Исай 42:22 - Библи

²² Харин мүнөө Тэрэнэй арад дээрмэдүүлэгдээ. Тэдэ бултадаа нүхэн руу хаюулжа, түрмэ шорондо хаагданхай. Тэдэ олзо болоо, хэншье тэдэниие абархагүй.

Исай 42:22 ပူးပေါင်းရင်းမြစ်များ

Псалманууд 102:20

Тэрэнэй үгэ дууладаг, айладалынь дүүргэдэг, хүсэ шадалтай Эльгээмэлнүүдынь, Эзэндэ магтаал үргэгты!

Исай 1:7

Орон нютагтнай хооһороо, хотонуудтнай дууһан шатаагдаа, хараһаар байтартнай хариин зон танай газар эзэмдэн, бүхы юумыетнай залгина, һандаргана.

Исай 14:17

Дэлхэйе элһэн сүл губи болгоһон, хотонуудые һандаргааһан, баряанда абтаһан зониие оройдоошье табидаггүй хүн энэ гээшэ гү?»

Исай 18:2

Хулһан онгосонуудаар элшэнэр эльгээгдэнэ. Хурдан элшэнэр, үндэр нюргатай, мэлигэр арһатай арад руу шамдыт! Тэрэ арадһаа бүхы зон айдаг. Хүсэтэй, шанга арад зон бүгэдые диилэдэг, орон нютагынь гол мүрэнүүдээр хубаагданхай байдаг лэ.

Исай 24:18

Айха һүрдэхэ зүйлһөө тэрьедэгшэд нүхэн руу унаха, нүхэнһөө абиран гарагшад зангада орохо. Огторгойн сонхонууд нээгдэбэ! Дэлхэйн һууринууд доһолбо!

Исай 24:22

Нүхэн соо тэдэ хаашуул суглуулагдажа, шорондо хаюулагдаха. Тиигээд олон хоногой удаа тэдэ зарга шүүхэдэ орохо.

Исай 24:3

Газар дэлхэй дууһан хооһорхо, бүхыдөө тонуулаатай юумэн хэбтэхэ. Ушарынь гэбэл, Эзэн иимэ айладхал буулгаа бшуу.

Исай 36:1

Хэзэкияа хаанай арбан дүрбэдэхи жэлээ хан түрэеэ засаглажа байхада, Ассириин хаан Сэннахэрииб дайгаар добтолжо, сэрэгүүдээрээ Иудын бэхижүүлэгдэһэн бүхы хотонуудые тойрон бүһэлөөд, һүүлдэнь эзэмдэн абаба.

Исай 42:23

Таанадай хэн энээн тушаа шагнахаб? Хэзээ анхаралтайгаар иимэ юумэ шагнажа эхилхэбта:

Исай 42:7

Тиихэдэм, һохор зоной нюдэн нээгдэхэ, түрмэдэ һуугшад сүлөөдэ гараха, харанхыда һуугшад түрмэһөө гараха.

Исай 45:13

Киирые үнэн зүб үйлэ хэрэг ябуулхын тула Би тодоруулааб. Тэрэнэй ябадаг бүхы харгы зам жэгдэлхэб. Тэрэ Минии Иерусалим хото һэргээн бодхохо, баряанда байгааша Минии арад зониие сүлөөлхэ. Иимэ юумэ хэхэдэнь хэншье тэрээндэ шагнал үгэхэб гэжэ найдуулаа бэшэ. Иигэжэ Би, Түмэн Сэрэгтэ Эзэн, айладхана мүн!»

Исай 5:29

Дайсанай сэрэгшэд залуу арсалан мэтэ архиржа, олзоо шүүрэн абахадань, хэншье буляан абажа шадахагүй.

Исай 51:23

Таанадые тамалагшадта энээниие үгэхэб. Тэдэ таанадые газар дээрэ хэбтүүлэн, шорой мэтээр дээгүүртнай дэбһэн гараа бэлэйл».

Исай 56:9

Хариин зоной ерэжэ, Өөрынь арад түмэниие хээрын ан арьяатандал адли зооглохыень Эзэн захирна.

Ерэмияа 50:17

Эзэн иигэжэ айладхана: – Израилиин улад зон арсалангуудта намнуулжа тараагдаһан һүрэг мэтэ. Урид тэдээндэ Ассириин хаан добтолон орожо мүлжэдэг һэн, удаань Вавилооной хаан Навуходоносор яһа уһыень хухалаа.

Ерэмияа 52:31

Эвиил-Мэродаах Вавилооной хаан болоходоо, тэрэл жэлээ Иудын хаан Ехонияае олзолгондо абтаһанһаа хойшо гушан долоон жэлэй үнгэрөөд байхада, арбан хоёрдохи һарын хорин табадахи үдэр тэрэниие түрмэһөө табиба.