэһэн арад зон дээрэ буухаяа байна.
Би Өөрын арад түмэндэ уурлан, доромжолжо, шинии мэдэлдэ дамжуулаа бэлэйб. Ши тэдээндэ энэрэл хайра үзүүлэнгүй, наһатайшье зониие дарлан-зобоон байгааш.
Минии һунгаһан зон танай нэрэ хараал мэтээр хэлэдэг болохо. Би, Эзэн Бурхан, таанадые хюдахаб. Харин Намда һүгэдэн мүргэдэг зондо шэнэ нэрэ үгэхэб.
Газар дэлхэйн бүхы хаан түрэнүүдэй һүрдэмөөр гай тодхор тэдээндэ тохохоб. Минии тэдэниие тарааһан бүхы газарнуудаар зон тэдэниие энеэдэ наада бариха, доромжолхо, шоодборилхо ба хараал шэрээл табиха.
Вавилооной хаан тэдэниие Хамаат газарай Риблаа хотодо саазалба. Иигэжэ Иудын хан түрын улад зон түрэл нютагһаа сүлэгдөө һэн.
Эзэн Яковай гэр байрануудые хайра гамгүй хюдаа, уур хилэн дундаа Иудын бүхэлэлтэнүүдые усадхаа, хааниие болон түшэмэлнүүдые бузарлаа, газар руу шэдээ.
«Тэрэнэй хамгаалалта доро бидэ үндэһэтэдэй дунда амидархабди» гэжэ маанадай хэлэжэ байһан, амисхалнай болохо, Эзэнэй шэлэһэн нэгэн тэдэнэй нүхэндэ орожо баригдаа.
Минии шамайе шүүбэрилжэ, уурлан, сухалдан, хэһээн байхада, тойроод шамайе байгааша бусад арадууд һүрдэхэ. Тэдэ ехэ бузартай юумэ хараһандал шам руу хаража, шоо үзэн наадалха. Энэ болбол Би, Эзэн, айладхаа мүн!
Израилиин хүн бүхэн Танай хуули ёһо дэбһэжэ, үгыетнай дуулангүй буруу хараа, тиимэһээл Бурханай үнэн зараса Моисейн хуули ёһо соо бэшээтэй тэрэ хараал шэрээл, муухай ёро манай толгой дээрэ буугаал. Бурханай урда иимэ ехэ нүгэлтэй гээшэлди.
Огторгой доро үзэгдөө-харагдаагүй, харин мүнөө Иерусалимтай тохёолдогшо тэрэ ехэ гай тодхор маанад дээрэ буулгажа, маанад болон удамаршад тушаамнай айладхалаа тэрэ бэелүүлээл.
Гай тодхор бидэндэ эльгэхэеэ, буулгахаяа Эзэн удаарбагүй. Эзэн Бурханай хэһэн бүхы үйлэ хэрэгүүдынь зүб, харин бидэл үгыень дуулаагүйбди.
Эльгээмэл намда иигэжэ хэлэбэ: – Энэ хадаа бүхы газар дэлхэйдэ бууһан хараал гээшэ. Хулгай хэһэн хамаг амитан һүнэхэ гэжэ нэгэ таладань бэшээтэй, худалаар тангариг үгэһэн хүншье баһал һүнөөгдэхэ гэжэ нүгөө таладань бэшээтэй.
Арадуудай дунда Иудын удам, Израилиин уг удам хараал боложо байһые Би үреэл болгожо, таанарые абархаб. Бү айгты, шандааһаяа шангадхан хүсэ шадалаа элсүүлэгты».
Бусад арадуудай абарагдахын тулада Бурханай үгэ номноходомнай тэдэ баһал һаалта хэнэ. Тиигэжэ Иудейн зон хэһэн нүгэлнүүдэй хүсэлдүүлбэ. Одоол мүнөө Бурхан тэдэниие хэһээхэнь даа.