Исай 43:23 - Библи

²³ Түгэс шатаалта үргэлэй хонидые Намда асараагүйш. Үргэл хэжэ Намайе хүндэлөөгүйш. Би шамайе үргэл Намда үргэ гэжэ баадхаа бэшэб, уталга Намда ууюула гэжэ захираа бэшэб.

Исай 43:23 ပူးပေါင်းရင်းမြစ်များ

Нэхэмьяа 13:10

Левидүүдтэ үгтэхэ хубиин үгтэхэеэ болиходо, алба бэелүүлдэг левидүүд дуушадтаяа хамта өөһэд өөһэдынгөө газар гүйлдэбэ гэжэ мэдэбэб.

Египедһээ гаралга 30:34

Эзэн Моисейдэ зарлиг болобо: – Натаат, шэхэлээт, галбаан гэжэ хангал үнэртэй бодосуудые сан ууюулдаг дабирхайтай холижо,

Һургаал 15:8

Хара нүгэлтэнэй үргэлһөө Эзэн жэрхэдэг. Үнэн сэдьхэлтэй хүнэй зальбарал Тэрэнэй талархалда хүртэдэг.

Һургаал 21:27

Нүгэлтэнэй үргэһэн үргэлыншье бузартай, илангаяа хорон муу һанаагаар үргэһэн үргэл бүришье муухай.

Һургаал 3:9

Эд зөөриһөө ба бүхы бүтээгдэһэнэй дээжэһээ Эзэндэ үргэн хүндэлэ.

Исай 66:3

Үргэл үргэжэ, үхэр алана гү, али хүниие алана гү; хурьга үргэл гэжэ үргэнэ гү, али нохойн хүзүү мушхана гү; орооһо таряа үргэнэ гү, али гахайн шуһа үргэнэ гү; уталга ууюулна гү, али шүтөөндэ мүргэнэ гү, – зондо хамаагүй болонхой. Бузар муухай юумэ хэхэдээ тэдэ баясадаг.

Ерэмияа 7:21

Израилиин Бурхан, Түмэн Сэрэгтэ Эзэн иигэжэ айладана: Израилиин арад түмэн, таанад түгэс шатаалта үргэл хэдэгта, тиихэдэ үшөө үлэһыень өөһэдөө эдихэдэ хамаагүй үргэл гэдэг байнат. Бултыеньшье эдиит!

Ерэмияа 7:22

Би таанадай үбгэ эсэгэнэрые Египедэй орон нютагһаа гаргахадаа, түгэс шатаалта үргэл тухай хэлээгүй, захираашьегүй бэлэйб.

Левит 2:1

Хэрбээ али нэгэн Эзэндэ талхан үргэл хэхэ гэбэл, шэниисын гурил асараг, тэрээндээ оливын тоһо адхаад, дээрэнь гүгэл хээд,

Левит 24:7

Багса бүхэнэй хажууда сэбэр гүгэл табигты. Энэнь Эзэндэ үргэл, үргэгдэһэн хилээмэнэй үргэлэй тэмдэг хуби болохо.

Амоос 5:25

«Израилиин арад зон, таанар дүшэн жэлэй туршада сүл губяар нүүжэ ябахадаа, амитадые гаргаад, Намда үргэл үргэдэг байгаа аалта?!

Михей 6:3

Эзэн иигэжэ айладхана: «Арад түмэмни! Би таанарта юу хээбиб, яажа зобоогообиб? Харюуса Намда!

Малаахи 3:8

Хүнүүд Бурханиие мэхэлхэ ёһогүй. Гэбэшье таанад Намайе мэхэлжэ байнат. «Яахадаа Таниие мэхэлһэн болонобибди?» гэнэт. Таанад бүхы зөөриингөө арбанай нэгэ хубиие үгэхэ, мүн Намда онсо үргэл хэхэ ёһотой байгаат.

Матвей 11:30

Минии таанадта үгэхэ хазаар хашар бэшэ юм даа, таанадта ашаха ашаан хүнгэн юм даа.