Исай 42:25 - Библи

²⁵ Тиимэһээ Тэрэ Өөрын уур хилэнгэй шангые, хатуу дайе маанад дээрэ тохоо. Израиль дотор хаа-хаанагүй уур хилэнгэйнь түймэр мэтэ бушаганаашье хадань, бидэ ойлгоогүйбди, мэдэрээгүйбди».

Исай 42:25 ပူးပေါင်းရင်းမြစ်များ

4 Хаан түрэнүүд 25:9

Тэрэ Эзэнэй һүмэ, хаанай ордон, Иерусалимай бүхы томо һайн гэрнүүдые дууһан шатааба.

Иоов 40:11

Шүрбэһэлиг хүлынь харыш, ууса бэень ямар һүрөөтэйб даа.

Исай 29:13

Эзэн иигэжэ айладхаа: «Энэ улад зон Намда зальбарна, теэд үгэнүүдынь удхагүй хооһон, тэдэ хэлэ амаараа Намайе хүндэлнэ, харин зүрхэ сэдьхэлдээ Нам тухай огто бодоногүй. Тэдэнэй шүтэхэ зүйлынь гэбэл, гансал зоной ёһонууд, заншалнууд.

Исай 47:7

Хэтэ мүнхэдөө хатан байхаб гэжэ ши һанааш. Саашадаа юун болохыень һанаандаашье оруулаагүйш.

Исай 48:8

Таанадта этигэхын аргагүй гэжэ Би мэдэжэ байгааб. Урбахаар зон гээд таанад тушаа хэлсэдэг һэн. Тиимэһээл энээн тушаа таанадта Би дуулуулаагүйб, шэхэндэтнай энээн тушаа ямаршье үгэ дуулдаагүй һэн.

Исай 5:25

Эзэн Өөрын арад түмэндэ уур сухал боложо, гараа тэдээн руу һунгажа, сохихо! Хада ууланууд доһолжо, үхэһэн зоной хүүрнүүд бог шорой мэтэ үйлсэнүүдээр хэбтэхэ. Энээнэй удаашье Тэрэнэй уур хилэн унтархагүй, гарынь һунгаатай зандаа байха!

Исай 57:1

Зүб шударга хүнэй наһа барахада, хэншье энэ ушар ехэ тоожо байдаггүй. Үршөөл хайратай зон наһа барана, юундэ энэ болоноб гэжэ хэншье мэдэнэгүй. Зүб шударга хүн муу юумэнһээ зайлана.

Исай 57:11

Эзэн иигэжэ айладхана: «Намайе сэдьхэлдээ хадагалжа байнгүй, худал хэлэжэ байхадаа таанад ямар бурхадһаа айдаг болообта? Удаан сагта абяа шэмээгүй байһандам Намһаа айхаяа болёо гүт?

Исай 9:13

Израилиин арад түмэн һанаа ороногүй, Түмэн Сэрэгтэ Эзэнэй хэһээгээшье хадань тэдэ һөөргөө бусанагүй.

Исай 9:19

Түмэн Сэрэгтэ Эзэнэй уур хилэн газар дэлхэйгээр хаа-хаанагүй бушаганаха, зониие шатаан һалгааха, хэншье хэнииешье хайрлахагүй.

Ерэмияа 12:11

Энэнь зэлүүд хооһон, эзэгүй болоод, Минии урда уйлажа байна. Бүхы газар нютаг ханха зайдан болоо. Хэншье тэрэниие хайхарнагүй.

Ерэмияа 5:3

Оо, Эзэн! Зоной Танда үнэн сэхэ байхые хүсэнэт. Танай тэдэниие сохиходо, тэдэ һэншье гэнэгүй. Танай тэдэниие хэһээхэдэ, тэдэ һургаал абахаяа татагалзана. Тэдэ үсэрхэжэ, нүгэлөө мэдэрхэһээ арсана.

Ерэмияа 7:20

Тиимэһээ Би, Эзэн Бурхан, Өөрынгөө бушаганама уур хилэнгые үргөөгэй оршодог энэ газар дээрэ, хүн ба адагуусан дээрэ, талын модод ба газарай үрэ жэмэс дээрэ буулгахам. Гал дүлэн носожо, хэншье тэрэниие унтараажа шадахагүй.

Гашуудал 2:3

Бушаганаһан сухал дундаа Израилиин бүхы хүсэ шадалые үгы хээ. Гарынь дайсанһаа аршалхаа болёо. Тойроод бүхы юумэ залгидаг галдал Яковые шатаан дүрэлзөө.

Гашуудал 2:4

Эзэн дайсандал һурша номоо татаа, дайсан мэтэ, һэлмэ гартаа баряа, нюдэндэ таатай бүхы юумэ усадхаа! Тэрэ Сионой басаганай майхан руу уур хилэнгээ гал дүлэн мэтэ адхаа!

Эзэкээл 20:34

Тараһан газарнуудһаатнай таанадые суглуулхадаа, Өөрынгөө хүсэ шадалые, уур хилэнгые харуулхаб.

Һошээ 7:9

Хариин арад зон хүсэ шадалынь һалгаажа байна. Теэд тэдэ ойлгоногүй. Тэдэнэй үһэн сайшоо, теэд тэдэ тэрэнээ мэдэнэгүй.

Наум 1:6

Тэрэнэй зэбүүрхэн байхада хэн амиды мэндэ байжа шадахаб? Шатан дүрэлзэжэ байгаа уурыень хэн тэсэхэб? Уур хилэнгынь гал мэтэ дэлгэржэ, хада ууланууд урдань нуран унанал.

Малаахи 2:2

Түмэн Сэрэгтэ Эзэн айладажа байна: «Хэрбээ таанад хэлэһыем шагнахагүй, Минии нэрэ хүндэлхын тулада энээниие сэдьхэлдээ хүлеэн абахагүй һаатнай, Би хэһээлтэ буулгахаб. Минии алдар нэрэ үргөөгүй байбал, танай абаһан үреэл һөөргэ сухаряад хараал болохо. Ушарынь хадаа таанад Минии нэрэ хүндэлнэгүйт.

Хуули дабталга 32:22

Гал дүлэн мэтээр Минии уур сухал бужаганаа, үхэлэй орон хүрэтэр дүлэтэнэ, газарые болон хэшэгыень шатаан залгижа, хада уулын үндэһэ һуури хайрана.