Исай 41:19 - Библи

¹⁹ Элһэн сүл губи газарта хуша, акаци, мирт, чидун модо тарихаб. Зэлүүд хооһон, үрэжэлгүй газарта арса, жодоо, нарһан модо ургуулхаб.

Исай 41:19 ပူးပေါင်းရင်းမြစ်များ

Исай 27:6

Ерэхэ сагта Израилиин улад зон, Яковай үри һадаһад, модон мэтэ үндэһэлжэ, сэсэглэжэ, үрэ үгэхэ. Бүхы юртэмсэ тэдэнэй жэмэсээр дүүрээд байхал.

Исай 32:15

Гэбэшье Бурхан бидэндэ дээрэһээ Һүлдөө дахин эльгээхэ. Тиихэдэнь зэлүүд хооһон газар үрэжэл шэмэтэй болохо, таряалангуудаар баян ургаса ургаха.

Исай 35:1

Зэлүүд хооһон газар, хуурай сүл губи баярлан, тэндэ сэсэгүүд һалбархал.

Исай 43:19

Харагты, Би шэнэ зүйл хэхэм. Тэрэ мүнөө бэелүүлэгдэжэ эхилээ, харахадатнай болохо. Мүн Би хээрэ талада зам гаргажа, элһэн сүл губида уһа урдахуулхаб.

Исай 51:3

Би Сиониие, һандарһан гэрнүүд соонь байгша бүхы зониие хайрлажа, элһэн сүл губииень Эдээмэй сэсэрлиг мэтэ, Эзэнэй сэсэрлиг мэтэ болгохоб. Тэндэ баяр баясхалан, зугаа наадан, Намайе магтан дуулаһан дуунууд зэдэлхэл.

Исай 55:13

Үргөөһэнэй орондо нарһан, халаахайн орондо мирт ургаха. Энэ болбол Минии, Эзэнэй, алдар солын хэрэг болохо, Минии үйлэ хэрэгүүд тушаа хэтэ мүнхын гэршэ тэмдэг болохо.

Исай 60:13

Минии нангин үргөөе, Иерусалим, шамайе үзэсхэлэн һайхан, һүр жабхалантай болгохын тула нарһан, арса, жодоо модод – Ливаанай ойн эгээл үнэтэй модод шам руу асарагдаха.

Исай 60:21

Удаань бүхы арад зоншни гансал зүб шударга хэрэг үйлэдэн байха, газарые хэтэ мүнхэдөө эзэмдэхэ. Намайе алдаршуулхын тула Би тэдэниие таряа, бүтээгээ бэлэйб.

Исай 61:11

Үрэ хүрэнгэһөө ургаса гарадагтал, Эзэн Бурхан Өөрын арадые абархаб гэһэн үгэеэ дүүргэхэ, тиигээд бүхы үндэһэ яһатанда магтуулха.

Исай 61:3

Сион уула дээрэ гашуудан уйлалдагшадта үнэһэнэй орондо гоёолто, бархираанай орондо баяр баясхалан, гай гасаланта шэг шарайн орондо гоёлой хубсаһан үгтэхэ гэжэ минии хэлэхые Тэрэ эльгээгээ. Эзэн Бурханай алдар солынгоо тула Өөрөө һуулгаһан модод мэтэ тэдэ болохо, зүб шударга хэрэгүүдые үйлэдэхэ.

Эзэкээл 47:12

Гол урасхалай хоёр эрьеэр алим жэмэстэ элдэб янзын модод урган байха. Һара бүри жэмэсэй шэнэ ургаса тэдэ үгэхэ, набша намаань хододоо ногоон зандаа байха, эм дом болохо. Юундэб гэхэдэ, энэ урасхал нангин үргөөһөө гаран урдана бшуу.

Һошээ 14:8

Минии хамгаалалта доро тэдэ дахин ажаһуудаг болохо, үрэжэл ехэтэй таряандал, жэмэс олон уһан үзэмэй модондол, Ливаанай үзэмэй дараһан архидал адли алдар суутай болон байха.

Захарияа 1:8

– Энэ һүни үзэгдэл харабаб: миртын һөөгүүдэй дунда хонхосог соо зээрдэ мори унаһан хүн зогсоно, ара тээнь зээрдэ, алаг, сагаан морид байна.