Исай 38:19 - Библи

¹⁹ Намдал адли амиды зон Таниие магтан байха, эсэгэнэр хүүгэдтээ Танай найдамтай үнэн зүбые тунхаглахал.

Исай 38:19 ပူးပေါင်းရင်းမြစ်များ

Эхин 18:19

Үгы, Би нюухагүйб. Абраһаамые Би шэлэн һунгахадаа, тэрэниие өөрынгөө үхибүүдтэ мүн хамаг үри һадаһадтаа Минии зааһан замаар ябаха, хододоо үнэн шударга сэдьхэл түхөөхэ тухай захижа, һургажа байхынь тула шэлээб. Тиимэ ябаа һаань, Би тэрээндэ найдуулһан хамагые бэелүүлхэб.

Псалманууд 118:17

Намайе амиды байлгажа, үгыетнай сахин бэелүүлэхымни тула Өөрын зарасада хайра үзүүлэн хандыт.

Псалманууд 145:4

Һүнэһэнэйнгөө зайлахадань тэрэ газартаа бусаха, тэрэл үдэртөө бодолынь үгы болодог.

Псалманууд 146:2

Эзэн Иерусалимые бодхоон баридаг, Израилиин таран бутараашадые суглуулдаг.

Египедһээ гаралга 10:2

Египедые ямар хэһээлтээр Минии хэһээһэн тухай, гайхамшаг үзэгдэлнүүдые хайшан гэжэ Минии үзүүлһэн тухай хүбүүдтээ ба аша гушанартаа хөөрөөрэйгты! Эзэн хэн гээшэб гэжэ мэдэхынтнай тула эсэргүүсүүлээб!

Экклезиаст 9:10

Гарайнгаа хэжэ шадаха юумэ шадал соогоо хэгты. Ушарынь гэхэдэ, үхэлэй орондо ошоходош, тэндэ ажал үйлэ, бодол сэдьхэлгэ, мэдэсэ, мэргэн ухаан гэжэ байхагүй.

Ёһээл 1:3

Энээн тухай таанар хүүгэдтээ хэлэжэ, тэдэ саашаа өөрын үхи хүбүүдтэ дамжуулан, тэдэнэй хүүгэд удаадахи үедөө дамжуулаг.

Иоанн 9:4

Намайе эльгээһэн Эсэгын хэрэгүүдые үдэр байхада бүтээхэ ёһотойбди. Мэнэ гэһээр һүни болохоёо байна, харанхыда хэншье юумэ хэжэ шадахагүй.

Хуули дабталга 11:19

Тэдээн тухай хэлэжэ, үхи хүүгэдээ һургагты – гэртээшье һуухадаа, харгыдашье ябахадаа, амаржа байхадаашье, ажал хэхэдээшье.

Хуули дабталга 4:9

Теэд болгоомжологты! Хараһан үзэһэн үйлэ хэрэгүүдээ бү мартагты, бүхы наһаараа ой ухаанһаатнай тэдэ бү гараг. Эзэн Бурханайнгаа урда Хорээб хадын дэргэдэ зогсоһон тэрэ үдэр тушаа үхи хүүгэдтээ, аша гушанартаа хөөрэгты. Тэндэ Эзэн намда иигэжэ айладхаа бэлэй: «Улад зониие Минии урда суглуула, Би тэдээндэ Өөрынгөө һургаал айладхахам. Тиихэдэм тэдэнэр хүрьһэтэ дэлхэй дээрэ амидаран байгаа бүхы наһан соогоо Намайе хүндэлжэ һураха, энээндэ үхи хүүгэдээшье һургахал».

Хуули дабталга 6:7

Үхи хүүгэдтээ энээн тушаа хододоо һануулжа, хэлэжэ байгты. Өөрынгөө гэртэшье һуухадаа, аян замдашье ябахадаа, амаржа байхадаашье, ажал хэжэшье байхадаа энээн тухай хэлэжэ байгты.