Исай 41:15 - Библи

¹⁵ Таанадые Би хурса үзүүртэй шэнэ лантуу мэтэ болгохоб. Таанад хада уулануудые нюдэжэ, үгы хэхэт. Гүбээнүүд һолоомо һүрэл мэтэ болохо.

Исай 41:15 ပူးပေါင်းရင်းမြစ်များ

Исай 17:13

Үндэһэтэдэй ехэ шууяан мантан долгинуудай хүүеэн мэтэ, теэд Бурханай тэдэниие зэмэлхэдэ, һалхинда хиидэһэн хада уулын тооһо шорой мэтэ, хуй шуурганай тооһон мэтэ туугдан, тэдэ аяар холуур хиидэнэ.

Исай 21:10

Таряанай тоог дээрэ сохигдоһон таряан мэтэ арад зомни! Түмэн Сэрэгтэ Израилиин Эзэн Бурханһаа дуулаһанаа мүнөө таанадта дуулганаб.

Исай 28:27

Укроп болон тминэй үрэ сохин хадахын тула тэдэ хэзээдэшье хүндэ лантуу хэрэглэдэггүй, хүнгэхэн һабаануудаар сохидог.

Исай 29:5

Иерусалимда добтолһон дайсад тооһондол мэтээр үлеэгдэн һалаха, тэдэнэй аймшагтай сэрэг һолоомодол хиидэн үгы болохо. Гэнтэ, нюдөө сабшама зуура

Исай 42:15

Уула гүбээнүүдые үгы хэн, бүхы үбһэ ногоо хатаахаб. Голой нюрууе элһэн сүл губи болгожо, сөөрэмүүдые шэргээхэб.

Исай 64:1

Оо, огторгойе хаха татан буугаа гээшэ һаатнай! Хада ууланууд урдатнай доһолхо байгаал!

Ерэмияа 51:20

Эзэн иигэжэ айладхана: Вавилоон, таанад Минии шиидам, дайнай зэбсэг гээшэт. Үндэһэ яһатаниие сохиходоо, хаан түрэнүүдые усадхахадаа, Би таанадые хэрэглэдэг һэм.

Ерэмияа 51:33

Халта болоод дайсан тэдэниие хороохо, Вавилооной басаган тээрмэдэ үйрүүлэгдэжэ байһан орооһондол, гэшхэн буталха. Энэ болбол Би, Түмэн Сэрэгтэ Эзэн, Израилиин Бурхан, айладхана мүн!

Ерэмияа 9:10

Уула тухай уйлажа, ори дуун болохоб. Үргэн талын бэлшээринүүд тухай гашуудан бархирхаб. Тэдэ зэлүүд хооһон болоо, тэрээгүүр хэншье гарахагүй. Үхэр һүрэгэй мөөрэхэнь дуулданагүй, огторгойн шубууд, бүхы ан арьяатан зугадан тэрьедээ.

Эзэкээл 33:28

Орон нютагые зэлүүд хооһон болгохоб, омогорходог хүсэ шадалыетнай бууруулхаб. Израилиин хада ууланууд хооһон болохо, хэншье тэрээгүүр ябажа шадахагүй.

Даниил 2:35

Тэрэ дары түмэр, шабар, гуулин, мүнгэн, алтан бутаржа, нажарай сагта гүмнээ дээрэ хиидэдэг мэхиинэ мэтэ болоод, һалхинда туугдажа, һэе мүргүй үгы болобо. Мантан хүрэг дээрэ унааша тэрэ шулуун агуу хада боложо, бүхы газар дэлхэйе эзэлбэ.

Михей 4:13

Эзэн иигэжэ айладхана: «Иерусалимай арад зон, бодожо, дайсадаа бута сохигты! Би таанадые түмэр эбэртэй, гуулин туруутай буха мэтэ болгохоб! Эдэ арадуудые бута сохижо, үнэн зүб бэшээр олзолһон баялигуудыень Намда, бүхэдэлхэйн Эзэндэ, зорюулан үргэхэт».

Михей 5:8

Арадуудай, үндэһэ яһатанай дунда байгааша Яковай үри һадаһад ой тайгын, талын ан амитадай дунда байгааша арсалан мэтэ, дэбһэжэ, уража байха, хэншье тэрээнһээ абаржа шадахагүй.

Аввакуум 3:12

уур сухалтай газар дэлхэйгээр Та алхалжа, зэбүүрхэн арадуудые дэбһэнэт.

Захарияа 4:7

Асари хада, Зэрубабээлэй урда ши хэмши? Ши тэгшэ тала гээшэш. Һүмын оройн шулуу дээшэнь гаргажа табихадань, арад зон «Эзэнэй үгэһэн аша буян энэл» гэжэ соло дуудаха.

Нүүнэй Иисүүс 17:18

хадашье шинии болохо, энэ ойешье сэбэрлэхэш, тэрэ дууһатараа шинии байха; байлдаанай түмэр тэргэтэйшье, хүсэтэйшье һаань, ханаһаануудые ши үлдэхэш.

Ударидагшад 6:16

Тиихэдэнь Эзэн тэрээндэ иигэжэ айладаба: – Би шамтайб! Ши нэгыньшье үлөөнгүйгөөр бүхы мидиануудые үгы хэхэш.