Исай 42:19 - Библи

¹⁹ Минии богоолһоо өөрэгүй ехэ һохор хүн хэн бэ? Минии эльгээһэн элшэдэл адли дүлиинь хэн бэ?

Исай 42:19 ပူးပေါင်းရင်းမြစ်များ

Исай 26:3

Бурхан, Тандаа этигэдэг, хатуу зоригтой зондо Та тэгшэ энхэ тайбан байдал үршөөнэт.

Исай 27:5

Минии дали доро орохоёо тэрэ оролдог, Намтай эбтэй байха тухай хэлсээ баталаг, мүн даа, Намтай эбтэй эетэй байха тухай хэлсээ баталаг!»

Исай 29:18

Тэрэ сагай мандахада, дүлии зон хуйламал номой үгэ соносожо, харанхыда байгааша һохор зоной нюдэн харадаг болохол!

Исай 41:8

Харин ши, Минии богоол Израиль! Минии шэлэһэн Яков! Минии нүхэр Абраһаамай үри һадаһад!

Исай 43:8

Эзэн иигэжэ айладхал буулгана: «Нюдэтэйшье һаа, һохор, шэхэтэйшье һаа, дүлии Минии арад түмэниие шүүбэрилхыем асарагты!

Исай 44:26

Харин Минии богоолой уридшалан таахада, түсэбүүдээ мэдүүлхэеэ элшэнэрые эльгээхэдээ, Би тэдэ түсэбөө дүүргэдэгби, уридшалан хэлээшыень бэелүүлдэгби. Иерусалимда зон дахин ажаһуудаг болохо, Иудын хан түрын хотонууд дахин һэргэн бодохо гэжэ Би мэдүүлнэб.

Исай 56:10

Тэрэ иигэжэ айладхана: Арад зониием һэргылхэ үүргэтэй ударидагшадынь һохор! Юушье мэдэнэгүй! Тэдэ бултадаа хусажа шададаггүй, гансал унтадаг, һанаандаа гоёор зураглан хэбтэдэг нохойнуудта адли!

Исай 6:9

Тиихэдэм Тэрэ айладаба: – «Хэды дуулаһаншье һаа, таанад юумэ ойлгохогүйт. Хэды хараһаншье һаа, юумэ обёорхогүйт» гэжэ тэрэ арадта ошожо хэлэ.

Ерэмияа 4:22

Эзэн иигэжэ хэлэнэ: «Арад зомни мунхаг. Тэдэ Намайе мэдэдэггүй. Тэдэ тэнэг үхибүүдтэл адли, юумэ ойлгодоггүй. Муу юумэ үйлэдэхэдөө һүрхэй, харин һайн юумэ хэхэеэ шададаггүй».

Ерэмияа 5:21

Шагныта, тэнэг, ухаагүй зон! Таанад нюдэтэй байбашье, харадаггүйт, шэхэтэй байбашье, дууладаггүйт.

Эзэкээл 12:2

– Хүнэй үри Эзэкээл! Үгэ дууладаггүй зоной дунда ажаһуунаш. Тэдэ нюдэтэй аад, юушье харадаггүй, шэхэтэй аад, юушье дууладаггүй, юуб гэхэдэ, үгэ дуулахаяа һананагүй.

Матвей 13:13

Юундэ тэдэндэ таамаг удхатай һургаалта үгэнүүдые хэлэнэбиб гэбэл, тэдэнэр хаража байһанаа обёорногүй, шагнажа байһанаа дууланагүй, юумэ ойлгоногүй.

Иоанн 12:40

«Бурхан тэдэ хүнүүдые һохор болгоо, ухааень балартуулаа. Тиимэһээ тэдэ нюдөөрөө юумэ харанагүй, ухаагаараа юумэ ойлгоногүй. Тиигээгүй һаа, Намда тэдэ хандаха һэн, Би тэдэниие аргалжа эдэгээхэ һэм».

Иоанн 9:39

– Зарга шүүбэри хэхэеэ Би энэ дэлхэйдэ ерээб. Тиихэдээ юумэ харадаггүй хүнүүд харадаг болохо, юумэ харадаг хүнүүд һохор болохо, – гэжэ Иисүүс хэлэбэ.

Иоанн 9:41

– Үнэхөөрөө һохор байгаа һаа, таанар зэмэгүй байха һэнта. Теэд таанар юумэ харанабди гэнэт. Иимэ ушарһаа таанар зэмэтэй зандаа үлэнэт, – гэжэ Иисүүс харюусаба.

Римэйхиндэ 11:25

Аха дүүнэр, өөһэдыгөө сэсэн ухаатайбди гэжэ бодожо байхагүйнтнай тула энэ нюуса үнэниие таанадта мэдүүлхэ һанаатайб. Израилиин зарим зон хододоо тиимэ зүрюу байхагүй, тэдэнэр шэлэгдэһэн бусад арадуудай бүрин Бурханда ерэтэр лэ тиимэ байха.

Коринфынхидтэ 2-дохи 4:4

Һүзэглэдэггүй зоной ухаан бодолыень энэ дэлхэйе захиржа байһан нүгэлтэ бурхан харанхы мунхагаар хушаа, тиимэһээ тэдэ балар һохор зон Бурханай дүрэнь болохо Христоосой алдар тухай һайн мэдээсэлһээ сасарһан гэрэл туяае хараха аргагүй байгаа.